ಬೆಂಗಳೂರು : ದಿನೇಶ್ ಕಾರ್ತಿಕ್ ಮತ್ತೊಮ್ಮೆ RCB ತಂಡದ ಆಪದ್ಭಾಂದವನಾಗಿ ಗುರುತಿಸಿಕೊಂಡರು. ಸಂಕಷ್ಟದಲ್ಲಿದ್ದ RCBಗೆ ಆಸರೆಯಾದ ಡಿಕೆ ತಂಡವನ್ನು ಗೆಲುವಿನ ದಡ ಸೇರಿಸುವಲ್ಲಿ ಯಶಸ್ವಿಯಾದರು.
ತವರು ಅಂಗಳ ಬೆಂಗಳೂರಿನ ಚಿನ್ನಸ್ವಾಮಿಯಲ್ಲಿ ನಡೆದ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 4 ವಿಕೆಟ್ಗಳ ಭರ್ಜರಿ ಜಯ ದಾಖಲಿಸಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್ ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 176 ರನ್ ಗಳಿಸಿತು. ಈ ಟಾರ್ಗೆಟ್ ಬೆನ್ನಟ್ಟಿದ RCB ನಿಗದಿತ 19.2 ಓವರ್ಗಳಲ್ಲಿ 6 ವಿಕೆಟ್ ಕಳೆದುಕೊಂಡು (178) ಗೆಲುವಿನ ನಗೆ ಬೀರಿತು.
ಈ ಗೆಲುವಿನ ಪ್ರಮುಖ ರುವಾರಿ ವಿರಾಟ್ ಕೊಹ್ಲಿ. ಒಂದೆಡೆ ವಿಕೆಟ್ ಬೀಳುತ್ತಿದ್ದರೂ ಜವಾಬ್ದಾರಿಯುತವಾಗಿ ಬ್ಯಾಟ್ ಬೀಸಿದ ವಿಕೆ 49 ಎಸೆತದಲ್ಲಿ 11 ಬೌಂಡರಿ ಮತ್ತು 2 ಸಿಕ್ಸರ್ ಮೂಲಕ 77 ರನ್ ಸಿಡಿಸಿದರು. ಆದರೆ, ಕೊಹ್ಲಿ ಔಟಾದ ಬಳಿಕ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ ಆರ್ಸಿಬಿಗೆ ನೆರವಅಗಿದ್ದು ದಿನೇಶ್ ಕಾರ್ತಿಕ್.
ವಿಕೆ ಹೋದ್ರು ಡಿಕೆ ಇದಾನೆ ಎಂಬ ಮಾತು ಸುಳ್ಳಾಗಲಿಲ್ಲ. ಕೊಹ್ಲಿ ಔಟಾಗುತ್ತಿದ್ದಂತೆ ಪಂದ್ಯ ಪಂಜಾಬ್ ಕಡೆ ವಾಲಿತು. ಆದರೆ, ಕೊನೆಯಲ್ಲಿ ದಿನೇಶ್ ಕಾರ್ತಿಕ್ ಮತ್ತು ಮಹಿಪಾಲ್ ಲೋಮ್ರೋರ್ ಪಂಜಾಬ್ ಬೌಲರ್ಗಳನ್ನು ಮನಬಂದಂತೆ ದಂಡಿಸಿದರು. ಈ ಮೂಲಕ ತಂಡವನ್ನು ಗೆಲುವಿನ ದಡ ಸೇರಿಸಿದರು.
ದಿನೇಶ್ ಕಾರ್ತಿಕ್ 10 ಎಸೆತದಲ್ಲಿ 2 ಸಿಕ್ಸರ್ ಮತ್ತು 3 ಬೌಂಡರಿ ಮೂಲಕ 28 ರನ್ ಹಾಗೂ ಲೋಮ್ರೋರ್ 8 ಎಸೆತದಲ್ಲಿ 1 ಸಿಕ್ಸರ್ ಮತ್ತು 2 ಬೌಂಡರಿ ಮೂಲಕ 17 ರನ್ ಗಳಿಸಿದರು. ಈ ಮೂಲಕ ದಿನೇಶ್ ಕಾರ್ತಿಕ್ ಫಿನಿಶರ್ ಆಗಿ ಗುರುತಿಸಿಕೊಂಡರು. ನಾಯಕ ಡುಪ್ಲೆಸಿಸ್ 3, ಕ್ಯಾಮರೂನ್ ಗ್ರೀನ್ 3, ರಜತ್ ಪಾಟಿದಾರ್ 18 ರನ್ ಗಳಿಸಿದರು. ಪಂಜಾಬ್ ಪರ ರಬಾಡ, ಬ್ರಾರ್ ತಲಾ 2, ಕರ್ರನ್ ಒಂದು ವಿಕೆಟ್ ಪಡೆದರು.
The Punch.ev Electric Striker of the Match between Royal Challengers Bengaluru & Punjab Kings goes to Dinesh Karthik.#TATAIPL | @Tataev | #PunchevElectricStriker | #BeyondEveryday | #RCBvPBKS pic.twitter.com/aaaxlJqjjQ
— IndianPremierLeague (@IPL) March 25, 2024