ಬೆಂಗಳೂರು : ನರೈನ್ ನಟೋರಿಯಸ್ ಬ್ಯಾಟಿಂಗ್. ಆಂಡ್ರೆ ರಸೆಲ್ ರೌದ್ರಾವತಾರ. ರಾಕ್ ಸ್ಟಾರ್ ರಿಂಕು ಸಿಂಗ್ ಆರ್ಭಟ. ವಿಶಾಖಪಟ್ಟಣದಲ್ಲಿ ಸಿಕ್ಸರ್ಗಳ ಸುರಿಮಳೆ. ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿ.
ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿದ ಕೋಲ್ಕತ್ತಾ ನೈಟ್ ರೈಡರ್ಸ್ ದಾಖಲೆಯ ಮೊತ್ತ ಪೇರಿಸಿತು. ಈ ಮೂಲಕ ಆರ್ಸಿಬಿ ದಾಖಲೆಯನ್ನು ಧೂಳಿಪಟ ಮಾಡಿತು.
ಇನ್ನಿಂಗ್ಸ್ ಆರಂಭಿಸಿದ ಕೆಕೆಆರ್ ಬ್ಯಾಟರ್ಗಳು ಡೆಲ್ಲಿ ಬೌಲರ್ಗಳನ್ನು ಮನಬಂದಂತೆ ದಂಡಿಸಿದರು. ಆರಂಭಿಕರಾಗಿ ಕಣಕ್ಕಿಳಿದ ಸುನಿಲ್ ನರೈನ್ ಕೆಕೆಆರ್ ಬೌಲರ್ಗಳಿಗೆ ನರಕ ತೋರಿಸಿದರು. 39 ಎಸೆತಗಳಲ್ಲಿ 7 ಸಿಕ್ಸ್ ಹಾಗೂ 7 ಬೌಂಡರಿಗಳ ನೆರವಿನೊಂದಿಗೆ 85 ರನ್ ಚಚ್ಚಿದರು.
ರಸೆಲ್ ರೌದ್ರಾವತಾರ
ರಘುವಂಶಿ ಮೊದಲ ಪಂದ್ಯದಲ್ಲೇ ಅಬ್ಬರಿಸಿ ಬೊಬ್ಬಿರಿದರು. 27 ಎಸೆತಗಳಲ್ಲಿ 45 ಸಿಕ್ಸ್ ಹಾಗೂ 3 ಬೌಂಡರಿಗಳೊಂದಿಗೆ ಭರ್ಜರಿ (54) ಅರ್ಧಶತಕ ಸಿಡಿಸಿದರು. ಬಳಿಕ ಬಂದ ಆಂಡ್ರೆ ರಸೆಲ್ ಕ್ರೀಡಾಂಗಣದ ಮೂಲೆ ಮೂಲೆಗೂ ಚಂಡಿನ ದರ್ಶನ ಮಾಡಿಸಿದರು. ಕೇವಲ 19 ಎಸೆತಗಳಲ್ಲಿ 3 ಸಿಕ್ಸ್ ಹಾಗೂ 4 ಬೌಂಡರಿಗಳೊಂದಿಗೆ 41 ರನ್ ಸಿಡಿಸಿದರು.
ರಾಕ್ ಸ್ಟಾರ್ ರಿಂಕು ಸಿಂಗ್ ಅಬ್ಬರ
ರಾಕ್ ಸ್ಟಾರ್ ರಿಂಕು ಸಿಂಗ್ ಕೇವಲ 8 ಎಸೆತಗಳಲ್ಲಿ 3 ಸಿಕ್ಸರ್ ಹಾಗೂ 1 ಬೌಂಡರಿಯೊಂದಿಗೆ 26 ರನ್ ಚಚ್ಚಿದರು. ನಾಯಕ ಶ್ರೇಯಸ್ ಅಯ್ಯರ್ ಹಾಗೂ ಫಿಲಿಪ್ ಸಾಲ್ಟ್ 18 ರನ್ ಗಳಿಸಿದರು. ನಿಗದಿತ 20 ಓವರ್ಗಳಲ್ಲಿ ಕೆಕೆಆರ್ 6 ವಿಕೆಟ್ ನಷ್ಟಕ್ಕೆ ಬರೋಬ್ಬರಿ 272 ರನ್ ಗಳಿಸಿತು. ಡೆಲ್ಲಿ ಕ್ಯಾಪಿಟಲ್ಸ್ ಪರ ಅನ್ರಿಚ್ 3, ಇಶಾಂತ್ ಶರ್ಮಾ 2, ಖಲೀಲ್ ಅಹ್ಮದ್ ಹಾಗೂ ಮಿಚೆಲ್ ಸ್ಟಾರ್ಕ್ ತಲಾ ಒಂದು ವಿಕೆಟ್ ಪಡೆದರು.
