ಬೆಂಗಳೂರು: ರಾಜ್ಯದಲ್ಲಿ ಎಣ್ಣೆ ಅಂಗಡಿಗಳು ಓಪನ್ ಇದೆ ಅದ್ರೆ ಕುಡಿಯುವ ನೀರಿನ ಟ್ಯಾಂಕ್ ಗಳು ಕ್ಲೋಸ್ ಆಗಿವೆ ಎಂದು ವಿಪಕ್ಷ ನಾಯಕ ಆರ್.ಅಶೋಕ್ ಲೇವಡಿ ಮಾಡಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಎಲ್ಲ ಕಡೆ ನೀರಿಲ್ಲ ನೀರಿಲ್ಲ ಅನ್ನೋ ವಾತಾವರಣ ಇದೆ.ನಾವು ಸರ್ಕಾರದ ವಿರುದ್ಧ ಸೋಮವಾರ ಖಾಲಿ ಕೊಡಗಳನ್ನು ಪ್ರದರ್ಶನ ಮಾಡಿ ಬೃಹತ್ ಪ್ರತಿಭಟನೆಯನ್ನು ರಾಜ್ಯಾದ್ಯಂತ ಮಾಡುತ್ತೇವೆ.
ಈ ಸರ್ಕಾರ ಜನರಿಗೆ,ರೈತರಿಗೆ ನೀರು ಕೊಡುವಲ್ಲಿ ವಿಫಲ ಆಗಿದೆ. ಕುಡಿಯುವ ನೀರಿಗೆ ಆದ್ಯತೆ ಕೊಟ್ಟಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಇದನ್ನೂ ಓದಿ: ಕಾಂಗ್ರೆಸ್ ನಾಯಕ ರಾಹುಲ್ಲಾ ಏನಿಲ್ಲ ಏನಿಲ್ಲ: ಆರ್. ಅಶೋಕ್
ಬರೀ ಟ್ಯಾಂಕರ್‌ಗೆ ದರ ನಿಗದಿ ಮಾಡೋದಲ್ಲ.ಕುಡಿಯುವ ನೀರನ್ನ ಕೊಡಬೇಕು.ಹೇಮಾವತಿ,ಕಬಿನಿ ಇಂದಲೋ ನೀರು ತನ್ನಿ.ತಮಿಳು ನಾಡಿಗೆ ನೀರು ಬಿಡದಿದ್ರೆ ನಮಗೆ 5-6 TMC ನೀರು ಉಳಿಯುತ್ತಿತ್ತು.ನೀರಿಗೆ ಸಮಸ್ಯೆ ಆಗ್ತಿರಲಿಲ್ಲ. ಆದ್ರೆ ಸುಪ್ರೀಂ ಕೋರ್ಟ್ ತೀರ್ಪು ಬರುವ ಮೊದಲೇ ನೀರು ಬಿಟ್ಟವರು ಇವರು.ಬರಗಾಲ ನಿಭಾಯಿಸಲು ಸಾಧ್ಯವಾಗ್ತಿಲ್ಲ.ಇದು ದಿಕ್ಕು ದೆಸೆ ಇಲ್ಲದ ಸರ್ಕಾರ ಎಂದು ಕಿಡಿಕಾರಿದ್ದರು.
