ರಾಯಚೂರು; ಇಷ್ಟು ದಿನ ರಾಜಕೀಯದಿಂದ ದೂರ ಆಗಿ, ಸಿನಿಮಾ ಕಾರ್ಯಕ್ರಮಗಳಲ್ಲಿ ಮರಳಿ ಕಾಣಿಸಿಕೊಂಡದ್ದ ಮೋಹಕ ತಾರೆ ರಮ್ಯಾ ಈಗ ದಿಢೀರಾಗಿ ಭಾರತ್ ಜೋಡೋ ಯಾತ್ರೆಯಲ್ಲಿ ಭಾಗಿಯಾಗಿದ್ದಾರೆ.
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರ ನೇತೃತ್ವದಲ್ಲಿ ಕನ್ಯಾಕುಮಾರಿಯಿಂದ ಕಾಶ್ಮೀರದವರೆಗೆ ಭಾರತ್ ಜೋಡೋ ಯಾತ್ರೆ ಆರಂಭವಾಗಿದ್ದು, ಈಗಾಗಲೇ ಈ ಯಾತ್ರೆ 45 ನೇ ದಿನಕ್ಕೆ ಕಾಲಿಟ್ಟಿದ್ದು, ರಾಜ್ಯದ ರಾಯಚೂರಿನ ಈ ಯಾತ್ರೆ 16 ದಿನಕ್ಕೆ ಕಾಲಿಟ್ಟಿದೆ.
ಈ ಮೊದಲು ಮಂಡ್ಯದ ಸಂಸದ ಸ್ಥಾನಕ್ಕೆ ಸ್ಪರ್ಧಿಸಿ ಸಂಸದರಾಗಿ ಆಯ್ಕೆಯಾಗಿದ್ದ ರಮ್ಯಾ, ತದ ನಂತರ ದಿನಗಳಲ್ಲಿ ಸೋಲು ಅನುಭವಿಸಿ, ರಾಷ್ಟ್ರಿಯ ಕಾಂಗ್ರೆಸ್ನಲ್ಲಿ ಹಾಗೂ ರಾಹುಲ್ ಗಾಂಧಿ ಅವರ ಅತ್ಯಾಪ್ತ ಬಳಗದಲ್ಲಿ ರಮ್ಯಾ ಗುರುತಿಸಿಕೊಂಡಿದ್ದಳು.
ಬಳಿಕ ರಾಜಕೀಯದಲ್ಲಾದ ಬದಲಾವಣೆ ದಿನಗಳಲ್ಲಿ ಕಾಂಗ್ರೆಸ್ನಿಂದ ದೂರ ಉಳಿದ ರಮ್ಯಾ, ನಂತರ ದಿನಗಳಲ್ಲಿ ವಿದೇಶಕ್ಕೆ ಹಾರಿ ರಮ್ಯಾ ಅವರು ರಾಜಕೀಯ, ಸಿನಿಮಾದಿಂದ ದೂರ ಉಳಿದರು. ಅಲ್ಲದೇ, ಸಾಮಾಜಿಕ ಜಾಲತಾಣಗಳಿಂದ ಸಹ ದೂರ ಉಳಿದು ರಾಜಕೀಯ ಅಭಿಮಾನಿಗಳಿಗೆ ಶಾಕ್ ನೀಡಿದ್ದರು.
ಈಗ ಮತ್ತೆ ರಮ್ಯಾ ಇಂದು ರಾಯಚೂರಿನ ಭಾರತ್ ಜೋಡೋಯಾತ್ರೆಯಲ್ಲಿ ಪಾಲ್ಗೊಂಡು, ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್ ಜತೆಗೆ ಹೆಜ್ಜೆಹಾಕಿದರು.
