ಕೋಟಿ ಕೋಟಿ ಅಭಿಮಾನಿಗಳ ಪಾಲಿಗೆ ಭಗವಂತನ ಸ್ವರೂಪಿಯಾಗಿರೋ ಅಪ್ಪು ಸಿನಿಮಾದಲ್ಲಿಯೂ ಸಾಕ್ಷಾತ್ ದೇವರಾಗಿದ್ದಾರೆ. ಯೆಸ್. ನಗುಮೊಗದ ಸರದಾರ ಅಪ್ಪು ಲಕ್ಕಿ ಮ್ಯಾನ್ ಚಿತ್ರದಲ್ಲಿ ವಿಷ್ಣುವಿನ ಅವತಾರದಲ್ಲಿ ಮಿಂಚಿದ್ದಾರೆ. ಸೆನ್ಷೇಷನ್ ಕ್ರಿಯೇಟ್ ಮಾಡಿರೋ ಲಕ್ಕಿಮ್ಯಾನ್ ಟ್ರೈಲರ್ ಯ್ಯೂ ಟ್ಯೂಬ್ನಲ್ಲಿ ಧೂಳೆಬ್ಬಿಸ್ತಿದೆ. ಫನ್ ವಿತ್ ಎಮೋಷನ್ ಫ್ರೇವರ್ನಲ್ಲಿ ಲಕ್ಕಿ ಮ್ಯಾನ್ ಟ್ರೈಲರ್ ಹೇಗಿದೆ ಗೊತ್ತಾ..? ನೀವೇ ಓದಿ.
- ಮುರುಳಿ ಮೋಹನ ಕೃಷ್ಣನ ಅವತಾರದಲ್ಲಿ ಅಪ್ಪು ಮಹಿಮೆ..!
ಡಾರ್ಲಿಂಗ್ ಕೃಷ್ಣ ಹಾಗೂ ಸಂಗೀತ ಶೃಂಗೇರಿ ಕಾಂಬೀನೇಷನ್ನಲ್ಲಿ ಮೂಡಿ ಬರ್ತಿರೋ ಸಿನಿಮಾ ಲಕ್ಕಿ ಮ್ಯಾನ್. ಅಪ್ಪು ಅಭಿಮಾನಿಗಳಿಗೆ 100 % ಲಕ್ಕಿ ಸಿನಿಮಾ ಇದು. ಅಪ್ಪು ಅಮೋಘ ನಟನೆಯನ್ನು, ಮನಮೋಹಕ ನಗುವನ್ನು ಕಣ್ತುಂಬಿಕೊಳ್ಳೋ ಸದವಕಾಶ ಈ ಸಿನಿಮಾ ಮೂಲಕ ಸಿಗಲಿದೆ. ಯೆಸ್. ಬೆಟ್ಟದ ಹೂ ಪುನೀತ್ ರಾಜ್ಕುಮಾರ್ ಅಭಿನಯದ ಗಂಧದ ಗುಡಿ, ಲಕ್ಕಿ ಮ್ಯಾನ್ ಸಿನಿಮಾಗಳು ಅಪ್ಪು ನಟಿಸಿದ ಕೊನೆಯ ಸಿನಿಮಾಗಳಾಗಿವೆ.
ಲಕ್ಕಿ ಮ್ಯಾನ್ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ನಲ್ಲಿದೆ. ಟ್ರೈಲರ್ನಲ್ಲಿ ಅಪ್ಪುನಾ ಭಗವಂತನದ ರೂಪದಲ್ಲಿ ನೋಡಿ ಫ್ಯಾನ್ಸ್ ಕೂಡ ಥ್ರಿಲ್ ಆಗಿದ್ದಾರೆ. ಕೈಯಲ್ಲಿ ಸುದರ್ಶನ ಚಕ್ರ ಹಿಡಿದು ಕೃಷ್ಣನ ರೂಪದಲ್ಲಿ ಅಪ್ಪು ಬರ್ತಿದ್ದಂತೆ, ಫ್ಯಾನ್ಸ್ ಕಣ್ಣಾಲಿಗಳು ತುಂಬಿ ಬಂದಿವೆ. ಪ್ರತಿ ಮನೆ ಮನಗಳಲ್ಲೂ ದೇವರಾಗಿರೋ ಅಪ್ಪುನಾ ದೇವರ ರೂಪದಲ್ಲಿ ಕಂಡು ಕೋಟ್ಯಂತರ ಅಭಿಮಾನಿಗಳು ಭಾವುಕರಾಗಿದ್ದಾರೆ. ಯುವರತ್ನನ ಸ್ಪೆಷಲ್ ಎಂಟ್ರಿಗೆ ಕ್ಲೀನ್ ಬೋಲ್ಡ್ ಆಗಿದ್ದಾರೆ.
- ಅಪ್ಪು ಮೈನವಿರೇಳಿಸೋ ನೃತ್ಯ ಮಿಸ್ ಮಾಡ್ಕೋಬೇಡಿ..!
- ಮತ್ತೆ ಭುವಿಗಿಳಿದು ಬರಲಿದ್ದಾರೆ ಕನ್ನಡದ ಮಿನುಗು ತಾರೆ
ಎರಡು ನಿಮಿಷ 25 ಸೆಕೆಂಡುಗಳ ಕಾಲ ಲಕ್ಕಿ ಮ್ಯಾನ್ ಟ್ರೈಲರ್ ನಗಿಸುತ್ತದೆ. ಕೆಲವು ಕಡೆ ಅಳಿಸುತ್ತದೆ. ಬಾಲ್ಯದ ಗೆಳತಿಯನ್ನೆ ಸಂಗಾತಿಯಾಗಿ ಪಡೆಯುವ ಡಾರ್ಲಿಂಗ್ ಕೃಷ್ಣ ಮ್ಯಾಚ್ ಆಗದ ಭಾವನೆಗಳಲ್ಲಿ ತೊಳಲಾಡ್ತಿದ್ದಾರೆ. ಜತೆಗೆ ಸ್ಕೂಲ್ ಡೇಸ್ನಲ್ಲಿ ಲವ್ ಆಗಿದ್ದ ಮೀರಾ ಎಂಟ್ರಿಯಿಂದ ಡಾರ್ಲಿಂಗ್ ಕೃಷ್ಣನ ಜೀವನದಲ್ಲಿ ಹೊಸ ಕಳೆ ಬಂದಿದೆ. ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿಸೋ ಹೆಂಡತಿ, ಲೈಫಲ್ಲಿ ಬಿರುಗಾಳಿಯಂತೆ ಎಂಟ್ರಿ ಕೊಡೋ ಮೀರಾ. ಕೊನೆಯಲ್ಲಿ ಏಕಾಂಗಿಯಾಗೋ ಡಾರ್ಲಿಂಗ್ ಕೃಷ್ಣನ ಪಾಡು ರೋಚಕವಾಗಿದೆ.
ಚಿತ್ರದಲ್ಲಿ ಮನರಂಜನೆಯಂತೂ ಡಬಲ್ ಆಗಲಿದೆ. ಅಪ್ಪು, ಇಂಡಿಯನ್ ಮೈಕಲ್ ಜಾಕ್ಸನ್ ಪ್ರಭುದೇವ ಅವ್ರ ಮೈನವಿರೆಳಿಸೋ ನೃತ್ಯವಿದೆ. ಇದನ್ನು ಖಂಡಿತ ಮಿಸ್ ಮಾಡ್ಕೋಬೇಡಿ ಅಂತಿದೆ ಚಿತ್ರತಂಡ. ಟ್ರೈಲರ್ ಕೊನೆಯಲ್ಲಿ ಕೃಷ್ಣನಾಗಿ ಎಂಟ್ರಿ ಕೊಡೋ ಅಪ್ಪು ಕಂಡು ರೋಮಾಂಚನದ ಅನುಭವಾಗುತ್ತದೆ. ಸೆಪ್ಟೆಂಬರ್ 09ಕ್ಕೆ ಸಿಲ್ವರ್ ಸ್ಕ್ರೀನ್ ಮೇಲೆ ಅಪ್ಪು ಲೀಲೆಯನ್ನು ನೋಡಬಹುದು. ಡಾರ್ಲಿಂಗ್ ಕೃಷ್ಣನ ಲೈಫ್ನಲ್ಲಾಗಿರೋ ಮಿಸ್ಟೇಕ್ಸ್ ಎಲ್ಲಾ ಸರಿ ಮಾಡೋಕೆ ಸೆಕೆಂಡ್ ಚಾನ್ಸ್ ಕೊಡಲಿದ್ದಾರೆ ದೊಡ್ಮನೆಯ ಯುವರತ್ನ.
ಚಿತ್ರದಲ್ಲಿ ರೋಶಿನಿ ಪ್ರಕಾಶ್, ರಂಗಾಯಣ ರಘು, ನಾಗ ಭೂಷಣ್, ಸಾಧು ಕೋಕಿಲ ಯೋಗರಾಜ್ ಭಟ್ ಸೇರಿದಂತೆ ಮುಂತಾದ ಕಲಾವಿದರ ಸಮ್ಮಿಲನವಿದೆ. ಎಸ್. ನಾಗೇಂದ್ರ ಪ್ರಸಾದ್ ನಿರ್ದೇಶನದಲ್ಲಿ ಸಿನಿಮಾ ಕಮಾಲ್ ಮಾಡೋಕೆ ತುದಿಗಾಲಲ್ಲಿ ನಿಂತಿದೆ. ಮೀನಾಕ್ಷಿ ಸುಂದರಂ, ಸುಂದರ ಕಾಮರಾಜ್ ಜಂಟಿಯಾಗಿ ಸಿನಿಮಾ ನಿರ್ಮಾಣ ಮಾಡಿದ್ದು, ವಿಜಯ್ ವಿಕ್ಕಿ ಮ್ಯೂಸಿಕ್ ಮೋಡಿ ಮಾಡಿದೆ. ಟ್ರೈಲರ್ ಮೂಲಕ ಮ್ಯಾಜಿಕ್ ಮಾಡಿರೋ ಲಕ್ಕಿ ಮ್ಯಾನ್ ಬಿಗ್ ಸ್ಕ್ರೀನ್ ಮೇಲೆ ಕಮಾಲ್ ಮಾಡೋದು ಪಕ್ಕಾ ಆಗಿದೆ.
ರಾಕೇಶ್ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
