ರಿಲೀಸ್ಗೆ ರೆಡಿ ಇರೋ ಲೈಗರ್ ಅಬ್ಬರ ಜೋರಾಗಿದೆ. ಮಂತ್ರಿ ಮಾಲ್ನಲ್ಲಿ ಸೇರಿದ್ದ ಜನಸಾಗರ ಕಂಡು ಲೈಗರ್ ಟೀಮ್ ಮೂಖವಿಸ್ಮಿತವಾಗಿದೆ. ನೂಕು ನುಗ್ಗಲಿಗೆ ಬ್ಯಾರಿಕೇಡ್ ಉಡೀಸ್ ಆಗಿದೆ. ಲಾಠಿ ರುಚಿಗೂ ಅಂಜದ ಫ್ಯಾನ್ಸ್ ವಿಜಯ್ ದೇವರಕೊಂಡ ಕಂಡು ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಯೆಸ್.. ಬೆಂಗಳೂರಿನಲ್ಲಿ ಸಿಕ್ಕ ರೆಸ್ಪಾನ್ಸ್ಗೆ ಲೈಗರ್ ಟೀಮ್ ದಿಲ್ಖುಷ್ ಆಗಿತ್ತು. ಹೇಗಿತ್ತು ಮಂತ್ರಿ ಮಾಲ್ ಜನಸಾಗರ..? ನೀವೇ ಓದಿ.
ಲಾಠಿ ಏಟಿಗೂ ಬಗ್ಗದ ಫ್ಯಾನ್ಸ್.. ಮೊಳಗಿದ ಆರ್ಸಿಬಿ ಕಹಳೆ
ಅರ್ಜುನ್ ರೆಡ್ಡಿ, ಗೀತ ಗೋವಿಂದಂ ಸಿನಿಮಾಗಳ ಮೂಲಕ ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿರೋ ವಿಜಯ್ ದೇವರಕೊಂಡ ಗ್ಲೋಬಲ್ ಐಕಾನ್ ಆಗಿ ಅಬ್ಬರಿಸ್ತಿದ್ದಾರೆ. ವರ್ಲ್ಡ್ ವೈಡ್ ರಿಲೀಸ್ ಆಗ್ತಿರೋ ಲೈಗರ್ ಸಿನಿಮಾ ನೋಡಲು ಸಿನಿಪ್ರಿಯರು ಹಗಲು ರಾತ್ರಿ ಕಣ್ಣಿಗೆ ಎಣ್ಣೆ ಬಿಟ್ಕೊಂಡು ಕಾಯ್ತಿದ್ದಾರೆ. ಕ್ರಾಸ್ ಬ್ರೀಡ್ ಟೈಗರ್ ಹವಾ ಕಂಡು ಇಡೀ ಸಿನಿದುನಿಯಾ ಥಂಡಾ ಹೊಡೆದಿದೆ. ಈ ನಡುವೆ ಸಿಲಿಕಾನ್ ಸಿಟಿಯ ಮಂತ್ರಿ ಮಾಲ್ಗೆ ಭೇಟಿ ಕೊಟ್ಟಿದ್ದ ಲೈಗರ್ ಟೀಮ್ ಜನಸಾಗರ ಕಂಡು ಪೆಚ್ಚಾಗಿ ಹೋಗಿದೆ. ಇದ್ರ ನಡುವೆ ಕನ್ನಡಾಭಿಮಾನದ ಆರ್ಸಿಬಿ ಸದ್ದು ಕೂಡ ಮೊಳಗಿತು.
ಯೆಸ್.. ಲೈಗರ್ ಸಿನಿಮಾ ಪ್ರಮೋಷನ್ಗೆ ಆಗಮಿಸಿದ್ದ ವಿಜಯ್ ದೇವರಕೊಂಡ, ಅನನ್ಯಾ ಪಾಂಡೆ, ಹಾಗೂ ಲೈಗರ್ ಚಿತ್ರತಂಡ ಕಿಕ್ಕಿರಿದು ಸೇರಿದ್ದ ಫ್ಯಾನ್ಸ್ ಕಂಡು ಮಂತ್ರಮುಗ್ಧವಾಗಿದ್ದರು. ಅರೆ ಕ್ಷಣ ಸೈಲೆಂಟ್ ಆಗಿ ಬಿಟ್ರು. ರೌಡಿ ಬಾಯ್ಸ್ ಅಂಡ್ ಗರ್ಲ್ಸ್ ನೋಡಿ ಮೂಖವಿಸ್ಮಿತವಾಗಿದ್ದರು. ಸಾಲಾ ಕ್ರಾಸ್ ಬ್ರೀಡ್ ಟೈಗರ್ ಕಂಡ ಕ್ಷಣ ಫ್ಯಾನ್ಸ್ ಹುಚ್ಚೆದ್ದು ಕೇಕೆ ಹಾಕಿದ್ರು. ನೂಕು ನುಗ್ಗಲಿಗೆ ಬ್ಯಾರಿಕೇಡ್ ಎಲ್ಲಾ ಉಡೀಸ್ ಆಗ್ತಿದ್ವು. ಪೊಲೀಸರು ಲಾಠಿ ರುಚಿಯ ಬಿಸಿ ಮುಟ್ಟಿಸಿದ್ರು ಅಭಿಮಾನದ ಮುಂದೆ ಯಾವುದು ಲೆಕ್ಕಕ್ಕೆ ಬರಲೇ ಇಲ್ಲ.
ತನ್ನದೇ ಸ್ಟೈಲ್ನಲ್ಲಿ ಐ ಲವ್ ಯು ಎಂದ ವಿಜಯ್
ಗ್ಲಾಮರಸ್ ಗೊಂಬೆ ಅನನ್ಯಾ ಫ್ಲೈಯಿಂಗ್ ಕಿಸ್..!
ಅಪ್ಪು ಸಮಾಧಿಗೆ ಭೇಟಿ ಕೊಟ್ಟು ಸುದ್ದಿ ಗೋಷ್ಠಿ ನಡೆಸಿದ ಲೈಗರ್ ಟೀಮ್ ಮಂತ್ರಿ ಮಾಲ್ಗೆ ಭೇಟಿ ಕೊಟ್ಟಿತ್ತು. ವಿಜಯ್ ದೇವರಕೊಂಡ ಬರೋ ಸುದ್ದಿ ತಿಳೀತಾ ಇದ್ದಂತೆ ಸಾಗರೋಪಾದಿಯಲ್ಲಿ ಫ್ಯಾನ್ಸ್ ಮಂತ್ರಿ ಮಾಲ್ ಕಡೆ ಹೆಜ್ಜೆ ಹಾಕಿದ್ರು. ವಿಜಯ್, ಅನನ್ಯಾ ಕಂಡು ಫುಲ್ ಖುಷ್ ಆದ್ರು. ಪ್ರಾಣವನ್ನು ಲೆಕ್ಕಿಸದೇ ನೂಕಾಡುತ್ತಿದ್ದ ಅಭಿಮಾನ ಕಂಡು, ಹುಷಾರ್ ಎಂದು ವಿನಂತಿ ಮಾಡಿಕೊಳ್ತಾ ಇದ್ರು. ಹೃದಯ ತುಂಬಿ ಬಂದ ವಿಜಯ್ ತನ್ನದೇ ಸ್ಟೈಲ್ನಲ್ಲಿ ಐ ಲವ್ ಯು ಎಂದ್ರು.
ನಮ್ಮ ಸಿನಿಮಾ ತಪ್ಪದೇ ನೋಡಿ. ನೋಡ್ತಿರಲ್ವಾ, ಅಂತ ಚೆಂದುಳ್ಳಿ ಚೆಲುವೆ ಅನನ್ಯಾ ಪಾಂಡೆ ಮನವಿ ಮಾಡಿಕೊಂಡ್ರು. ಉಕ್ಕಿ ಹರಿದ ಅಭಿಮಾನದ ಅಕ್ಕರೆ ಕಂಡು ಫ್ಯಾನ್ಸ್ ಕಡೆಗೆ ಫ್ಲೈಯಿಂಗ್ ಕಿಸ್ ಕೊಟ್ಟರು. ಬೆರಗಾಗಿ ನೋಡ್ತಾ ಇದ್ದ ಅನನ್ಯಾ ಬೆಂಗಳೂರಿನ ಫ್ಯಾನ್ಸ್ ಕ್ರೇಜ್ ಕಂಡು ಹ್ಯಾಪಿ ಮೂಡ್ಗೆ ಜಾರಿದ್ರು.
ವಿಜಯ್ ದೇವರಕೊಂಡ, ಸಿನಿಮಾದ ಕೆಲವು ಡೈಲಾಗ್ ನೆನಪಿಸಿಕೊಂಡ್ರು. ವಿ ಆರ್ ಇಂಡಿಯನ್ಸ್, ವಾಟ್ ಲಗಾ ದೇಂಗೇ ಡೈಲಾಗ್ಗೆ ಶಿಳ್ಳೆ ಕೇಕೆ ಜೋರಾಗಿತ್ತು. ಅಂತೂ ಸಿಲಿಕಾನ್ ಸಿಟಿಯಲ್ಲಿ ವಿಜಯ್ ದೇವರಕೊಂಡ ಫ್ಯಾನ್ಸ್ ಕ್ರೇಜ್ ಯಾವ ಲೆವೆಲ್ಗೆ ಇದೆ ಅನ್ನೋದು ಪ್ರೂವ್ ಆಯ್ತು. ಆಗಸ್ಟ್ 25ಕ್ಕೆ ವರ್ಲ್ಡ್ ವೈಡ್ ರಿಲೀಸ್ ಆಗ್ತಿರೋ ಲೈಗರ್ ಚಿತ್ರಕ್ಕೆ ಪೂರಿ ಜಗನ್ನಾಥ್ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಕರಣ್ ಜೋಹರ್ , ಚಾರ್ಮಿ ಕೌರ್ ಸೇರಿ ನಿರ್ಮಾಣ ಮಾಡ್ತಿದ್ದಾರೆ. ಚಿತ್ರಪ್ರೇಮಿಗಳು ಸಿನಿಮಾ ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಈ ನಡುವೆ ಪ್ರಚಾರದಲ್ಲಿ ಮುಳಿಗಿರೋ ಲೈಗರ್ ಟೀಮ್ ಜನ್ರ ರೆಸ್ಪಾನ್ಸ್ ಕಂಡು ಥ್ರಿಲ್ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
