ಬೆಂಗಳೂರು : ಮಾಜಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಬ್ಯಾಟರ್ಗಳು ರನ್ ಮಲೆಯನ್ನೇ ಸುರಿಸಿದ್ದಾರೆ.
ದೆಹಲಿಯ ಅರುಣ್ ಜೇಟ್ಲಿ ಮೈದಾನದಲ್ಲಿ ನಡೆದ 43ನೇ ಪಂದ್ಯದಲ್ಲಿ ಮುಂಬೈ ವಿರುದ್ಧ ಡೆಲ್ಲಿ ಬೃಹತ್ ಮೊತ್ತ ಕಲೆಹಾಕಿದೆ. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 257 ರನ್ ಗಳಿಸಿದೆ.
ಐಪಿಎಲ್ ಇತಿಹಾಸದಲ್ಲೇ ಡೆಲ್ಲಿ ಕ್ಯಾಪಿಟಲ್ಸ್ ಇದೇ ಮೊದಲ ಬಾರಿಗೆ 250 ರನ್ ಗಳಿಸಿದೆ ಎಂಬುದು ಗಮನಾರ್ಹ. ಇನ್ನಿಂಗ್ಸ್ ಆರಂಭಿಸಿದ ಡೆಲ್ಲಿಗೆ ಫ್ರೇಸರ್ ಹಾಗೂ ಅಭಿಷೇಕ್ ಪೊರೆಲ್ ಅದ್ಭುತ ಆರಂಭ ನೀಡಿದರು. ಹೋಪ್, ನಾಯಕ ಪಂತ್, ಸ್ಟಬ್ಸ್ ಮುಂಬೈ ಬೌಲರ್ಗಳನ್ನು ಮನಬಂದಂತೆ ದಂಡಿಸಿದರು. ಬರೋಬ್ಬರಿ 17 ಸಿಕ್ಸ್ ಡೆಲ್ಲಿ ಪರ ದಾಖಲಾದವು.
ಡೆಲ್ಲಿ ಕ್ಯಾಪಿಟಲ್ಸ್ ಪರ ಫ್ರೇಸರ್ ಮೆಕ್ ಗುರ್ಕ್ 27 ಎಸೆತಗಳಲ್ಲಿ 84 ರನ್ ಚಚ್ಚಿದರು. ಸ್ಟಬ್ಸ್ 48, ಹೋಪ್ 41, ಪೊರೆಲ್ 36, ನಾಯಕ ರಿಷಭ್ ಪಂತ್ 29 ರನ್ ಸಿಡಿಸಿದರು. ಮುಂಬೈ ಪರ ವುಡ್, ಬುಮ್ರಾ, ನಬಿ ಹಾಗೂ ಚಾವ್ಲಾ ತಲಾ ಒಂದು ವಿಕೆಟ್ ಪಡೆದರು. ವುಡ್ 68 ಹಾಗೂ ತುಷಾರ 56 ರನ್ ನೀಡಿ ದುಬಾರಿಯಾದರು.
.@delhicapitals‘ Flying Powerplay 🤩
Fraser-McGurk increases the temperature with some explosive stroke play 🔥
Watch the match LIVE on @JioCinema and @StarSportsIndia 💻📱#TATAIPL | #DCvMI pic.twitter.com/e2VdyReaPu
— IndianPremierLeague (@IPL) April 27, 2024
