ಬೆಂಗಳೂರು : ಆಯುಷ್ ಬದೋನಿ ಏಕಾಂಗಿ ಹೋರಾಟದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತು.
ಲಕ್ನೋದ ಏಕನಾ ಸ್ಟೇಡಿಯಂ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೋ ಸೂಪರ್ ಜೈಂಟ್ಸ್ ಮೊದಲು ಬ್ಯಾಟಿಂಗ್ ಮಾಡಿದರು. ಆದರೆ, ನಾಯಕ ಕೆ.ಎಲ್. ರಾಹುಲ್ ಲೆಕ್ಕಾಚಾರವನ್ನು ಡೆಲ್ಲಿ ಬೌಲರ್ಗಳು ಉಲ್ಟಾ ಮಾಡಿದರು.
ಇನ್ನಿಂಗ್ಸ್ ಆರಂಭಿಸಿದ ಲಕ್ನೋ ಉತ್ತಮ ಆರಂಭ ಪಡೆಯಲಿಲ್ಲ. ಕೆ.ಎಲ್. ರಾಹುಲ್ ಜೊತೆ ಕಣಕ್ಕಿಳಿದ ಕ್ವಿಂಟನ್ ಡಿ ಕಾಕ್ 19 ರನ್ ಗಳಿಸಿ ಔಟಾದರು. ಬಳಿಕ ಬಂದ ಕನ್ನಡಿಗ ದೇವದತ್ ಪಡಿಕ್ಕಲ್ 3 ರನ್ಗೆ ಆಟ ಮುಗಿಸಿದರು. ಲಕ್ನೋ ನಂಬಿಕಸ್ತ ಬ್ಯಾಟರ್ ಮಾರ್ಕಸ್ ಸ್ಟೋನಿಸ್ 8 ರನ್ ಗಳಿಸಿ ಔಟಾದರು.
ಲಕ್ನೋ ಬಿಗ್ ಹಿಟ್ಟರ್ ನಿಕೋಲಸ್ ಪೂರನ್ ಶೂನ್ಯಕ್ಕೆ ಔಟಾಗಿ ನಿರಾಸೆ ಮೂಡಿಸಿದರು. ಸಂಕಷ್ಟದಲ್ಲಿದ್ದ ತಂಡಕ್ಕೆ ರಾಹುಲ್ ಚೇತರಿಕೆ ನೀಡಿದರು. ದೀಪಕ್ ಹೂಡಾ ಸಹ 10 ರನ್ಗೆ ಸುಸ್ತಾದರು. ಬಳಿಕ ರಾಹುಲ್ ಜೊತೆ ಒಂದಾದ ಆಯುಷ್ ಬದೋನಿ ಜವಾಬ್ದಾರಿಯುತ ಆಟ ಪ್ರದರ್ಶಿಸಿದರು. ಈ ವೇಳೆಗೆ ರಾಹುಲ್ 39 ರನ್ಗೆ ಆಟ ಮುಗಿಸಿದರು.
ಆಯುಷ್ ಬದೋನಿ ಅಬ್ಬರ
ಕೃನಾಲ್ ಪಾಂಡ್ಯ 3 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಒಂದೆಡೆ ವಿಕೆಟ್ ಬೀಳುತ್ತಿದ್ದರೂ ಬದೋನಿ ಏಕಾಂಗಿ ಹೋರಾಟ ನಡೆಸಿದರು. ಅರ್ಷದ್ ಖಾನ್ ಹಾಗೂ ಬದೋನಿ ಅರ್ಧಶತಕದ ಜೊತೆಯಾಟ ಲಕ್ನೋಗೆ ಆಸೆಯಾಯಿತು. ಅಂತಿಮವಾಗಿ 20 ಓವರ್ಗಳಲ್ಲಿ ಲಕ್ನೋ 7 ವಿಕೆಟ್ ಕಳೆದುಕೊಂಡು 167 ರನ್ ಗಳಿಸಿತು. ಆಯುಷ್ ಬದೋನಿ ಅಜೇಯ 55 ಹಾಗೂ ಅರ್ಷದ್ ಖಾನ್ ಅಜೇಯ 20 ರನ್ ಸಿಡಿಸಿದರು. ಡೆಲ್ಲಿ ಪರ ಕುಲ್ದೀಪ್ ಯಾದವ್ 3, ಖಲೀಲ್ ಅಹಮ್ಮದ್ 2, ಇಶಾಂತ್ ಶರ್ಮಾ ಹಾಗೂ ಮುಖೇಶ್ ತಲಾ ಒಂದು ವಿಕೆಟ್ ಪಡೆದರು.
A crucial 5️⃣0️⃣-run partnership 🙌
Ayush Badoni & Arshad Khan have powered #LSG to a competitive total!
Watch the match LIVE on @JioCinema and @StarSportsIndia 💻📱#TATAIPL | #LSGvDC pic.twitter.com/coyAwzQ85N
— IndianPremierLeague (@IPL) April 12, 2024
