ಬೆಂಗಳೂರು : ಮಗನಿಗೆ ದರೋಡೆ ಮಾಡುವಂತೆ ಪ್ರೇರೇಪಿಸಿ ಮನೆಕಳ್ಳತನಕ್ಕೆ ಕಳಿಸುತ್ತಿದ್ದ ಖತರ್ನಾಕ್ ಚೋರ್ ಗುರು ಚಂಡಾಳ್ ಶಿಷ್ಯ ತಾಯಿ ಮಗನನ್ನು ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.
ರೋಜ (32), ಚೋರ್ ಗುರು ತಾಯಿ, ಮತ್ತು ಅಪ್ರಾಪ್ತ ಆರೋಪಿ ಮಗನನ್ನು ಅನ್ನಪೂರ್ಣೆವೇಶ್ವರಿ ನಗರ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.
ಚೋರ್ ಗುರು ತಾಯಿ ರೋಜ, ಪ್ರತಿನಿತ್ಯ ಬೆಳಗ್ಗೆ ಎದ್ದು ಏರಿಯಾಗಳ ರೌಂಡ್ಸ್ ಹಾಕುತ್ತಿದ್ದಳು, ಯಾವ ಯಾವ ಮನೆಯಲ್ಲಿನ ಮಹಿಳೆಯರು ಎಷ್ಟೊತ್ತಿಗೆ ಒಂಟಿಯಾಗಿರುತ್ತಾರೆ ಎನ್ನುವ ಮಾಹಿತಿಯನ್ನು ಎರಡು ಮೂರು ದಿನಗಳ ಕಾಲ ವಾಚ್ ಮಾಡಿ ಬ್ಲೂ ಪ್ರಿಂಟ್ ತಯಾರಿಸುತ್ತಿದ್ದಳು. ಇದಾದ ಬಳಿಕ ತನ್ನ ಅಪ್ರಾಪ್ತ ಮಗನಿಗೆ ಮಾಹಿತಿ ನೀಡಿ ಸುಫಾರಿ ನೀಡುತ್ತಿದ್ದಳು.
ಇದನ್ನೂ ಓದಿ: ಫಾರ್ಮ್ ಹೌಸ್ ಗೆ ನುಗ್ಗಿ ಒಂಟಿ ಮಹಿಳೆ ಕೊಲೆ!
ತಾಯಿಯ ಮಾಹಿತಿಯ ಪ್ರಕಾರವೇ ಚಂಡಾಳ್ ಶಿಷ್ಯ ಅಪ್ರಾಪ್ತ ಮಗ ಕೈಯಲ್ಲಿ ಮಚ್ಚು ಹಿಡಿದು ಫೀಲ್ಡಿಗಿಳಿಯುತ್ತಿದ್ದ. ಒಂಟಿ ಮಹಿಳೆಯರು ಮೇಲೆ ಎರಗಿ ಹೆದರಿಸಿ ಚಿನ್ನದ ಸರಗಳನ್ನು ಕಸಿದು ಪರಾರಿಯಾಗುತ್ತಿದ್ದ.
ಈ ರೀತಿ ಕಳ್ಳತನ ಮಾಡಿಕೊಂಡು ಬರುತ್ತಿದ್ದ ತಾಯಿ ಮಗನನ್ನು ಅನ್ನಪೂರ್ಣೇಶ್ವರಿ ನಗರ ಪೊಲೀಸರು ಬಂಧಿಸಿದ್ದು ಬಂಧಿತರಿಂದ 5 ಲಕ್ಷ ಮೌಲ್ಯದ 103 ಗ್ರಾಂ ಚಿನ್ನವನ್ನು ವಶಕ್ಕೆ ಪಡೆದು ವಿಚಾರಣೆಯನ್ನು ಮುಂದುವರೆಸಿದ್ದಾರೆ.
