ಬೆಂಗಳೂರು : ಈ ಬಾರಿಯ ಐಪಿಎಲ್ನಲ್ಲಿ ಅದ್ಭುತ ಫಾರ್ಮ್ನಲ್ಲಿರುವ ರನ್ ಮೆಷಿನ್ ವಿರಾಟ್ ಕೊಹ್ಲಿ ಮತ್ತೊಂದು ಹೊಸ ದಾಖಲೆ ಮಾಡಿದ್ದಾರೆ.
ಗುಜರಾತ್ ಟೈಟಾನ್ಸ್ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 6 ರನ್ ಗಳಿಸುವ ಮೂಲಕ ಟಿ-20ಯಲ್ಲಿ 12,500 ರನ್ ಪೂರೈಸಿದರು. ಈ ಸಾಧನೆ ಮಾಡಿದ ಮೊದಲ ಭಾರತೀಯ ಹಾಗೂ ವಿಶ್ವದ 4ನೇ ಬ್ಯಾಟರ್ ಎಂಬ ಗೌರವಕ್ಕೆ ಪಾತ್ರರಾದರು.
ವೆಸ್ಟ್ ಇಂಡೀಸ್ನ ದಿಗ್ಗಜ ಕ್ರಿಸ್ ಗೇಲ್ 14,562 ರನ್ ಗಳಿಸುವ ಮೂಲಕ ಅಗ್ರಸ್ಥಾನದಲ್ಲಿದ್ದಾರೆ. ಪಾಕಿಸ್ತಾನದ ಆಟಗಾರ ಶೊಯೆಬ್ ಮಲಿಕ್ 13,360 ರನ್ ಸಿಡಿಸಿ 2ನೇ ಸ್ಥಾನದಲ್ಲಿದ್ದಾರೆ. ವೆಸ್ಟ್ ಇಂಡೀಸ್ನ ಆಲ್ರೌಂಡರ್ ಕಿರಾನ್ ಪೋಲಾರ್ಡ್ 12,900 ರನ್ ಗಳಿಸಿ 3ನೇ ಸ್ಥಾನದಲ್ಲಿದ್ದಾರೆ.
ವಿರಾಟ್ ಅದ್ಭುತ ಫೀಲ್ಡಿಂಗ್
ಗುಜರಾತ್ ವಿರುದ್ಧದ ಪಂದ್ಯದಲ್ಲಿ ಕಿಂಗ್ ವಿರಾಟ್ ಕೊಹ್ಲಿ ಅದ್ಭುತ ಫೀಲ್ಡಿಂಗ್ ಮೂಲಕ ಪ್ರೇಕ್ಷಕರನ್ನು ರಂಜಿಸಿದರು. ರಾಹುಲ್ ತೆವಾಟಿಯಾ ಶಾರ್ಟ್ ಲೆಗ್ ಸೈಡ್ ಆಡುತ್ತಿದ್ದರೆ, ನಾನ್ ಸ್ಟ್ರೈಕರ್ ಆಗಿರುವ ಶಾರುಖ್ ಖಾನ್ ರನ್ಗಾಗಿ ಮುಂದಾದರು.
ವಿರಾಟ್ ಕೊಹ್ಲಿ ತನ್ನತ್ತ ಬಂದ ಬಾಲ್ ಅನ್ನು ಒಂದೇ ಕೈಯಿಂದ ಎತ್ತಿಕೊಂಡು ಮಿಂಚಿನ ವೇಗದಲ್ಲಿ ರನೌಟ್ ಮಾಡಿ, ವಿಕೆಟ್ ಪಡೆದರು. ಕೊಹ್ಲಿ ಮಿಂಚಿನ ಫೀಲ್ಡಿಂಗ್ಗೆ ಸಹ ಆಟಗಾರರು ಬೆಚ್ಚಿಬಿದ್ದರು. ಈ ಪಂದ್ಯದಲ್ಲಿ ಗುಜರಾತ್ 147 ರನ್ಗಳಿಗೆ ಆಲೌಟ್ ಆಗಿದೆ. ಆರ್ಸಿಬಿ ಗೆಲ್ಲಲು 148 ರನ್ ಗಳಿಸಬೇಕಿದೆ.
That’s one way to get off the mark 🤌
King Kohli opens his account with a massive SIX 💥
Watch the match LIVE on @StarSportsIndia and @JioCinema 💻📱#TATAIPL | #RCBvGT | @imVkohli pic.twitter.com/jsnYAEc4ou
— IndianPremierLeague (@IPL) May 4, 2024