ಮುಖ್ಬೀರ್.. 2022ರಲ್ಲಿ ಅತಿ ಹೆಚ್ಚು ಮಂದಿಯಿಂದ ವೀಕ್ಷಿಸಲ್ಪಟ್ಟ ವೆಬ್ ಸೀರೀಸ್ ಅನ್ನೋ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಮನೋಜ್ ಬಾಜ್ಪಾಯ್ರ ದಿ ಫ್ಯಾಮಿಲಿಮ್ಯಾನ್ನ ಕೂಡ ಸರಿಗಟ್ಟಿರೋ ಮುಖ್ಬೀರ್, ಟಾಕ್ ಆಫ್ ದಿ ಟೌನ್ ಆಗಿದೆ. ನಮ್ಮ ಕನ್ನಡಿಗ ಪ್ರಕಾಶ್ ರೈ ಕೂಡ ಇದ್ರ ಭಾಗವಾಗಿರೋದು ಇಂಟರೆಸ್ಟಿಂಗ್.
- ಶಾಸ್ತ್ರಿ ಕಾಲದ ವಾರ್.. ಪಾಕ್ನಲ್ಲಿ ಇಂಡಿಯನ್ ಸ್ಪೈ ರೋಚಕತೆ
- ಪ್ರಕಾಶ್ ರೈ ನಟಿಸಿದ ಬೆಸ್ಟ್ ವೆಬ್ ಸೀರೀಸ್ ಈ ‘ಮುಖ್ಬೀರ್’
ಮಲಾಯ್ ಧಾರ್ ಬರೆದ ‘ಮಿಷನ್ ಟು ಕಾಶ್ಮೀರ್: ಌನ್ ಇಂಟೆಲಿಜೆಂಟ್ ಏಜೆಂಟ್ ಇನ್ ಪಾಕಿಸ್ತಾನ್’ ಅನ್ನೋ ಕಾದಂಬರಿ ಆಧಾರಿತ ವೆಬ್ ಸೀರೀಸ್ ಮುಖ್ಬೀರ್. ಯೆಸ್.. ಒಟಿಟಿ ಟ್ರೆಂಡಿಂಗ್ ಆಗಿರೋ ಪ್ರಸ್ತುತ ದಿನಗಳಲ್ಲಿ ಝೀ ಫೈವ್ನ ಮುಖ್ಬೀರ್ ಸೀರೀಸ್ ಸದ್ಯ ಟಾಕ್ ಆಫ್ ದಿ ಟೌನ್ ಆಗಿದೆ. ಪಾತ್ರಗಳು, ಕಥೆಯ ನಿರೂಪಣೆ, ಮೇಕಿಂಗ್, ಲೊಕೇಷನ್ಸ್ ಹೀಗೆ ಎಲ್ಲವೂ ಇಂಟರೆಸ್ಟಿಂಗ್ ಹಾಗೂ ಇಂಪ್ರೆಸ್ಸೀವ್ ಅನಿಸಿದೆ.
1965ರಲ್ಲಿ ಲಾಲ್ ಬಹದ್ದೂರ್ ಶಾಸ್ತ್ರಿ ಪ್ರಧಾನಿಯಾಗಿದ್ದಾಗಿನ ಇಂಡಿಯಾ- ಪಾಕ್ ವಾರ್ ಕುರಿತ ನೈಜ ಘಟನೆ ಆಧಾರಿತ ಕಥಾನಕ ಇದಾಗಿದೆ. ಶಿವಂ ನಾಯರ್ ಹಾಗೂ ಜೈಪ್ರದ ದೇಸಾಯಿ ಜಂಟಿ ನಿರ್ದೇಶನದ ಈ ಸ್ಪೈ ಥ್ರಿಲ್ಲರ್ ಸೀರೀಸ್, ನಮ್ಮ ಇಂಡಿಯನ್ ಸ್ಪೈ ಒಬ್ಬನ ರೋಚಕ ಕಹಾನಿಯನ್ನ ಹೇಳಲಿದೆ. ಸದ್ಯ ಮೊದಲ ಸೀಸನ್ನಲ್ಲಿ ಎಂಟು ಎಪಿಸೋಡ್ಗಳು ಬಿಡುಗಡೆ ಆಗಿದ್ದು, ನೋಡುಗರಿಗೆ ಸಖತ್ ಥ್ರಿಲ್ಲಿಂಗ್ ಕೊಡ್ತಿವೆ. ದಿ ಫ್ಯಾಮಿಲಿಮ್ಯಾನ್ ಸೀರೀಸ್ನ ಕೂಡ ಮೀರಿಸಿ, ಈ ವರ್ಷದಲ್ಲಿ ಅತಿಹೆಚ್ಚು ಮಂದಿ ವೀಕ್ಷಿಸಿದ ವೆಬ್ ಸೀರೀಸ್ ಅನ್ನೋ ಗರಿಮೆಗೆ ಪಾತ್ರವಾಗಿದೆ.
ಹರ್ಫಾನ್ ಅನ್ನೋ ಇಂಡಿಯನ್ ಸ್ಪೈ ರೋಲ್ನಲ್ಲಿ ಝೈನ್ ಖಾನ್ ಕಾಣಸಿಗಲಿದ್ದು, ಅವ್ರನ್ನ ಪಾಕಿಸ್ತಾನಕ್ಕೆ ಕಳುಹಿಸೋ ಜವಾಬ್ದಾರಿ ಹೊತ್ತ ರಾ ಆಫೀಸರ್ ಎಸ್ಕೆಎಸ್ ಮೂರ್ತಿ ಪಾತ್ರಕ್ಕೆ ನಮ್ಮ ಹೆಮ್ಮೆಯ ಕನ್ನಡಿಗ ಪ್ರಕಾಶ್ ರೈ ಬಣ್ಣ ಹಚ್ಚಿದ್ದಾರೆ. ಲಾಲ್ ಬಹದ್ದೂರ್ ಶಾಸ್ತ್ರಿ, ಇಂದಿರಾ ಗಾಂಧಿ ಅವ್ರ ಛಾಯೆ ಕೂಡ ಇದರಲ್ಲಿ ಕಾಣಸಿಗಲಿದ್ದು, ವೆಬ್ ಸೀರೀಸ್ನಲ್ಲಿ ಅಂದಿನ ಒರಿಜಿನಲ್ ಫೂಟೇಜ್ ಬಳಸಿರೋದು ವಿಶೇಷ.
ನನ್ನೊಟ್ಟಿಗೆ ನಟಿಸೋಕೆ ಕೆಲ ಕಲಾವಿದರು ಭಯ ಪಡ್ತಿದ್ದಾರೆ ಎಂದಿದ್ರು ರೈ. ಎಡ, ಬಲ ಎಲ್ಲವನ್ನೂ ಬದಿಗಿಟ್ಟು ನ್ಯಾಷನಲ್ ಸೆಕ್ಯೂರಿಟಿಗಾಗಿ ಮಾಡಿರೋ ಈ ಮುಖ್ಬೀರ್ ಇಂಟರ್ನ್ಯಾಷನಲ್ ಲೆವೆಲ್ನಲ್ಲಿ ಸದ್ದು ಮಾಡ್ತಿದೆ. ಅವ್ರ ನಟನಾ ಗಮ್ಮತ್ತು ಎಂಥದ್ದು ಅನ್ನೋದನ್ನ ಈಗಾಗ್ಲೇ ಇಂಡಿಯನ್ಸ್ ಅರಿತಿದ್ರು. ಇದೀಗ ಈ ಸ್ಪೈ ಥ್ರಿಲ್ಲರ್ನಿಂದ ಅವ್ರ ಸ್ಟಾರ್ಡಮ್ ಮತ್ತಷ್ಟು ದೊಡ್ಡದಾಗಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
