ಬೆಂಗಳೂರು: ಸ್ಯಾಂಡಲ್ವುಡ್ನ ನಟ ರಿಷಬ್ ಶೆಟ್ಟಿ ಅಭಿನಯದ ಬಹುನಿರೀಕ್ಷಿತ ಕಾಂತಾರ ಸಿನಿಮಾ ನಿನ್ನೆ ಥೆಯಟರ್ಗೆ ಅಪ್ಪಳಿಸಿದ್ದು, ಸಿನಿಮಾ ಪಂಡಿತರ ಮಾತುಗಳಲ್ಲಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಇತ್ತೀಚಿಗೆ ಮೋಹಕ ತಾರೆ ರಮ್ಯಾ ನಾನು ಕಾಂತಾರ ಸಿನಿಮಾ ನೋಡಲು ಕಾತುರಳಾಗಿದ್ದೇನೆ ಎಂದಿದ್ದರು. ಈಗ ಕಾಂತಾರ ಸಿನಿಮಾವನ್ನ ನಿನ್ನೆ ತಡರಾತ್ರಿ ನಟಿ ರಮ್ಯಾ ವಿಕ್ಷೀಸಿದ್ದು, ಈ ಸಿನಿಮಾ ನೋಡಿ ಹೇಳಲು ಪದಗಳು ಸಾಲುತ್ತಿಲ್ಲ ಎಂದು ಕಾಂತಾರ ಕಥೆಯನ್ನ ಹೊಗಳಿದ್ದಾರೆ.
ಈ ಸಿನಿಮಾದ ಕಥೆ ಅಭಿಮಾನಿಗಳ ಮನಸ್ಸನ್ನ ಕಲಕುತ್ತದೆ. ವಿಶೇಷವಾಗಿ ಭೂತ ಕೋಲದ ಬಗ್ಗೆ ಹೆಚ್ಚಿಗೆ ಕಾಡುತ್ತದೆ. ರಿಷಬ್ ಶೆಟ್ಟಿ ಅವರು ಕಾಂತಾರದಲ್ಲಿ ತಮ್ಮ ನಟನೆ ಮೀರಿ ಕಾಣಿಸಿಕೊಂಡಿದ್ದಾರೆ. ಕನ್ನಡದ ಮೊತ್ತೊಂದು ನಿರೀಕ್ಷಿತ ಮಟ್ಟದ ಕಥೆಯನ್ನ ಈ ಸಿನಿಮಾ ತಂಡ ಈ ಮೂಲಕ ತಂದಿದೆ ಎಂದು ಕಾಂತಾರ ಸಿನಿಮಾ ಬಗ್ಗೆ ನಟಿ ರಮ್ಯಾ ಮೆಚ್ಚುಗೆ ಮಾತುಗಳನ್ನ ಆಡಿದ್ದಾರೆ.
