ಬೆಂಗಳೂರು: ರಾಜ್ಯದಲ್ಲಿ ಲಿಕ್ವಿಡ್ ನೈಟ್ರೋಜನ್ ಆಹಾರ ಬ್ಯಾನ್ ಮಾಡಿ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಇಲಾಖೆ ಆದೇಶ ಹೊರಡಿಸಿದೆ.
ಇತ್ತೀಚೆಗೆ ಬೆಂಗಳೂರಿನಲ್ಲಿ ಲಿಕ್ವಿಡ್ ನೈಟ್ರೋಜನ್ ಫುಡ್ ಟ್ರೆಂಡ್ ಆಗುತ್ತಿದ್ದು ಆಹಾರ ಪ್ರಿಯರನ್ನು ಕೈಬೀಸಿ ಕರೆಯುತ್ತಿತ್ತು. ಸ್ಮೋಕಿ ಬಿಸ್ಕೆಟ್ ಹಾಗು ಸ್ಮೋಕಿ ಡೆಸಾರ್ಟ್ಗಳಿಗೆ ಬೇಡಿಕೆ ಹೆಚ್ಚಾಗಿತ್ತು. ಸ್ಮೋಕಿ ಫುಡ್ ದುಷ್ಪರಿಣಾಮಗಳನ್ನು ಅರಿಯದ ಜನರು ಡೆಸರ್ಟ್ಗಳ ರುಚಿ ಸವಿಯುತ್ತಿದ್ದರು. ಇದನ್ನು ಗಮನಿಸಿದ ಆಹಾರ ಸುರಕ್ಷತೆ ಹಾಗು ಗುಣಮಟ್ಟ ಇಲಾಖೆಯೂ ಜನರ ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ಲಿಕ್ವಿಡ್ ನೈಟ್ರೋಜನ್ ಆಹಾರಗಳನ್ನು ಬ್ಯಾನ್ ಮಾಡಿದೆ.
ಇದನ್ನೂ ಓದಿ: ಕೆಲಸ ಕೊಡಿಸುವುದಾಗಿ ಹೇಳಿ ಮಹಾರಾಷ್ಟ್ರದಲ್ಲಿ ಮಹಿಳೆಯ ಮಾರಾಟ!: ದೂರು ದಾಖಲು
ಕಂಟ್ರೋಲ್ ಫ್ರೀಜಿಂಗ್ ಮತ್ತು ಕೂಲಿಂಗ್ ಎಜೆಂಟ್‌ ಆಗಿ ಮಾತ್ರ ಲಿಕ್ವಿಡ್ ನೈಟ್ರೋಜನ್ಗಳನ್ನು ಬಳಸಲು ಅವಕಾಶವಿದೆ. ಆದರೆ ಇವುಗಳನ್ನು ಫಾಸ್ಟ್ ಫುಡ್ ಹೆಸರಿನಲ್ಲಿ ಸ್ಮೋಕಿ ಬಿಸ್ಕೆಟ್ ಹಾಗು ಡೆಸಾರ್ಟ್ ಗಳಿಗೆ ಹೆಚ್ಚಾಗಿ ಬಳಸಲಾಗುತ್ತಿದೆ. ಈ ರೀತಿ ಆಹಾರಗಳಲ್ಲಿ ಲಿಕ್ವಿಡ್ ನೈಟ್ರೋಜನ್ ಬಳಸಲು ಸರ್ಕಾರದಿಂದ ಅನುಮೋದನೆ ಇಲ್ಲ. ಇಂತ ಆಹಾರಗಳ ಸೇವನೆಯಿಂದ ಜೀರ್ಣಾಂಗದ ತೊಂದರೆ ಉಂಟಾಗುತ್ತದೆ. ಈ ಹಿನ್ನೆಲೆ ಆಹಾರದಲ್ಲಿ ಲಿಕ್ವಿಡ್ ನೈಟ್ರೋಜನ್ ಬಳಕೆಯನ್ನು ಆಹಾರ ಗುಣಮಟ್ಟ ಕಾಯ್ದೆ-2006ರ ನಿಯಮದಡಿ ನಿಷೇಧಿಸಲಾಗಿದೆ.
ನಿಯಮ ಬಾಹಿರವಾಗಿ ಲಿಕ್ವಿಡ್ ನೈಟ್ರೋಜನ್ಗಳನ್ನು ಆಹಾರದಲ್ಲಿ ಬಳಕೆ ಮಾಡಿದರೇ 7 ವರ್ಷಗಳಿಂದ ಜೀವಾವಧಿ ಶಿಕ್ಷೆ ಹಾಗೂ 10ಲಕ್ಷ ದಂಡ ವಿಧಿಸಲಾಗುವುದು ಎಂದು ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಇಲಾಖೆಯಿಂದ ಎಚ್ಚರಿಕೆ ನೀಡಿದೆ.
