ಬೆಂಗಳೂರು : ಅಪರಿಚಿತ ವ್ಯಕ್ತಿಯೊಬ್ಬ ಚಾಕು ಹಿರಿದ ಘಟನೆ ಬೆಂಗಳೂರಿನ ವೈಟ್ಫೀಲ್ಡ್ನ ಐಟಿಪಿಎಲ್ ಬಸ್ಸ್ಟಾಪಿನಲ್ಲಿ ನಡೆದಿದೆ. ಚಾಕು ಇರಿತದಿಂದ ಬಸ್ ಕಂಡೆಕ್ಟರ್ ಯೋಗಿಶ್ ತೀವ್ರವಾಗಿ ಗಾಯಗೊಂಡಿದ್ದು , ವೈದೇಹಿ ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ನಿಡಲಾಗುತ್ತಿದೆ.
ಡಿಪೋ-13ರ ವೋಲ್ವೊ ಬಸ್ನಲ್ಲಿ ಘಟನೆ ನಡೆದಿದ್ದು. ಬಸ್ ಸಂಖ್ಯೆ KA- 57-F0015ನಲ್ಲಿ ಘಟನೆ ನಡೆದಿದೆ. ಬಸ್ ಹತ್ತಿದ ಪ್ರಯಾಣಿಕ ಹುಚ್ಚನಂತೆ ವರ್ತಿಸಿದ್ದು. ಕಂಡೆಕ್ಟರ್ಗೆ ಚಾಕುವಿನಿಂದ ಎರಡ್ಮೂರು ಬಾರಿ ಇರಿದಿದ್ದಾನೆ. ನಂತರ ಬಸ್ ನಲ್ಲಿದ್ದ ಸುತ್ತಿಗೆಯಿಂದ ಬಸ್ ಗಾಜುಗಳನ್ನು ಪುಡಿ ಮಾಡಿ, ಬಸ್ ಡೋರನ್ನು ಕಾಲಿನಿಂದ ಗುದ್ದಿ ಹುಚ್ಚನಂತೆ ವರ್ತಿಸಿದ್ದಾನೆ. ಸದ್ಯ ಆರೋಪಿಯನ್ನು ವೈಟ್ ಫೀಲ್ಡ್ ಪೋಲಿಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
ಪ್ರಯಾಣಿಕರು ತುಂಬಿದ್ದ ಬಸ್ನಲ್ಲಿ ಘಟನೆ ಘಟಿಸಿದ್ದು. ಪ್ರಯಾಣಿಕ ಚಾಕು ಇರಿಯುತ್ತಿದ್ದಂತೆ ಗಾಬರಿಯಾದ ಇತರ ಪ್ರಯಾಣಿಕರು ಕಿರುಚಿಕೊಂಡು ಬಸ್ನಿಂದ ಕೆಳಗೆ ಇಳಿದು ಓಡಿ ಹೋಗಿದ್ದಾರೆ.
ಚಾಕು ಇರಿದ ವ್ಯಕ್ತಿಯು ಇಂದು (ಅ.01) ಬೆಳಿಗ್ಗೆ ವೈಟ್ಫಿಲ್ಡ್ನ ಖಾಸಗಿ ಕಂಪನಿಯಲ್ಲಿ ಇಂರ್ಟವ್ಯೂಗೆ ಹೋಗಿದ್ದನು ಆದರೆ ಆತನಿಗೆ ಕೆಲಸ ಸಿಗದೆ ಇರುವ ಕಾರಣ ಸ್ಥಿಮಿತ ಕಳೆದುಕೊಂಡು ಈ ರೀತಿ ಮಾಡಿದ್ದಾನೆ. ಪೋಲಿಸರು ಬಳಿಯು ಕೂಡ ನಾನು ಹೊರಗೆ ಇರುವುದಿಲ್ಲ ನನ್ನನ್ನು ಜೈಲಿಗೆ ಕಳುಹಿಸಿ ಎಂದು ಗೋಗರಿದಿದ್ದಾನೆ ಎಂಬ ಮಾಹಿತಿ ದೊರೆತಿದೆ.