ಬೆಂಗಳೂರು : ಚೆನ್ನೈ ಸೂಪರ್ ಕಿಂಗ್ಸ್ ಬ್ಯಾಟರ್ ಮಹೇಂದ್ರ ಸಿಂಗ್ ಧೋನಿ ಮುಂಬೈ ಇಂಡಿಯನ್ಸ್ ವಿರುದ್ಧ ಆರ್ಭಟಿಸಿದರು. ಮಹಿ ಅಬ್ಬರಕ್ಕೆ ಮುಂಬೈ ನಾಯಕ ಹಾರ್ದಿಕ್ ಪಾಂಡ್ಯ ಸ್ಟನ್ ಆದರು.
ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ 42 ವರ್ಷದ ಧೋನಿ ಕೇವಲ 4 ಎಸೆತಗಳಲ್ಲಿ ಅಜೇಯ 20 ರನ್ ಚಚ್ಚಿದರು.
ಮುಂಬೈ ನಾಯಕ ಹಾರ್ದಿಕ್ ಪಾಂಡ್ಯ ಎಸೆದ 20ನೇ ಓವರ್ನಲ್ಲಿ ಹ್ಯಾಟ್ರಿಕ್ ಸಿಕ್ಸ್ ಬಾರಿಸುವ ಮೂಲಕ ನೆರೆದಿದ್ದ ಅಭಿಮಾನಿಗಳಿಗೆ ಧೋನಿ ಭರ್ಜರಿ ಮನರಂಜನೆ ನೀಡಿದರು. ಈ ಓವರ್ನ 2ನೇ ಎಸೆತದಲ್ಲಿ ಚೆನ್ನೈ ಬ್ಯಾಟರ್ ಮಿಚೆಲ್ ಔಟಾದರು. ಆಗ ಧೋನಿ ಬ್ಯಾಟ್ ಹಿಡಿದು ಮೈದಾನಕ್ಕೆ ಎಂಟ್ರಿ ಕೊಟ್ಟರು.
ಧೋನಿ ಕ್ರೀಡಾಂಗಣಕ್ಕೆ ಬಂದ ಕೂಡಲೇ ನೆರೆದಿದ್ದ ಅಭಿಮಾನಿಗಳು ‘ಧೋನಿ.. ಧೋನಿ..’ ಎಂದು ಜೈಕಾರ ಮೊಳಗಿಸಿದರು. ಧೋನಿ ಮೊದಲ ಎಸೆತದಲ್ಲೇ ಸಿಕ್ಸ್ ಬಾರಿಸಿದರು. 2ನೇ ಎಸೆತವನ್ನು ಸ್ಲಾಟ್ನಲ್ಲಿ ಮತ್ತೆ ಸಿಕ್ಸರ್ಗಟ್ಟಿದರು. ಫುಲ್ ಟಾಸ್ ಬಂದ 3ನೇ ಎಸೆತದಲ್ಲೂ ಮಹಿ ಸಿಕ್ಸ್ ಬಾರಿಸಿದರು. ಈ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಧೋನಿ 20ನೇ ಓವರ್ನಲ್ಲಿ 64 ಸಿಕ್ಸರ್ಗಳನ್ನು ಬಾರಿಸಿದ ಸಾಧನೆ ಮಾಡಿದರು. ಈ ಓವರ್ನಲ್ಲಿ 26 ರನ್ ಹರಿದುಬಂದವು.
ಋತುರಾಜ್, ದುಬೆ ಆರ್ಭಟ
ಇನ್ನೂ, ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಚೆನ್ನೈಗೆ ಉತ್ತಮ ಆರಂಭ ಸಿಗಲಿಲ್ಲ. ಅಜಿಂಕ್ಯಾ ರಹಾನೆ 5 ರನ್ಗೆ ಔಟಾದರು. ರಚಿನ್ ರವೀಂದ್ರ 21 ರನ್ಗೆ ಆಟ ಮುಗಿಸಿದರು. ಬಳಿಕ ಜೊತೆಯಾದ ನಾಯಕ ಋತುರಾಜ್ ಗಾಯಕ್ವಾಡ್ (69) ಹಾಗೂ ಶಿವಂ ದುಬೆ (ಅಜೇಯ 66) ಮುಂಬೈ ಬೌಲರ್ಗಳನ್ನು ಮನಬಂದಂತೆ ಚಚ್ಚಿದರು. ಅಂತಿಮವಾಗಿ ಚೆನ್ನೈ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 206 ರನ್ ಕಲೆಹಾಕಿತು. ಮೂಮಬೈ ಗೆಲ್ಲಲು 207 ರನ್ ಗಳಿಸಬೇಕಿದೆ.
20ನೇ ಓವರ್ನಲ್ಲಿ ಧೋನಿ ಬ್ಯಾಟಿಂಗ್
- ರನ್ಗಳು : 756
- ಬಾಲ್ಗಳು : 309
- ಸ್ಟ್ರೈಟ್ ರೇಟ್ (SR) : 244.66
- ಬೌಂಡರಿ : 51
- ಸಿಕ್ಸ್ಗಳು : 64
DO NOT MISS
MSD 🤝 Hat-trick of Sixes 🤝 Wankhede going berserk
Sit back & enjoy the LEGEND spreading joy & beyond 💛 😍
Watch the match LIVE on @JioCinema and @StarSportsIndia 💻📱#TATAIPL | #MIvCSK | @msdhoni | @ChennaiIPL pic.twitter.com/SuRErWrQTG
— IndianPremierLeague (@IPL) April 14, 2024