ತಲೈವಾ ರಜಿನೀಕಾಂತ್ 169ನೇ ಸಿನಿಮಾ ಸೆಟ್ಟೇರೋಕೆ ಮೊದಲೇ ಹತ್ತು ಹಲವು ಕಾರಣಗಳಿಂದ ಟಾಕ್ ಆಫ್ ದ ಟೌನ್ ಆಗಿತ್ತು. ಇದೀಗ ನೆಲ್ಸನ್ ಌಕ್ಷನ್ ಕಟ್ ಹೇಳ್ತಿರೋ ಆ ಮಾಸ್ ವೆಂಚರ್ ಟೈಟಲ್ ಲಾಂಚ್ ಆಗಿದೆ. ಒಂದೇ ಫ್ರೇಮ್ನಲ್ಲಿ ಸ್ಟೈಲ್ ಕಿಂಗ್ ಜೊತೆ ಸ್ಯಾಂಡಲ್ವುಡ್ ಕಿಂಗ್ ಮಿಂಚಲಿರೋ ಆ ಮೆಗಾ ಇಂಟರೆಸ್ಟಿಂಗ್ ಸ್ಟೋರಿ ನಿಮಗಾಗಿ ಕಾಯ್ತಿದೆ ಜಸ್ಟ್ ಹ್ಯಾವ್ ಎ ಲುಕ್.
ಸ್ಟೈಲ್ ಕಿಂಗ್- ಕರುನಾಡ ಕಿಂಗ್ಗೆ ಸಿಂಗಲ್ ಫ್ರೇಮ್..!
ಸಿನಿರಸಿಕರಿಗೆ ಒಂದ್ಕಡೆ ಖುಷಿ.. ಮತ್ತೊಂದ್ಕಡೆ ಟೆನ್ಷನ್
ಅಂದು ಬಾಲಯ್ಯನ ಸ್ನೇಹ.. ಇಂದು ರಜಿನಿಯ ಪ್ರೀತಿ
ವಿಶ್ವದಾದ್ಯಂತ ಬಹುದೊಡ್ಡ ಅಭಿಮಾನಿ ಬಳಗ ಹೊಂದಿರೋ ಹಾಗೂ ಇಳಿವಯಸ್ಸಿನಲ್ಲೂ ಅದೇ ಎನರ್ಜಿ, ಅದೇ ಚಾರ್ಮ್ ಇರೋ ಎಜರ್ನಿಟಿಕ್ ಹೀರೋ ರಜಿನೀಕಾಂತ್ರ ನೆಕ್ಸ್ಟ್ ಪ್ರಾಜೆಕ್ಟ್ ಸಖತ್ ಇಂಟರೆಸ್ಟಿಂಗ್ ಅನಿಸಿದೆ. ಕಾರಣ ಚಿತ್ರದ ಟೈಟಲ್ ಹಾಗೂ ಸ್ಟಾರ್ಕಾಸ್ಟ್. ಯೆಸ್.. ರಜಿನಿ 169ನೇ ಸಿನಿಮಾ ಬೀಸ್ಟ್ ಡೈರೆಕ್ಟರ್ ನೆಲ್ಸನ್ ಜೊತೆಗೆ ಅನ್ನೋದು ಈ ಹಿಂದೆಯೇ ಪಕ್ಕಾ ಆಗಿತ್ತು. ಇದೀಗ ಟೈಟಲ್ ಸಮೇತ ಚಿತ್ರದ ಫಸ್ಟ್ ಲುಕ್ ರಿವೀಲ್ ಮಾಡಿದೆ ಸನ್ ಪಿಕ್ಚರ್ಸ್.
ಜೈಲರ್.. ಈ ಟೈಟಲ್ ಕೇಳ್ತಿದ್ರೇನೇ ಪಕ್ಕಾ ಉರಂ ಮಾಸ್ ಸಿನಿಮಾ ಅನ್ನೋದು ಕನ್ಫರ್ಮ್ ಆಗಲಿದೆ. ಹೌದು.. ತಲೈವಾ ಅಂದ್ಮೇಲೆ ಅಲ್ಲಿ ಮಾಸ್ ಎಲಿಮೆಂಟ್ಸ್ ಇರಲೇಬೇಕು. ಅಷ್ಟೇ ಅಲ್ಲ, ಈ ಸಿನಿಮಾದಲ್ಲಿ ರಜಿನಿ ಬಾಸ್ ಜೊತೆ ನಮ್ಮ ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ಕುಮಾರ್ ಬಣ್ಣ ಹಚ್ಚುತ್ತಿರೋದು ಹಾಟ್ ಟಾಪಿಕ್.
ಶಿವಣ್ಣ ಈಗಾಗ್ಲೇ ರಜಿನಿ ಜೊತೆ ನಟಿಸೋಕೆ ಗ್ರೀನ್ ಸಿಗ್ನಲ್ ಕೊಟ್ಟಾಗಿದೆ ಅನ್ನೋದು ಅಂತೆ ಕಂತೆ ಆಗಿತ್ತು. ಆದ್ರೀಗ ಚಿತ್ರತಂಡವೇ ಅದನ್ನ ಅಧಿಕೃತವಾಗಿ ಖಚಿತಪಡಿಸಿದೆ. ಇದು ಇಬ್ಬರು ಲಿವಿಂಗ್ ಲೆಜೆಂಡ್ಗಳ ಮೆಗಾ ಮಲ್ಟಿಸ್ಟಾರ್ ಮೂವಿ. ಟೈಟಲ್ ಜೈಲರ್ ಅಂತ ಇರೋದ್ರಿಂದ ಟೈಟಲ್ ರೋಲ್ನಲ್ಲಿ ಯಾರು ನಟಿಸ್ತಾರೆ ಅನ್ನೋ ಕನ್ಫ್ಯೂಷನ್ ಬೇರೆ ಶುರುವಾಗಿದೆ.
ಸ್ಟೈಲ್ ಕಿಂಗ್ ರಜಿನಿ- ಸ್ಯಾಂಡಲ್ವುಡ್ ಕಿಂಗ್ ಶಿವಣ್ಣ ಒಟ್ಟಿಗೆ ನಟಿಸ್ತಿದ್ದಾರೆ ಅಂತ ಖುಷಿ ಪಡ್ಬೇಕೋ ಅಥ್ವಾ ಇಂತಹ ಗ್ರೇಟ್ ಌಕ್ಟರ್ಗಳನ್ನ ಇಟ್ಕೊಂಡು ಬೀಸ್ಟ್ನ ಒಂದೇ ಮಾಲ್ನಲ್ಲಿ ಚಿತ್ರಿಸಿದಂತೆ, ಜೈಲರ್ ಸಿನಿಮಾನ ಎಲ್ಲಿ ಒಂದೇ ಜೈಲ್ನಲ್ಲಿ ಚಿತ್ರಿಸ್ತಾರೋ ಅನ್ನೋ ಟೆನ್ಷನ್ ಶುರುವಾಗಿದೆ ಸಿನಿಪ್ರಿಯರಿಗೆ. ಅದೂ ನಿಜಾನೇ ಬಿಡಿ, ಇದು ಬರೀ ಸಿನಿಪ್ರಿಯರಿಗಷ್ಟೇ ಅಲ್ಲ, ರಜಿನಿ- ಶಿವಣ್ಣ ಫ್ಯಾನ್ಸ್ಗೆ ಡಬಲ್ ಡೋಸ್ ಟೆನ್ಷನ್ ಕೊಡ್ತಿದೆ.
ಈ ಹಿಂದೆ ಬಾಲಯ್ಯನ ಪ್ರೀತಿ, ಸ್ನೇಹಕ್ಕೆ ಕಟ್ಟುಬಿದ್ದು, ತೆಲುಗಿನ ಗೌತಮಿಪುತ್ರ ಶಾತಕರ್ಣಿ ಚಿತ್ರದಲ್ಲಿ ಮೊದಲ ಬಾರಿಗೆ ಪರಭಾಷೆಗೆ ಕಾಲಿಟ್ಟಿದ್ರು ಶಿವಣ್ಣ. ಇದೀಗ ಅಣ್ಣಾವ್ರ ಕುಟುಂಬ- ರಜಿನಿ ಜೊತೆಗಿನ ನಂಟು ಮತ್ತಷ್ಟು ಗಟ್ಟಿಯಾಗಲು ಅದೇ ರೀತಿ ಕಾಲಿವುಡ್ಗೆ ಪದಾರ್ಪಣೆ ಮಾಡ್ತಿದ್ದಾರೆ ನಮ್ಮ ಸನ್ ಆಫ್ ಬಂಗಾರದ ಮನುಷ್ಯ.
ಮಾಸ್, ಕ್ಲಾಸ್, ಫ್ಯಾಮಿಲಿ ಹೀಗೆ ತರಹೇವಾರಿ ರೋಲ್ಗಳಲ್ಲಿ ಸದಾ ಸಿನಿಪ್ರಿಯರನ್ನು ರಂಜಿಸುತ್ತಾ ಬರ್ತಿರೋ ಶಿವರಾಜ್ಕುಮಾರ್ರ ಚೊಚ್ಚಲ ತಮಿಳು ಸಿನಿಮಾ ಹೇಗೆ ಮೂಡಿಬರಲಿದೆ ಅನ್ನೋ ಕ್ಯೂರಿಯಾಸಿಟಿ ಎಲ್ಲರಲ್ಲೂ ಮನೆ ಮಾಡಿದೆ. ಅದಕ್ಕೆ ಉತ್ತರ ಸಿಗಲು ಕನ್ನಡಿಗರು ಮತ್ತಷ್ಟು ದಿನ ಕಾಯಲೇಬೇಕು.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
