ಮಂಗಳೂರು; ತೆಲಂಗಾಣದಲ್ಲಿ ನಾಲ್ವರು ಟಿಆರ್ಎಸ್ ಶಾಸಕರ ಖರೀದಿ ಯತ್ನ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜ್ಯದ ಪುತ್ತೂರಿನಲ್ಲಿ ಬಿಜೆಪಿ ಎಜೆಂಟನನ ಮನೆಗೆ ಎಸ್ಐಟಿ ದಾಳಿ ನಡೆಸಿದೆ.
ಇತ್ತೀಚಿಗೆ ತೆಲಂಗಾಣದಲ್ಲಿ 4 ಟಿಆರ್ಎಸ್ ಪಕ್ಷದ ಶಾಸಕರನ್ನ ಆಪರೇಶನ್ ಕಮಲ ಸೆಳೆಯಲು ಪ್ಲಾನ್ ಮಾಡಲಾಗಿತ್ತು. ಆದರೆ, ಈ ವಿಡಿಯೋ ವೈರಲ್ ಆದ ಹಿನ್ನಲೆಯಲ್ಲಿ ಆಪರೇಷನ್ ಬಿಜೆಪಿ ಪ್ಲಾಪ್ ಆಗಿತ್ತು. ಇದಕ್ಕೆ ಸಂಬಂಧಿಸಿದಂತೆ ತೆಲಂಗಾಣ ಸರ್ಕಾರ ಉನ್ನತ ಮಟ್ಟದ ತನಿಖೆಗೆ ವಿಶೇಷ ತಂಡವನ್ನ ರಚನೆ ಮಾಡಿತ್ತು.
4 ಶಾಸಕರಿಗೆ ಬಿಜೆಪಿ ಸೇರಲು 250 ಕೋಟಿ ಆಫರ್ ಬಿಜೆಪಿ ಎಜೆಂಟ್ ಎನ್ನಲಾದ ರಾಮಚಂದ್ರ ಭಾರತಿ ನೀಡಿದ್ದನಂತೆ, ಆಪರೇಷನ್ ಕಮಲದ ಸಿಕ್ರೇಟ್ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಉದ್ಯಮಿ ನಂದಕುಮಾರ್, ತಿರುಪತಿಯ ಸಿಂಹಯ್ಯಾಜಿ ಬಂಧನ ಆಗಿತ್ತು.
ತೆಲಂಗಾಣದ ಫರೀದಾಬಾದ್ ನಲ್ಲಿ ರಾಮಚಂದ್ರ ಭಾರತಿ ನೆಲೆಸಿದ್ದಾರೆ. ಮೂಲತಃ ಮಂಗಳೂರಿನ ಪುತ್ತೂರಿನವರಾದ ರಾಮಚಂದ್ರ ಭಾರತಿ ಅವರ ಮನೆ ಮೇಲೆ ಇಂದು ತೆಲಂಗಾಣದ ಎಸ್ಐಟಿ ದಾಳಿ ನಡೆಸಿದೆ. ಬಿಜೆಪಿ ಸೇರಿದರೆ ನೂರು ಕೋಟಿ ಆಮಿಷ ಒಡ್ಡಿದ್ದಾಗಿ ಟಿಆರ್ ಎಸ್ ಶಾಸಕ ರೋಹಿತ್ ರೆಡ್ಡಿ ಆರೋಪಿಸಿದ್ದರು. ಆಮಿಷದ ಬಗ್ಗೆ ವಿಡಿಯೋವನ್ನ ಟಿಆರ್ಎಸ್ ಶಾಸಕರು ಬಿಡುಗಡೆ ಮಾಡಿದ್ದರು.
