ಆ್ಯಕ್ಷನ್ ಪ್ರಿನ್ಸ್ ಸಿನಿಮಾಗಳಿಲ್ಲದೆ ಅಭಿಮಾನಿಗಳೆಲ್ಲ ಸಖತ್ ನಿರಾಸೆಯಾಗಿರೋದ್ ಎಲ್ರಿಗೂ ಗೊತ್ತಿರೋ ವಿಚಾರ. ಮಾರ್ಟಿನ್ ಲೇಟ್ ಆದ್ರೂ ಲೆಟೆಸ್ಟ್ ಎಂಟ್ರಿ ಕೊಡೋ ಪ್ಲಾನ್ನಲ್ಲಿದೆ. ಇದಾದ ನಂತ್ರ ಜೋಗಿ ಪ್ರೇಮ್, ಧ್ರುವ ಸರ್ಜಾಗೆ ಗಾಳ ಹಾಕಿದ್ದಾರೆ. ಇವರಿಬ್ರ ಕಾಂಬೋದಲ್ಲಿ ಭರ್ಜರಿಯಾಗಿ ಪ್ಯಾನ್ ಇಂಡಿಯಾ ಸಿನಿಮಾ ಸೆಟ್ಟೇರಲಿದೆ. ಅದೇನೆ ಇರಲಿ ಈ ಸಿನಿಮಾದ ವಿಲನ್ ಹೆಸ್ರು ಕೇಳಿದ್ರೆ ಮತ್ತೊಮ್ಮೆ ಶಾಕ್ ಆಗ್ತಿರಾ. ಯೆಸ್.. ಯಾರು ಆ ಖಡಕ್ ವಿಲನ್..? ನೀವೇ ಓದಿ.
- ಅಧೀರ V/S ಮಾರ್ಟಿನ್ ತೆರೆಯ ಮೇಲೆ ರಕ್ಕಸ ಕಾಳಗ
ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಮಾರ್ಟಿನ್ ಶೂಟಿಂಗ್ಗೆ ಬ್ರೇಕ್ ಬಿದ್ದಿತ್ತು. ಧ್ರುವ ಸರ್ಜಾ ಅಜ್ಜಿ ಸಾವಿನಿಂದ ಸಿನಿಮಾ ಶೂಟಿಂಗ್ ಡಿಲೇ ಆಯ್ತು. ಹಾಗಾಗಿ ಬಾಕಿ ಉಳಿದಿದ್ದ ಭಯಾನಕ ಕ್ಲೈಮ್ಯಾಕ್ಸ್ ಫೈಟ್ ಸೀನ್ಗಳನ್ನು ಕಾಳಜಿ ವಹಿಸಿ ಶೂಟ್ ಮಾಡಲಾಗ್ತಿದೆ. ರವಿವರ್ಮಾ ಮಾಸ್ಟರ್ ಮೈಂಡ್ನಲ್ಲಿ ಅದ್ದೂರಿ ಸ್ಟಂಟ್ಗಳೊಂದಿಗೆ ಆ್ಯಕ್ಷನ್ ಸೀಕ್ವೆನ್ಸ್ಗಳು ಇರಲಿವೆ. ಈ ಸಿನಿಮಾ ನಂತ್ರ ಮಾರ್ಟಿನ್ಗೆ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ ಜೋಗಿ ಪ್ರೇಮ್.
ಯೆಸ್.. ಈಗಾಗ್ಲೇ ಜೋಗಿ ಪ್ರೇಮ್ ಜತೆ ಧ್ರುವ ಸರ್ಜಾ ನಟಿಸೋದಾಗಿ ಕನ್ಫರ್ಮ್ ಮಾಡಿದ್ದಾರೆ. ಮುಹೂರ್ತ ಮುಗಿಸಿ ಪ್ರೀ ಪ್ರೊಡಕ್ಷನ್ ತಯಾರಿಯಲ್ಲಿರೋ ಚಿತ್ರತಂಡ ಭರ್ಜರಿ ಪ್ಲಾನ್ ಕೂಡ ಮಾಡಿಕೊಂಡಿದೆ. ಗಾಂಧಿನಗರದಲ್ಲಿ ಬೆಂಕಿಬಿರುಗಾಳಿಯಂತ ಸುದ್ದಿಯೊಂದು ಹರಿದಾಡ್ತಿದೆ. ಮತ್ತೆ ಸ್ಯಾಂಡಲ್ವುಡ್ಗೆ ಅಧೀರನ ಎಂಟ್ರಿ ಆಗಲಿದೆ. ಧ್ರುವ ಸರ್ಜಾ ಸಿನಿಮಾದಲ್ಲಿ ಟಫ್ ವಿಲನ್ ರೋಲ್ನಲ್ಲಿ ಸಂಜಯ್ ದತ್ ಕಣಕ್ಕಿಳಿಯಲಿದ್ದಾರೆ.
- ಅಧೀರನ ರಗಡ್ ಲುಕ್ ನೋಡೋಕೆ ಫ್ಯಾನ್ಸ್ ವೆಯ್ಟಿಂಗ್
- ಕೆಜಿಎಫ್ ನಂತ್ರ ಸಂಜುಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡ್
ಕೆಜಿಎಫ್ ಸಿನಿಮಾದ ಅಧೀರನ ಪಾತ್ರ ಮರೆಯೋಕೆ ಸಾಧ್ಯವಿಲ್ಲ. ಚಾಪ್ಟರ್ 1 ರಲ್ಲಿ ಸ್ಕ್ರೀನ್ ಮೇಲೆ ಕಾಣಿಸದೇ ಇದ್ರು, ಪ್ರೇಕ್ಷಕರ ಎದೆಯಲ್ಲಿ ಢವ ಢವ ಫೀಲ್ ಕೊಟ್ಟ ನಟ ಸಂಜಯ್. ಇನ್ನೂ ಕೆಜಿಎಫ್ ಸೀಕ್ವೆನ್ಸ್ನಲ್ಲಿ ಅಧೀರದ ರಕ್ಕಸ ಕಾಳಗ ಕಂಡು ಫ್ಯಾನ್ಸ್ ಅಕ್ಷರಶಃ ಥ್ರಿಲ್ ಆಗಿದ್ರು. ಅಧೀರನ ಎಂಟ್ರಿ, ಡೈಲಾಗ್, ಲುಕ್ ಕಂಡು ಬೆಚ್ಚಿ ಬಿದ್ದಿದ್ರು. ಇದೀಗ ಅಧೀರ ಮತ್ತೆ ಕನ್ನಡದ ಸಿನಿಮಾದಲ್ಲಿ ನಟಿಸಲಿದ್ದಾರೆ. ಜೋಗಿ ಪ್ರೇಮ್ ಕೂಡ ಅವರನ್ನು ಡಿಫರೆಂಟ್ ಆಗಿ ತೋರಿಸೋಕೆ ಸ್ಕ್ರೀಪ್ಟ್ ರೈಟ್ ಮಾಡ್ತಿದ್ದಾರೆ.
ಕೆಜಿಎಫ್ ಆದ್ಮೇಲೆ ಸಂಜಯ್ ದತ್ ಮಾರ್ಕೆಟ್ ಚೇಂಜ್ ಆಗಿದೆ. ವಿಶ್ವ ಮೆಚ್ಚಿದ ಸಿನಿಮಾದಿಂದ ಸಂಜು ಲಕ್ ಕೂಡ ಚೇಂಜ್ ಆಗಿದೆ. ಪರಭಾಷೆಗಳಿಂದ ಸಿಕ್ಕಾಪಟ್ಟೆ ಆಫರ್ಸ್ ಕೂಡ ಬರ್ತಿವೆ. ಪ್ರೇಮ್ ಅದ್ದೂರಿ ಸಿನಿಮಾದಲ್ಲಿ ಸಂಜಯ್ ದತ್ ಎಂಟ್ರಿಯಾದ್ರೆ, ಸಿನಿಮಾದ ತಾಕತ್ತು ದುಪ್ಪಟ್ಟಾಗಲಿದೆ.
ಜೋಗಿ ಪ್ರೇಮ್ ಕನ್ನಡ ಚಿತ್ರರಂಗ ಕಂಡ ಫ್ಯಾಷನೇಟ್ ನಿರ್ದೇಶಕ. ಕಥೆಯ ಆಯ್ಕೆಯಲ್ಲೂ ಸಖತ್ ಚ್ಯುಸಿಯಾಗಿರೋ ಪ್ರೇಮ್, ಧ್ರುವ ಸರ್ಜಾರನ್ನು ಯಾವ ರೀತಿ ತೆರೆಯ ಮೇಲೆ ತೋರಿಸ್ತಾರೆ ಅನ್ನೋ ಕ್ಯೂರಿಯಾಸಿಟಿ ಎಲ್ರಿಗೂ ಇದೆ. ಜತೆಗೆ ಧ್ರುವ ಸರ್ಜಾ ಜತೆ ಸಂಜಯ್ ದತ್ ಜಟಾಪಟಿ ನೋಡೋಕೆ ಫ್ಯಾನ್ಸ್ ಕೂಡ ಕಾತರರಾಗಿದ್ದಾರೆ. 1970 ರ ಕಾಲಘಟ್ಟದ ಕಥೆಯಲ್ಲಿ ಇವರಿಬ್ರ ಕ್ಯಾರೆಕ್ಟರ್ ಯಾವ ರೀತಿ ಇರುತ್ತೋ ಕಾದು ನೊಡ್ಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
