ಬೆಳಗಾವಿ: ನಕಲಿ ನೋಟ್ ಚಲಾವಣೆ ಮಾಡುತ್ತಿದ್ದ ಇಬ್ಬರು ಖದೀಮರನ್ನು ಬೆಳಗಾವಿ ಕ್ಯಾಂಪ್ ಪೊಲೀಸರು ಬಂಧಿಸಿದ್ದಾರೆ.
ಬೆಳಗಾವಿ ತಾಲೂಕಿನ ಅನಂತ ಗುರುನಾಥ್ ಹಾಗೂ ವಿಲಾಸ್ ಪಾಟೀಲ್ ಬಂಧಿತ ಆರೋಪಿಗಳು. ಆರೋಪಿಗಳಿಂದ 56 ಲಕ್ಷ ನಕಲಿ 500 ರೂಪಾಯಿ ನೋಟ್ಗಳನ್ನ ಜಪ್ತಿ ಮಾಡಲಾಗಿದೆ. ಜೊತೆಗೆ ಆರೋಪಿಗಳ ಬಳಿಯಿದ್ದ 2 ಲಕ್ಷದ 60 ಸಾವಿರ ಅಸಲಿ ನೋಟ್ಗಳನ್ನು ಜಪ್ತಿ ಮಾಡಿಕೊಂಡಿದ್ದಾರೆ. ಈ ಗ್ಯಾಂಗ್ ವಿಡಿಯೋ ಕಾಲಿನಲ್ಲಿ ಹಣ ತೋರಿಸಿ ವಂಚಿಸುತ್ತಿತ್ತು.
ಇದನ್ನೂ ಓದಿ: ಥರ್ಡ್ ವೇವ್ ಕೆಫೆ ಮಹಿಳಾ ಟಾಯ್ಲೆಟ್ನಲ್ಲಿ ಮೊಬೈಲ್ ಇಟ್ಟು ಚಿತ್ರೀಕರಣ!
ಪಾರ್ಟಿ ಮಾಡಿ ಬಾರ್ನಲ್ಲಿ ನಕಲಿ ನೋಟ್ ಚಲಾಯಿಸಲು ಹೋಗಿ ಗ್ಯಾಂಗ್ ಸಿಕ್ಕಿ ಬಿದ್ದಿದೆ. ನಮ್ಮ ಹತ್ತಿರ ಹಣವಿದೆ ಪ್ರಾಪರ್ಟಿ ಖರೀದಿಸಬೇಕು ಅಂತಾ ವಿಡಿಯೋ ಕಾಲಿನಲ್ಲಿ ನಕಲಿ ನೋಟ್ ತೋರಿಸುತ್ತಿದ್ದರು. ನೋಟಿನ ಬಂಡಲ್ ಮೇಲೆ ಎರಡು ಅಸಲಿ ನೋಟುಗಳನ್ನ ಇಟ್ಟು ಉಳಿದಿದ್ದೆಲ್ಲಾ ನಕಲಿ ನೋಟು ಕೊಡುತ್ತಿದ್ದರು. ಈ ಸಂಬಂಧ ಬೆಳಗಾವಿ ಕ್ಯಾಂಪ್ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.