ವಾಲ್ಮೀಕಿ ಅಭಿವೃದ್ಧಿ ನಿಗಮದಲ್ಲಿ ನಡೆದಿರುವ ಬಹುಕೋಟಿ ಅಕ್ರಮ ಕೇಸ್ನಲ್ಲಿ ಕೋಟಿ ಕೋಟಿ ಹಣ ವರ್ಗಾವಣೆ ಆಗಿರುವುದು ಈಗಾಗಲೇ ಬಹಿರಂಗವಾಗಿದೆ. ಯೂನಿಯನ್‌ ಬ್ಯಾಂಕ್‌ನಿಂದ ಹೇಗೆ, ಯಾರಿಗೆ, ಯಾವತ್ತು ಎಷ್ಟು ಹಣ ವರ್ಗಾವಣೆ ಆಗಿದೆ ಎಂಬುದರ ಬಗ್ಗೆ ಸಂಪೂರ್ಣ ಮಾಹಿತಿ ಪವರ್ ಟಿವಿಗೆ ಲಭ್ಯವಾಗಿದೆ. ಹೈದರಾಬಾದ್‌ನ ಫಸ್ಟ್‌ ಫೈನಾನ್ಸ್ ಬ್ಯಾಂಕ್‌ಗೆ ವರ್ಗಾವಣೆ ಆಗಿದ್ದ ಹಣ, ಹಲವಾರು ಖಾತೆಗಳಿಗೆ ವಿಂಗಡಣೆ ಆಗಿದೆ. ಐಟಿ ಕಂಪನಿ, ಸೆಕ್ಯೂರಿಟಿ ಏಜೆನ್ಸಿ, ಡಿಟೆಕ್ಟಿವ್ ಕಂಪನಿಗೂ ಹಣ ವರ್ಗಾವಣೆ ಆಗಿರುವುದು ದಾಖಲೆಗಳಲ್ಲಿ ಬೆಳಕಿಗೆ ಬಂದಿದೆ.
ಯಾರಿಗೆ ಎಷ್ಟು ಹಣ?: ಮಾರ್ಚ್ 5ರಂದು ಜೈಲೆಂಟ್ ಟ್ರೈನಿಂಗ್ & ಕನ್ಸಲ್ಟಿಂಗ್‌ ಸರ್ವಿಸ್ಗೆ ₹4.97 ಕೋಟಿ, ಮಾರ್ಚ್ 5ರಂದು ಫೀ ಪ್ಯುಮ್ಸ್‌ ಕಂಪನಿಗೆ ₹5.35 ಕೋಟಿ, ಮಾ.7ರಂದು ಅಕಾರ್ಡ್ ಬ್ಯುಸಿನೆಸ್ ಸರ್ವೀಸ್ಗೆ ₹5.46 ಕೋಟಿ,
ಮಾ.7ರಂದು ಹ್ಯಾಪಿಯೆಸ್ಟ್ ಮೈಂಡ್ಸ್ ಟೆಕ್ನಾಲಜಿಸ್ ಲಿಮಿಟೆಡ್ಗೆ ₹4.53 ಕೋಟಿ, ಮಾರ್ಚ್ 7ರಂದೇ ಮನು ಎಂಟರ್ ಪ್ರೈಸಸ್ ಖಾತೆಗೆ ₹5.1 ಕೋಟಿ, ಮಾರ್ಚ್ 7ರಂದೇ ವೈ.ಎಂ.ಎಂಟರ್ ಪ್ರೈಸಸ್ ಅಕೌಂಟ್ಗೆ ₹4.98 ಕೋಟಿ, ಮಾರ್ಚ್ 11ಕ್ಕೆ ವೋಲ್ಟಾ ಟೆಕ್ನಾಲಜಿಸ್ ಸರ್ವಿಸಸ್ಗೆ ₹5.12 ಕೋಟಿ, ಮಾರ್ಚ್ 11ರಂದೇ ನಿತ್ಯಾ ಸೆಕ್ಯುರಿಟಿ ಸರ್ವೀಸ್ಗೆ ₹4.47 ಕೋಟಿ,
ಮೇ 6ರಂದು MQ Talequ ಸಾಫ್ಟ್‌ವೇರ್‌ ಪ್ರೈ.ಲಿ ಖಾತೆಗೆ ₹5.10 ಕೋಟಿ, ಏಪ್ರಿಲ್ 23ರಂದು V6 ಬ್ಯುಸಿನೆಸ್ ಸರ್ವಿಸಸ್ಗೆ ₹4,50,01,500 ನಗದು ಜಮಾ ಮಾಡಲಾಗಿದೆ. ಇನ್ನು ಮಾರ್ಚ್ 30ರಂದು ಒಟ್ಟು ಬೇರೆ ಬೇರೆ 8 ಕಂಪನಿಗಳ ಖಾತೆಗೆ ಕೋಟಿ ಕೋಟಿ ಹಣ ಸಂದಾಯವಾಗಿದೆ. ಸಿಸ್ಟಮ್ & ಸರ್ವಿಸಸ್ ಕಂಪನಿಗೆ ₹4,55,00,000, ರಾಮ್ ಎಂಟರ್‌ಪ್ರೈಸಸ್ಗೆ ₹5,07,00,000, ಸ್ಕಿಲ್ ಮ್ಯಾಪ್ ಟ್ರೈನಿಂಗ್ & ಸರ್ವಿಸಸ್ ಪ್ರೈ.ಲಿ.ಗೆ ₹4,84,00,000, ಸ್ವಾಪ್‌ ಡಿಸೈನ್ ಪ್ರೈ.ಲಿ.ಗೆ ₹5,15,00,000, ಜಿ.ಎನ್. ಇಂಡಸ್ಟ್ರೀಸ್ಗೆ ₹4,42,00,000, ನಾವೆಲ್ ಸೆಕ್ಯುರಿಟಿ ಸರ್ವಿಸಸ್ ಪ್ರೈ.ಲಿ. ₹4,56,00,000, ಸುಜಲ್ ಎಂಟರ್‌ಪ್ರೈಸಸ್ ₹5,63,00000, ಗ್ರಾಬ್ ಎ ಗ್ರಾಬ್ ಸರ್ವಿಸಸ್ ಪ್ರೈ. ಲಿ. ₹5,88,00,000 ಹಣ ವರ್ಗಾವಣೆ ಮಾಡಲಾಗಿದೆ.
ಇದನ್ನೂ ಓದಿ: ಕೂಲಿ ಕೆಲಸ ಮಾಡುತ್ತಿದ್ದ ವ್ಯಕ್ತಿ ಆತ್ಮಹತ್ಯೆಗೆ ಶರಣು
ಈ ಕಂಪನಿಗಳ ಖಾತೆಗೆ ಹಣ ಜಮಾವಣೆ ಮಾಡಿದ್ದು ಯಾಕೆ ಎಂಬುದರ ಬಗ್ಗೆಯೂ ಈಗ ತನಿಖೆ ಶುರುವಾಗಿದೆ. ಬಂಧಿತ ಆರೋಪಿಗಳಿಗೆ ಈ ಕಂಪನಿಗಳಿಗೆ ನಂಟು ಏನಿದೆ? ಈ ಕಂಪನಿಗಳು ನಕಲಿಯೋ ಅಸಲಿಯೋ? ಅಸಲಿ ಆಗಿದ್ದರೆ ಈ ಕಂಪನಿಗಳ ಮಾಲೀಕರು ಯಾರು? ಅವರಿಗೆ ಹಣ ಸಂದಾಯ ಮಾಡಿದ್ದು ಯಾಕೆ? ಹೀಗೆ ಎಲ್ಲಾ ಆಯಾಮಗಳಲ್ಲೂ ಪೊಲೀಸರು ತನಿಖೆ ನಡೆಸಿದ್ದಾರೆ.
