ಪುಷ್ಟ ದಿ ರೂಲ್ ಚಿತ್ರದ ಮೂಲಕ ಗ್ಲೋಬಲ್ ಐಕಾನ್ ಆಗಿ ಮಿಂಚಿದ್ದ ಸೂಪರ್ ಸ್ಟಾರ್ ಅಲ್ಲು ಅರ್ಜುನ್ ನ್ಯೂ ಲುಕ್ ಸಖತ್ ವೈರಲ್ ಆಗಿದೆ. ಅಲ್ಲು ವಿಭಿನ್ನ ಪ್ರಯೋಗಗಳಿಗೆ ಫುಲ್ ಫೇಮಸ್ಸು. ಸ್ಟೈಲೀಶ್ ಸ್ಟಾರ್ ನ್ಯೂ ರಗಡ್ ಲುಕ್ ಕಂಡು ಫ್ಯಾನ್ಸ್ ಪೆಚ್ಚಾಗಿದ್ದಾರೆ. ಅರೆ..! ಎನಿದು ಅವತಾರ..? ವಾವ್ಹ್..!
ಪುಷ್ಪನ ಕೈಯಲ್ಲಿ ಸಿಗಾರ್.. ಪಕ್ಕಾ ಮಾಸ್ ರಗಡ್ ಲುಕ್
ಚಿತ್ತೂರ್ ಸ್ವಾಗ್ನಲ್ಲಿ ಸೀಕ್ವೆಲ್ ಸಿನಿಮಾ ರಣಭಯಂಕರ
ಪ್ರತಿ ಬಾರಿಯೂ ಅಚ್ಚರಿ ಮೂಡಿಸೋ ಸ್ಟೈಲಿಶ್ ಐಕಾನ್
‘ಪುಷ್ಪ ದಿ ರೈಸ್’ ನಲ್ಲಿ ಅಲ್ಲು ಅರ್ಜುನ್ ನ್ಯೂ ಗ್ಲಾಮರ್ ಲುಕ್
ಕೋಟ್ಯಂತರ ಅಲ್ಲು ಅಭಿಮಾನಿಗಳು ಪುಷ್ಟ ಸೀಕ್ವೆಲ್ ಚಿತ್ರದ ಹೊಸ ಅಪ್ಡೇಟ್ ಏನು ಅಂತಾ ಕೇಳ್ತಿದ್ರು. ನಿರ್ದೇಶಕ ಸುಕುಮಾರ್, ಇತ್ತೀಚೆಗೆ ಚಿತ್ತೂರಿನ ತೆಲುಗು ಭಾಷೆಯನ್ನು ಬಲ್ಲವರಿಗೆ ಸಿನಿಮಾದಲ್ಲಿ ನಟಿಸುವ ಸದಾವಕಾಶ ಕಲ್ಪಿಸಿದ್ರು. ಇದಾದ ನಂತ್ರ ಪುಷ್ಪ ಸಿನಿಮಾದ ಯಾವ ಅಪ್ಡೇಟ್ ಕೂಡ ಫ್ಯಾನ್ಸ್ಗೆ ಸಿಕ್ಕಿರಲಿಲ್ಲ. ಗೂಗಲ್ ಇಣುಕಿದ್ರೂ ಪುಷ್ಪನ ಕುರಿತಾಗಿ ಇಂಟ್ರೆಸ್ಟಿಂಗ್ ಮಾಹಿತಿಗಳಿರಲಿಲ್ಲ. ಇದೀಗ ಪುಷ್ಪ ಟೀಮ್ ಕಡೆಯಿಂದ ಎಲ್ಲರೂ ಮುಟ್ಟಿನೋಡಿಕೊಳ್ಳುವ ಪೋಸ್ಟರ್ ರಿಲೀಸ್ ಆಗಿದೆ. ಅಲ್ಲು ನ್ಯೂ ರಗಡ್ ಲುಕ್ಗೆ ಅಬ್ಬಬ್ಬಾ..! ಅಂತಾ ಶಾಕ್ ಆಗಿದ್ದಾರೆ.
ಅಲ್ಲು ಅರ್ಜುನ್ ಏನೇ ಮಾಡಿದ್ರೂ ಅದೊಂದು ಫ್ಯಾಷನ್ ಆಗಿಬಿಡುತ್ತೆ. ಅವರು ಸುಮ್ನೆ ನಡೆದ್ರೂ ಅದೊಂದು ಐಕಾನಿಕ್ ಸ್ಟೈಲ್ ಆಗುತ್ತೆ. ಹೇರ್ಸ್ಟೈಲ್, ಡ್ರೆಸ್, ಸ್ಯೂಟ್ ಎಲ್ಲಾ ವಿಚಾರದಲ್ಲೂ ಅಲ್ಲು ಅರ್ಜುನ್ ಫಾಲೋ ಮಾಡೋ ಕೋಟ್ಯಂತರ ಅಭಿಮಾನಿಗಳಿದ್ದಾರೆ. ಇದೀಗ ಅಲ್ಲು ಶೇರ್ ಮಾಡಿಕೊಂಡಿರೋ ಹೊಸ ಪೋಸ್ಟರ್ ಕಿಚ್ಚು ಹಚ್ಚಿದೆ. ಕೈಯಲ್ಲಿ ಸಿಗಾರ್ ಹಿಡಿದಿದ್ದು, ಜಾಕೆಟ್ ತೊಟ್ಟಿದ್ದಾರೆ. ಬ್ಲಾಕ್ ಗ್ಲಾಸ್ ಹಾಕಿದ್ದು, ಕೆಂಪು ಶರ್ಟ್, ಬ್ಲಾಕ್ ಜಾಕೆಟ್ ಹಾಕಿದ್ದಾರೆ. ಸದ್ಯ, ಈ ಪೋಸ್ಟರ್ ಎಲ್ಲಾ ಕಡೆ ಟಾಕ್ ಆಫ್ ದಿ ಟೌನ್ ಆಗಿದೆ.
ಅಲ್ಲು ಸಿನಿಮಾಗಳನ್ನು ಗಮನಿಸಿದವ್ರಿಗೆ ಅವ್ರ ಸ್ಟೈಲ್ ಮ್ಯಾನರಿಸಂ ಅರ್ಥ ಆಗಿರುತ್ತೆ. ಪ್ರತಿ ಚಿತ್ರಗಳಲ್ಲೂ ಅವರ ಬಾಡಿ ಲಾಂಗ್ವೇಜ್ನಿಂದ ಹಿಡಿದು, ಡೈಲಾಗ್ ಡೆಲಿವರಿವರೆಗೂ ಕಂಪ್ಲೀಟ್ ಚೇಂಜ್ ಓವರ್ ಬಯಸೋ ವರ್ಸಟೈಲ್ ಆ್ಯಕ್ಟರ್ ಅಲ್ಲು ಅರ್ಜುನ್. ಅವರನ್ನು ಸ್ಟಾರ್ ಕ್ರಿಕೆಟರ್ನಿಂದ ಹಿಡಿದು ಸ್ಟಾರ್ ನಟರವರೆಗೂ ಅನುಕರಣೆ ಮಾಡ್ತಾರೆ. ಇದೀಗ ರಿಲೀಸ್ ಆಗಿರೋ ಅಲ್ಲು ನ್ಯೂಗ್ಲಾಮ್ ಲುಕ್ ಕೂಡ ಪುಷ್ಪ ದಿ ರೈಸ್ ಚಿತ್ರದ ಸ್ಟೈಲ್ ಎಂದೇ ಬಣ್ಣಿಸಲಾಗ್ತಿದೆ.
ಚಂದನವನ ಮರಗಳ ಸ್ಮಂಗ್ಲಿಂಗ್ನಲ್ಲಿ ಪಂಟನಾಗಿ ತನ್ನದೇ ಸಾಮ್ರಾಜ್ಯ ಹುಟ್ಟು ಹಾಕಿರೋ ಪುಷ್ಪ ದೊಡ್ಡ ಮಟ್ಟದಲ್ಲಿ ಬೆಳೆದಿದ್ದಾನೆ. ಇದೀಗ ಚಾಪ್ಟರ್2 ನಲ್ಲಿ ಸ್ಮಂಗ್ಲಿಂಗ್ ವ್ಯವಹಾರಗಳು ಇಂಟರ್ನ್ಯಾಷನಲ್ ಲೆವೆಲ್ ತಲುಪಲಿವೆಯಂತೆ. ಹಾಗಾಗಿಯೇ ಅವನ ಸ್ಟೈಲ್ ಬದಲಾಗಿದೆ. ಜತೆಗೆ ವೈರಿಗಳು ಕತ್ತಿ ಮಸೆಯುತ್ತಿರೋದ್ರಿಂದ ಕದನದಲ್ಲಿ ಹೋರಾಟ ಭಯಂಕರವಾಗಿರಲಿದೆ.
ಒಟ್ಟು ಐದು ಭಾಷೆಗಳಲ್ಲಿ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿರುವ ಪುಷ್ಪ ಸೀಕ್ವೆಲ್ ಮೇಲೆ ನಿರೀಕ್ಷೆಗಳು ಬೆಟ್ಟದಷ್ಟಿವೆ. ಶ್ರೀವಲ್ಲಿ ರಶ್ಮಿಕಾ ಮ್ಯಾಜಿಕ್ಗಾಗಿ ಕಾಯ್ತಿದ್ದಾರೆ. ಈ ವರ್ಷದ ಕೊನೆಗೆ ತೆರೆಗೆ ಬರೋಕೆ ಸಜ್ಜಾಗಿರುವ ಪುಷ್ಪ ಸಿನಿಮಾ ಹೇಗಿರಲಿದೆ ಅನ್ನೋ ಕುತೂಹಲಕ್ಕೆ ಈ ಪೋಸ್ಟರ್ ಕಿಡಿ ಹಚ್ಚಿದೆ. ಸ್ಮೋಕಿಂಗ್ ಆರೋಗ್ಯಕ್ಕೆ ಹಾನಿಕರ ಎಂದು ಫೋಟೋ ಕೆಳಗೆ ಅಲ್ಲು ಬರೆದುಕೊಂಡಿದ್ದಾರೆ. ಆದ್ರೆ, ಅಭಿಮಾನಿಗಳು ಮಾತ್ರ, ಸಿಗರೇಟ್ಗೆ ಬೆಂಕಿ ಹಚ್ಚಬಹುದು ಎಂದು ಕಮೆಂಟ್ಸ್ ಮಾಡ್ತಿದ್ದಾರೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ