ಕ್ಷಣ ಕ್ಷಣಕ್ಕೂ ರೋಣ ಟೀಮ್ ಕಡೆಯಿಂದ ಹೊಚ್ಚ ಹೊಸ ಅಪ್ಡೇಟ್ ಸಿಗ್ತಿದೆ. ಪ್ರಮೋಷನ್ ಭರ್ಜರಿಯಾಗಿ ನಡಿತಿದೆ. ಗುಮ್ಮನ ಅಟ್ಟಹಾಸಕ್ಕೆ ಇನ್ನೇನು ಕೆಲವೇ ದಿನಗಳು ಮಾತ್ರ ಬಾಕಿ ಇವೆ. ಇತ್ತ NFT ಮೆಂಬರ್ಶಿಪ್ ಪಡೆದಿರೋ ಚಿತ್ರತಂಡ ಪ್ರೀಮಿಯರ್ ಶೋಗೆ ಅದ್ಧೂರಿ ತಯಾರಿ ನಡೆಸಿದೆ. ರೋಣನ ಅಸಲಿ ಮಸಲತ್ತು ಏನ್ ಗೊತ್ತಾ..?
ರೋಣ ಪ್ರೀ ರಿಲೀಸ್ ಇವೆಂಟ್ ಬಗ್ಗೆ ಕಿಚ್ಚ ಖಾಸ್ಬಾತ್..!
NFT ಮೆಂಬರ್ಶಿಪ್.. ಪ್ರೇಕ್ಷಕರಿಗೆ ರೆಡ್ ಕಾರ್ಪೆಟ್ ಎಂಟ್ರಿ
ಜುಲೈ 25ಕ್ಕೆ ವಿಕ್ರಾಂತ್ ರೋಣ ಪ್ರೀ ರಿಲೀಸ್ ರಂಗು
‘ಕಿಚ್ಚ ವರ್ಸ್’ ಲೋಕದಲ್ಲಿ ಗುಮ್ಮನ ಹೊಸ ಜಗತ್ತು
ಕಿಚ್ಚನ ಸಿನಿಕರಿಯರ್ನಲ್ಲಿ ರಿಲೀಸ್ಗೂ ಮುನ್ನವೆ ಈ ಪಾಟಿ ಸದ್ದು ಗದ್ದಲ ಮಾಡ್ತಿರೋ ಸಿನಿಮಾ ಅಂದ್ರೆ ವಿಕ್ರಾಂತ್ ರೋಣ. ಟೀಸರ್,ಟ್ರೈಲರ್ ,ಮೂಲಕ ಗುಮ್ಮನ ಭಯಾನಕ ಅವತಾರವನ್ನು ಪುಟ್ಟದಾಗಿ ತೆರೆದಿಟ್ಟಿದ್ದರೂ, ಭಯಂಕರವಾಗಿ ಬೆಚ್ಚಿ ಬಿದ್ದಿರೋ ಚಿತ್ರಪ್ರೇಮಿಗಳು ಸಿನಿಮಾವನ್ನು ದೊಡ್ಡ ಪರದೆಯ ಮೇಲೆ ಕಣ್ತುಂಬಿಕೊಳ್ಳೋಕೆ ತುದಿಗಾಲಲ್ಲಿ ನಿಂತಿದ್ದಾರೆ.
ರಾ.ರಾ.ರಕ್ಕಮ್ಮನ ಲಂಗ ದಾವಣಿ ಸ್ಟೆಪ್ಸ್ಗೆ ಬಿಂದಾಸ್ ಆಗಿ ಹೆಜ್ಜೆ ಹಾಕಿದ್ದ ಪ್ರೇಕ್ಷಕರು, ರಾಜಕುಮಾರಿಯ ಜೋಗುಳ ಹಾಡಿಗೆ ತಲೆದೂಗಿದೆ. ಇದ್ರ ಜೊತೆಯಲ್ಲಿ ಹಳ್ಳಿಹೈದನಾಗಿ ಸದ್ದು ಮಾಡಿದ ಹೇಯ್ ಫಕೀರ ಸಾಂಗ್ ಕೂಡ ಸಿಕ್ಕಾಪಟ್ಟೆ ಹಲ್ಚಲ್ ಎಬ್ಬಿಸಿತ್ತು. ಇದಾದ ನಂತ್ರ ಸುದ್ದಿಗೋಷ್ಟಿ ಕರೆದಿದ್ದ ರೋಣ ಟೀಮ್ ಸರ್ಪ್ರೈಸ್ ನ್ಯೂಸ್ ನೀಡಿದೆ.
ಕೆಜಿಎಫ್ ನಂತ್ರ NFT ಮೆಂಬರ್ಶಿಪ್ ಪಡೆದು,ಅದನ್ನು ಸಖತ್ ಡಿಫರೆಂಟ್ ಆಗಿ ಬಳಸಿಕೊಳ್ಳೋಕೆ ತಯಾರಿ ನಡೆಸಿದೆ. ಸಿಲ್ವರ್. ಗೋಲ್ಡ್, ಪ್ಲಾಟಿನಂ ಟಿಕೆಟ್ ನೀಡೋ ಮೂಲಕ ಪ್ರೇಕ್ಷಕರಿಗೆ ಪ್ರೀಮಿಯರ್ ಶೋಗಳಲ್ಲಿ ರೆಡ್ ಕಾರ್ಪೆಟ್ ವೆಲ್ಕಮ್ ನೀಡೋ ಪ್ಲ್ಯಾನ್ ಮಾಡಿಕೊಂಡಿದೆ. ಈ ಮೂಲಕ ವಿಶ್ವದಲ್ಲಿಯೇ ಮೊದಲ ಬಾರಿಗೆ ಕಿಚ್ಚನ ಅಭಿಮಾನಿಗಳಿಗೆ ಹೊಸ ಫೀಲ್ ಸಿಗಲಿದೆ. ವಿಶೇಷ ಪಾರ್ಟಿ, ತಾರೆಯರ ಜೊತೆ ನೇರ ನೇರ ಮಾತುಕತೆಯ ಅದೃಷ್ಠ ಸಿಗಲಿದೆ.
ಕಿಚ್ಚವರ್ಸ್ ಎಂಬ ಹೊಸ ಲೋಕ ವಿಕ್ರಾಂತ್ ರೋಣ ಸಿನಿಮಾವನ್ನು ನಿಮ್ಮ ಜೀವನದ ಅವಿಭಾಜ್ಯ ಸವಿನೆನಪಾಗಿಸಲಿದೆ. ಸಿಲ್ವರ್, ಗೋಲ್ಡ್, ಪ್ಲಾಟಿನಂ, ಡೈಮಂಡ್ ಮೆಂಬರ್ಶಿಪ್ ಕೊಟ್ಟು ಅಭಿಮಾನಿಗಳಿಗೆ ಬಂಪರ್ ಆಫರ್ ನೀಡಲಿದೆ. ಸಿಲ್ವರ್ ಮೆಂಬರ್ಶಿಪ್ ಪಡೆದವ್ರಿಗೆ ಲೀಡ್ ಆ್ಯಕ್ಟರ್ ಸಮ್ಮುಖದಲ್ಲಿ ರೆಡ್ ಕಾರ್ಪೆಟ್ ಆಹ್ವಾನ, ಜೊತೆಗೆ ಪಾಪ್ಕಾರ್ನ್, NFT ಲೋಗೋ ಸಿಗಲಿದೆ. ಗೋಲ್ಡ್ ಮೆಂಬರ್ ಶಿಪ್ ಪಡೆದವರಿಗೆ ಇದ್ರ ಜೊತೆಯಲ್ಲಿ ಆಟೋಗ್ರಾಫ್ ಇರುವ ಮಗ್ ದೊರೆಯಲಿದೆ.
ಈ ತರಹದ ಹೊಸ ಪ್ರಯತ್ನವನ್ನು ವಿಶ್ವದಲ್ಲಿಯೇ ಮೊದಲ ಬಾರಿಗೆ ಪರಿಚಯಿಸಿದ ಸಿನಿಮಾಗಳ ಸಾಲಿಗೆ ವಿಕ್ರಾಂತ್ ರೋಣ ಮೊದಲು ಎನ್ನಲಾಗ್ತಿದೆ. ಇಷ್ಟೆ ಅಲ್ಲದೇ, ಪ್ಲಾಟಿನಮ್ ಸದಸ್ಯರಿಗೆ ನೆಚ್ಚನ ನಟನ ಜೊತೆಗೆ ಫೋಟೋ ತೆಗೆದುಕೊಳ್ಳುವ ಸದವಕಾಶ ಕೂಡ ಸಿಗಲಿದೆ. ಬಂಪರ್ ಆಫರ್ ಅಂದ್ರೆ, ಡೈಮಂಡ್ ಮೆಂಬರ್ಶಿಪ್. ಕಿಚ್ಚ ಕ್ರಿಯೇಷನ್ ಅಡಿಯಲ್ಲಿ ಪಾರ್ಟಿಯಲ್ಲಿ ಪಾಲ್ಗೊಳ್ಳುವ ಜೊತೆಗೆ ಒನ್ ಟು ಒನ್ 10 ನಿಮಿಷಗಳ ಇಂಟ್ರಾಕ್ಷನ್ಗೆ ಅವಕಾಶ ಕಲ್ಪಿಸಲಾಗಿದೆ.
ಕಿಚ್ಚನ ಭರ್ಜರಿ ಆ್ಯಕ್ಟಿಂಗ್, ಅನೂಪ್ ಭಂಡಾರಿ ನಿರ್ದೆಶನದ ಕರಾಮತ್ತು, ಜಾಕ್ವೆಲಿನ್ ಜಾದು ಎಲ್ಲವೂ ಮಿಕ್ಸ್ ಆಗಿ ಕನ್ನಡದಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸೋಕೆ ಸಿನಿಮಾ ತುದಿಗಾಲಲ್ಲಿ ನಿಂತಿದೆ. ಜಾಕ್ ಮಂಜು ನಿರ್ಮಾಣದಲ್ಲಿ ಸಿನಿಮಾ ರಿಚ್ ಆಗಿ ಮೂಡಿ ಬಂದಿದೆ. ಅಜನೀಶ್ ಲೋಕನಾಥ್ ಸಂಗೀತದ ಅಲೆಯಲ್ಲಿ ಎಲ್ಲರೂ ಮುಳುಗಿರೋದು ಈ ಚಿತ್ರದ ಹಾಡುಗಳ ಮೂಲಕ ಸಾಭೀತಾಗಿದೆ. ವಿಲಿಯಮ್ ಡೇವಿಡ್ ಕ್ಯಾಮೆರಾ ಕಣ್ಣು ನಿಮ್ಮನ್ನು ಹೊಸ ಪ್ರಪಂಚಕ್ಕೆ ತೆಗೆದುಕೊಂಡು ಹೋಗಲಿದೆ. ಒಟ್ಟಾರೆ ಚಿತ್ರದ ಇನ್ನಷ್ಟು ಅಪ್ಡೇಟ್ಗೆ ಕಾಯ್ತಿರೋ ಫ್ಯಾನ್ಸ್ಗೆ ಭರ್ಜರಿ ಮನರಂಜನೆ ಕಾದಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ