ಮಮ್ಮಿ ಪ್ಲೀಸ್ ಮಮ್ಮಿ ಅಂತ ಡಾ. ಶಿವಣ್ಣ ಕೂಡ ಪಾರ್ವತಮ್ಮರನ್ನ ಅದೊಂದು ವಿಚಾರಕ್ಕೆ ಪ್ಲೀಸ್ ಮಾಡಿದ್ರಂತೆ. ಕ್ರೇಜಿ ತನಯ ತ್ರಿವಿಕ್ರಮನ ಎಂಟ್ರಿಗೆ ಓಂಕಾರ ಹಾಡಿದ ಸ್ಯಾಂಡಲ್ವುಡ್ ಲೀಡರ್, ವಿಕ್ಕಿ ಜೊತೆ ಮಸ್ತ್ ಸ್ಟೆಪ್ ಹಾಕಿದ್ದಾರೆ. ಶಿವಣ್ಣನ ಅಡ್ಡಾದಲ್ಲಿ ಇದ್ರ ಹೊರತಾಗಿ ಏನೆಲ್ಲಾ ಹಂಗಾಮ ನಡೀತು ಅನ್ನೋದನ್ನ ನೀವೇ ಒಮ್ಮೆ ಕಣ್ತುಂಬಿಕೊಳ್ಳಿ.
- ಶಿವಣ್ಣನ ಡ್ಯಾನ್ಸ್ಗೆ ಫ್ಯಾನ್ಸ್ ಫುಲ್ ದಿಲ್ಖುಷ್..!
ಕ್ರೇಜಿಸ್ಟಾರ್ ರವಿಚಂದ್ರನ್ ಪುತ್ರ ವಿಕ್ರಮ್ ಅಭಿನಯದ ತ್ರಿವಿಕ್ರಮ ಸಿನಿಮಾ ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ. ವಿಕ್ರಮ್ ರವಿಚಂದ್ರನ್ಗೆ ಇದು ಚೊಚ್ಚಲ ಸಿನಿಮಾ. ಅರ್ಥಾತ್ ಲಾಂಚ್ ಪ್ಯಾಡ್ ಎಂಟರ್ಟೈನರ್. ಹಾಗಾಗಿ ಚಿತ್ರರಸಿಕರಿಗೆ ಅಪಾರ ನಿರೀಕ್ಷೆ ಇದೆ. ಸೌತ್ ಟು ನಾರ್ಥ್ ಅದ್ಭುತ ಲೊಕೇಷನ್ಸ್ನಲ್ಲಿ ಶೂಟಿಂಗ್ ಮುಗಿಸಿ, ತೆರೆಗಪ್ಪಳಿಸೋಕೆ ತುದಿಗಾಲಲ್ಲಿ ನಿಂತಿದ್ದಾನೆ ತ್ರಿವಿಕ್ರಮ. ಹೊಚ್ಚ ಹೊಸ ಅಪ್ಡೇಟ್ ಜೊತೆ ಪ್ರೇಕ್ಷಕರಿಗೆ ಥ್ರಿಲ್ಲಿಂಗ್ ಫೀಲ್ ಕೊಡ್ತಿರೋ ತ್ರಿವಿಕ್ರಮ ತಂಡಕ್ಕೆ ಸೆಂಚುರಿ ಸ್ಟಾರ್ ಶಿವಣ್ಣ ಆನೆಬಲ ತಂದಿದ್ದಾರೆ.
ಬೈರಾಗಿ, ವೇದ ಸಿನಿಮಾಗಳಲ್ಲಿ ಬ್ಯುಸಿ ಇರೋ ಶಿವಣ್ಣ, ಅಶ್ವತ್ಥಾಮನಾಗಿಯೂ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಜಗಮಗಿಸಲಿದ್ದಾರೆ. ಇದ್ರ ಜೊತೆಗೆ ತ್ರಿವಿಕ್ರಮ ಚಿತ್ರದಲ್ಲಿ ಆ್ಯಕ್ಟ್ ಮಾಡಿದ್ದಾರಾ ಅಂತ ಹುಬ್ಬೇರಿಸ್ಬೇಡಿ. ವಿಷ್ಯ ಏನಂದ್ರೆ, ತ್ರಿವಿಕ್ರಮ ಚಿತ್ರತಂಡದಿಂದ ಪ್ಲೀಸ್ ಮಮ್ಮಿ ವಿಡಿಯೋ ಸಾಂಗ್ ರಿಲೀಸ್ ಆಗಿದೆ. ಈ ಸಾಂಗ್ನ ಖುದ್ದಾಗಿ ಶಿವಣ್ಣ ಲಾಂಚ್ ಮಾಡಿದ್ದಲ್ಲದೆ, ವಿಕ್ಕಿ ಜೊತೆ ಇಷ್ಟ ಪಟ್ಟು ಮಸ್ತ್ ಸ್ಟೆಪ್ ಹಾಕಿದ್ದಾರೆ.
- ಅಮ್ಮ-ಮಗನ ಮನ್ ಕೀ ಬಾತ್ ಬಿಚ್ಚಿಟ್ರು ಶಿವಣ್ಣ
- ಶಿವ ಮೆಚ್ಚಿದ ಕಣ್ಣಪ್ಪ ಮಾಡಲ್ಲ ಎಂದಿದ್ದ ಜೋಗಿ..!
ಸನ್ ಆಫ್ ಬಂಗಾರದ ಮನುಷ್ಯ ಶಿವಣ್ಣ ಹೃದಯವಂತ. ಕನ್ನಡದಲ್ಲಿ ಯಾರೇ ಹೊಸ ಪ್ರತಿಭೆಗಳು ಬಣ್ಣ ಹಚ್ಚಿದ್ರೂ ತುಂಬು ಹೃದಯದಿಂದ ಮನಸಾರೆ ಹಾರೈಸ್ತಾರೆ. ಇನ್ನು ಆತ್ಮೀಯ ಗೆಳೆಯ ರವಿಚಂದ್ರನ್ ಮಗನ ಸಿನಿಮಾ ಅಂದ್ರೆ ಕೇಳ್ಬೇಕಾ..? ಪ್ಲೀಸ್ ಮಮ್ಮಿ ಸಾಂಗ್ ಕೇಳಿದ ಶಿವಣ್ಣ ಸಖತ್ ಇಂಪ್ರೆಸ್ ಆದ್ರು. ಜೊತೆಗೆ ತಾನು ಒಮ್ಮೆ ಅಮ್ಮನಿಗೆ ಪ್ಲೀಸ್ ಮಾಡಿದ್ದ ಪ್ರಸಂಗವನ್ನ ಮೆಲುಕು ಹಾಕಿದ್ರು. ಶಿವ ಮೆಚ್ಚಿದ ಕಣ್ಣಪ್ಪ ಚಿತ್ರದಲ್ಲಿ ಆ್ಯಕ್ಟ್ ಮಾಡಲ್ಲ ಅಂದಾಗ ಅಮ್ಮನೇ ನಂಗೆ ಪ್ಲೀಸ್ ಮಗನೇ ಈ ಸಿನಿಮಾ ಮಾಡು ಅಂತ ತುಂಬಾನೇ ರಿಕ್ವೆಸ್ಟ್ ಮಾಡಿಕೊಳ್ಳೋ ಪರಿಸ್ಥಿತಿ ಬಂದಿತ್ತಂತೆ.
ಇದಲ್ಲದೇ, ಸಿನಿಮಾ ರಿಲೀಸ್ ಯಾಕೆ ಲೇಟ್ ಆಗ್ತಿದೆ ಎಂದ ಶಿವಣ್ಣ, ಕೊರೋನಾ ಪ್ರಾಬ್ಲಮ್ಮಾ ಅಥ್ವಾ ಕರೆನ್ಸಿ ಪ್ರಾಬ್ಲಮ್ಮಾ ಅಂತ ನಿರ್ದೇಶಕ ಸಹನಾ ಮೂರ್ತಿ ಜೊತೆ ತಮಾಷೆ ಮಾಡಿದ್ರು. ವಿಕ್ಕಿ ಇಂಪಾರ್ಟೆಂಟ್ ಸಿನಿಮಾ ಇದು. ಯಾಕೆ ಲೇಟ್ ಮಾಡ್ತಾ ಇದೀರಾ ಅಂತಾ ನಿರ್ದೇಶಕರಿಗೆ ಪ್ರಶ್ನೆ ಮಾಡಿದ್ರು. ರವಿಚಂದ್ರನ್ ಮಕ್ಕಳು ಅಂದ್ರೆ ತುಂಬಾ ಇಷ್ಟ. ವಿಕ್ಕಿ ನನ್ನ ಮಗನ ತರಹ. ಅಷ್ಟೇ ಯಾಕೆ ನನ್ನ ಯಂಗರ್ ವರ್ಷನ್ ಅಂತ ಕೊಂಡಾಡಿದ್ರು. ರಾ ಫೇಸ್ ಜೊತೆ ಡ್ರೆಸ್ಸಿಂಗ್ ಸೆನ್ಸ್ ಎಲ್ಲಾ ನನ್ ತರಹಾನೇ ಎಂದ್ರು.
ಕೊನೆಯಲ್ಲಿ ವಿಕ್ಕಿ ಬಳಿ ಗರ್ಲ್ ಫ್ರೆಂಡ್ ವಿಷ್ಯ ಕೇಳಿದ ಶಿವಣ್ಣ, ಯಾರಾದ್ರು ಇದ್ರೆ ಹೇಳು ನಾನೇ ಮಾತಾಡ್ತೀನಿ ಅಂತ ಕಿಚಾಯಿಸಿದ್ರು. ತ್ರಿವಿಕ್ರಮ ಸಿನಿಮಾ, ಈ ಹಿಂದೆ ಮಾಸ್ ಲೀಡರ್ ಸಿನಿಮಾನ ಶಿವಣ್ಣಗೆ ಆ್ಯಕ್ಷನ್ ಕಟ್ ಹೇಳಿದ್ದ ಸಹನಾ ಮೂರ್ತಿ ನಿರ್ದೇಶಿಸಿದ್ದು, ಸೋಮಣ್ಣ ನಿರ್ಮಿಸಿದ್ದಾರೆ. ಆಕಾಂಕ್ಷಾ ಶರ್ಮಾ ನಾಯಕಿಯಾಗಿ ನಟಿಸಿರೋ ಈ ಚಿತ್ರದಲ್ಲಿ ಸಾಧುಕೋಕಿಲಾ, ಚಿಕ್ಕಣ್ಣ ಸೇರಿದಂತೆ ದೊಡ್ಡ ತಾರಾಗಣವಿದೆ. ಅರ್ಜುನ್ ಜನ್ಯಾ ಸಂಗೀತ, ಸಂತೋಷ್ ರೈ ಪತಾಜೆ ಕ್ಯಾಮೆರಾ ಕೈಚಳಕವಿರಲಿದೆ. ತ್ರಿವಿಕ್ರಮನ ಜೊತೆ ಕುಣಿದಾಡಿರುವ ಶಿವಣ್ಣ, ಚಿತ್ರದ ಪ್ರಮೋಷನ್ಸ್ಗೆ ಕಿಕ್ ಸ್ಟಾರ್ಟ್ ಕೊಟ್ಟಿದ್ದಾರೆ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
