ಹಾವೇರಿ : ಡಾಂಬರ್ ಕಾಯಿಸಲು ಬಳಸುವ ಎಲ್ ಡಿ ಓ ಆಯಿಲ್ ಟ್ಯಾಂಕ್ ನಲ್ಲಿ ಬಿದ್ದು ಯುವಕನೋರ್ವ ಸಾವನ್ನಪ್ಪಿದ್ದು. 20 ವರ್ಷದ ಅಭಿಷೇಕ್ ಗೌಡಗೇರಿ ಮೃತ ದುರ್ದೈವಿ ಎಂದು ಮಾಹಿತಿ ದೊರೆತಿದೆ.
ಹಾವೇರಿ ಜಿಲ್ಲೆಯ ರಾಣೆಬೇನ್ನೂರು ತಾಲೂಕಿನ ಕಾಕೋಳ ತಾಂಡದ ನಿವಾಸಿ ಅಭಿಷೇಕ ಗೌಡಗೇರಿ ಮೃತನಾಗಿದ್ದು. ಮಕರಿ ಗ್ರಾಮದಿಂದ ಚಿಕ್ಕಯಡಿ ಗ್ರಾಮದ ರಸ್ತೆ ಡಾಂಬರಿಕರಣ ಮಾಡುವ ವೇಳೆ ಘಟನೆ ನಡೆದಿದೆ ಎಂದು ಮಾಹಿತಿ ದೊರೆತಿದೆ.
ಆಯಿಲ್ ಟ್ಯಾಂಕ್ನ ವಾಲ್ನಲ್ಲಿ ಬಿದ್ದಿದ್ದ ಕಸ ತೆಗೆಯಲು ಯುವಕ ತನ್ನ ಎರಡು ಕಾಲುಗಳನ್ನು ಟ್ಯಾಂಕ್ನಲ್ಲಿ ಇಳಿಬಿಟ್ಟಿದ್ದಾನೆ. ಆದರೆ ದುರಾದೃಷ್ಟವಶಾತ್ ಯುವಕ ಆಯತಪ್ಪಿ ಟ್ಯಾಂಕ್ನಲ್ಲಿ ಬಿದ್ದಿದ್ದು, ಮೇಲೆ ಬರಲಾಗದೆ ಒದ್ದಾಡಿ ಪ್ರಾಣ ಬಿಟ್ಟಿದ್ದಾನೆ. ಘಟನೆ ಸಂಬಂಧ ರಟ್ಟಿಹಳ್ಳಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಮಾಹಿತಿ ದೊರೆತಿದೆ.
