ಬೆಂಗಳೂರು : ಮಾರ್ಕಸ್ ಸ್ಟೋನಿಸ್ ಅವರ ಅದ್ಭುತ ಇನ್ನಿಂಗ್ಸ್ ನೆರವಿನಿಂದ ಲಕ್ನೋ ಸೂಪರ್ ಜೈಂಟ್ಸ್ ಸ್ಪರ್ಧಾತ್ಮಕ ಟಾರ್ಗೆಟ್ ಕಲೆಹಾಕಿದೆ.
ಲಕ್ನೋನಾ ಏಕನಾ ಕ್ರೀಡಾಂಗಣದಲ್ಲಿ ನಡೆದ ಗುಜರಾತ್ ಟೈಟಾನ್ಸ್ ವಿರುದ್ಧದ ಪಂದ್ಯದಲ್ಲಿ ಲಕ್ನೋ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 163 ರನ್ ಗಳಿಸಿತು.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಲಕ್ನೋ ಪರ ಕೆ.ಎಲ್. ರಾಹುಲ್ ಹಾಗೂ ಕ್ವಿಂಟನ್ ಡಿ ಕಾಕ್ ಇನ್ನಿಂಗ್ಸ್ ಆರಂಭಿಸಿದರು. ಆದರೆ, ಡಿ ಕಾಕ್ ಬೇಗನೆ ಪೆವಿಲಿಯನ್ ಕಡೆ ಮುಖ ಮಾಡಿದರು. ಬಳಿಕ ಬಂದ ದೇವದತ್ ಪಡಿಕ್ಕಲ್ ಸಹ ನಿರಾಸೆ ಮೂಡಿದರು.
ಎರಡು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಲಕ್ನೋಗೆ ಮಾರ್ಕಸ್ ಸ್ಟೋನಿಸ್ ಹಾಗೂ ರಾಹುಲ್ ಆಸರೆಯಾದರು. 62 ಎಸೆತಗಳಲ್ಲಿ 73 ರನ್ ಜೊತೆಯಾಟ ಆಡಿದರು. ಸ್ವಲ್ಪ ನಿಧಾನಗತಿಯ ಬ್ಯಾಟಿಂಗ್ನಿಂದ ಲಕ್ನೋ ರನ್ ವೇಗ ಕುಂಠಿತವಾಯಿತು. ಅಂತಿಮವಾಗಿ ಲಕ್ನೋ 163 ರನ್ ಗಳಿಸಿ ಇನ್ನಿಂಗ್ಸ್ ಮುಗಿಸಿತು.
ಸ್ಟೋನಿಸ್ 58, ರಾಹುಲ್ 33 ರನ್
ಲಕ್ನೋ ಪರ ಮಾರ್ಕಸ್ ಸ್ಟೋನಿಸ್ 58, ಕೆ.ಎಲ್. ರಾಹುಲ್ 33, ನಿಕೋಲಸ್ ಪೂರನ್ ಅಜೇಯ 32, ಆಯುಷ್ ಬಡೋನಿ 20, ಕೃನಾಲ್ ಪಾಂಡ್ಯ ಅಜೇಯ 2 ರನ್ ಗಳಿಸಿದರು. ಗುಜರಾತ್ ಪರ ಉಮೇಶ್ ಯಾದವ್ ಹಾಗೂ ದರ್ಶನ್ ನಲ್ಕಂಡೆ ತಲಾ 2 ವಿಕೆಟ್, ರಶೀದ್ ಖಾನ್ ಒಂದು ವಿಕೆಟ್ ಪಡೆದರು. ಗುಜರಾತ್ ಗೆಲ್ಲಲು 164 ರನ್ ಗಳಿಸಬೇಕಿದೆ.
A strong comeback from Darshan Nalkande 🙌
He gets his second wicket of the night to provide a crucial moment in the match👌👌
Watch the match LIVE on @JioCinema and @starsportsindia 💻📱#TATAIPL | #LSGvGT pic.twitter.com/buX2wXAwST
— IndianPremierLeague (@IPL) April 7, 2024
