ಫಿಲ್ಮಿಡೆಸ್ಕ್ : ಯುವ ಯುಗಾರಂಭವಾಗಿದೆ. ದೊಡ್ಮನೆಯ ಹೊಸ ಭವಿಷ್ಯ ಯುವರಾಜ್ಕುಮಾರ್, ಪ್ರೀ ರಿಲೀಸ್ ಇವೆಂಟ್ನಲ್ಲಿ ನುಡಿದಂತೆ ನಡೆದಿದ್ದಾರೆ. ಹಿಂದೆ ನಡೆದಿರೋದಕ್ಕೆಲ್ಲಾ ಬಡ್ಡಿ ಸಮೇತ ವಾಪಸ್ ಕೊಡೋ ಭರವಸೆ ಮೂಡಿಸಿದ್ದಾರೆ. ಫ್ಯಾಮಿಲಿ ಹಿಟ್ ಅನಿಸಿಕೊಳ್ತಿರೋ ಯುವ, ಸಕ್ಸಸ್ ಜಾತ್ರೆ ಜೊತೆ ಹರಸಿದವ್ರಿಗೆ ಧನ್ಯವಾದ ಅರ್ಪಿಸಿದೆ. ಅದ್ರ ಕಂಪ್ಲೀಟ್ ರಿಪೋರ್ಟ್ ಇಲ್ಲಿದೆ.
ಯುವ.. ನಿನ್ನೆಯಷ್ಟೇ ತೆರೆಕಂಡ ಈ ಸಿನಿಮಾ ನಿರೀಕ್ಷೆಯಂತೆ ಪ್ರೇಕ್ಷಕರು ಹಾಗೂ ವಿಮರ್ಶಕರಿಂದ ಅದ್ಭುತ ರೆಸ್ಪಾನ್ಸ್ ಪಡೆದುಕೊಳ್ತಿದೆ. ಬಳ್ಳಾರಿಯ ಹೊಸಪೇಟೆಯಲ್ಲಿ ನಡೆದ ಪ್ರೀ- ರಿಲೀಸ್ ಇವೆಂಟ್ನಲ್ಲಿ ನಟ ಯುವರಾಜ್ಕುಮಾರ್ ಏನೆಲ್ಲಾ ಡೈಲಾಗ್ಸ್ ಹೊಡೆದಿದ್ರೋ, ಅದೆಲ್ಲಾ ನಿಜವಾಗಿಸ್ತಿದ್ದಾರೆ. ಒಂದೊಂದು ಫ್ರೇಮ್ನಲ್ಲೂ ಅವ್ರ ಹಾರ್ಡ್ ವರ್ಕ್, ಡೆಡಿಕೇಷನ್ ಎದ್ದು ಕಾಣಿಸ್ತಿದೆ.
ರಾಜರತ್ನ ಡಾ. ಪುನೀತ್ ರಾಜ್ಕುಮಾರ್ರನ್ನೇ ರೋಲ್ ಮಾಡೆಲ್ ಆಗಿ ಸ್ವೀಕರಿಸಿದ್ದ ಯುವ, ಅಕ್ಷರಶಃ ಈ ಸಿನಿಮಾದಲ್ಲಿ ಅಪ್ಪು ನೆರಳಂತೆ ಕಾಣಸಿಗ್ತಾರೆ. ಒಂದೊಂದು ಡೈಲಾಗ್ಗೂ ಪ್ರೇಕ್ಷಕ ಹುಚ್ಚೆದ್ದು ಕುಣೀತಾನೆ. ಡ್ಯಾನ್ಸ್ ನೋಡಿದ್ರೆ ಒಮ್ಮೆ ಕಂಪ್ಲೀಟ್ ಬಾಡಿಯನ್ನ ಶೇಕ್ ಮಾಡೇ ಮಾಡ್ತಾನೆ. ಅಷ್ಟರ ಮಟ್ಟಿಗೆ ಫೈಟ್ಸ್ & ಡ್ಯಾನ್ಸ್ ಇಂಪ್ಯಾಕ್ಟ್ ಆಗಿವೆ. ಇನ್ನು ಅಪ್ಪನ ಕಹಳೆಯ ಕಥೆ ಎಂಥವ್ರಿಗೂ ಕನೆಕ್ಟ್ ಆಗಲಿದೆ.
ಇದನ್ನೂ ಓದಿ: ನನಗೂ ಮದುವೆ ಆಗೋ ಆಸೆ.. ಮಕ್ಕಳು ಬೇಕು.. ಆದರೆ..: ವಿಜಯ್ ದೇವರಕೊಂಡ
ಮೊದಲ ದಿನವೇ ಯುವನನ್ನ ಅದ್ದೂರಿಯಾಗಿ ರಿಸೀವ್ ಮಾಡಿಕೊಂಡ ಕನ್ನಡಿಗರು, ಬಾಕ್ಸ್ ಆಫೀಸ್ನಲ್ಲಿ ಕೋಟಿ ಕೋಟಿ ಕಲೆಕ್ಷನ್ ಮಾಡುವಂತೆ ಮಾಡಿದ್ದಾರೆ. ಒಬ್ಬ ಹೊಸ ಪ್ರತಿಭೆಗೆ ಇಂತಹ ದೊಡ್ಡ ಮಟ್ಟದ ಪ್ರಶಂಸೆಗಳು ಸಿಗ್ತಿರೋದು ಖುಷಿಯ ವಿಚಾರ. ಚಿತ್ರತಂಡ ಕೂಡ ಸಕ್ಸಸ್ ಪಾರ್ಟಿ ಮಾಡಿ, ಪೋಟೋ ಸಮೇತ ಕರುನಾಡ ಮಂದಿಗೆ ಕೃತಜ್ಞತೆ ತಿಳಿಸಿದೆ.
ಫ್ಯಾಮಿಲಿ ಬ್ಲಾಕ್ಬಸ್ಟರ್ ಹಿಟ್ ಅನಿಸಿಕೊಂಡಿರೋ ಯುವ ಚಿತ್ರದಲ್ಲಿ ಕಥೆಯೇ ಇಲ್ಲ ಅಂತ ಒಂದಷ್ಟು ಮಂದಿ ಕತೆ ಹೊಡೀತಿದ್ದಾರೆ. ಆದ್ರೆ ಅದು ಪ್ರಸ್ತುತ ಸಮಾಜದ ಕೈಗನ್ನಡಿ ಅನ್ನೋದನ್ನ ಅರಿಯಬೇಕಿದೆ. ಭಾವನಾತ್ಮಕವಾಗಿ ಸಿನಿಮಾ ಕಾಡಲಿದೆ. ಸಂತೋಷ್ ಆನಂದ್ರಾಮ್ ಕಥೆ ಬರೆದು, ಅದನ್ನ ಪ್ರಸ್ತುತ ಪಡಿಸಿರೋ ವಿಧಾನ ನಿಜಕ್ಕೂ ಸೂಪರ್ಬ್.
ಬಡ್ಡಿ ಸಮೇತ ವಾಪಸ್ ಕೊಡ್ತೀನಿ ಅಂದಿದ್ದ ಯುವ ಅದನ್ನ ಮಾಡ್ತಿದ್ದಾರೆ. ದೊಡ್ಮನೆಯ ಪರಂಪರೆಯನ್ನ ಉಳಿಸೋ ಪವರ್ಫುಲ್ ಹೀರೋ ಅನ್ನೋ ಬಲವಾದ ಸಂದೇಶ ಸಾರಿದ್ದಾರೆ. ಹೊಸ ಹೀರೋಗಳು ಬರದೇ ಇದ್ದರೆ ಆರೋಗ್ಯಕರ ಬೆಳವಣಿಗೆ ನಿರೀಕ್ಷೆ ಮಾಡೋಕೆ ಆಗಲ್ಲ. ಆ ನಿಟ್ಟಿನಲ್ಲಿ ಯುವ ಸ್ಯಾಂಡಲ್ವುಡ್ನ ಭವಿಷ್ಯದ ಸೂಪರ್ ಸ್ಟಾರ್ ಅನ್ನೋ ಹಿಂಟ್ ಸಿಕ್ಕಿದೆ. ಗಂಧದಗುಡಿಗೆ ಇದಕ್ಕಿಂತ ಖುಷಿಯ ವಿಚಾರ ಮತ್ತೇನಿದೆ ಅಲ್ಲವೇ..?
ಲಕ್ಷ್ಮೀನಾರಾಯಣ್ ಬಿ.ಎಸ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
