ಬೆಂಗಳೂರು: ಪಿವಿಆರ್, ಐನಾಕ್ಸ್ ಹಾಗೂ ಮಿರಾಜ್ ಮಲ್ಟಿಪ್ಲೆಕ್ಸ್ಗಳ ಮೇಲೆ ಹೆಸರಾಂತ ಹೊಂಬಾಳೆ ಫಿಲಿಂಸ್ ಆಕ್ರೋಶ ಹೊರ ಹಾಕಿದೆ.
ಇದೇ ಡಿ. 21 ರಂದು ಬಾಲಿವುಡ್ ಸ್ಟಾರ್ ಶಾರುಕ್ ಖಾನ್ ನಟನೆಯ ಡಂಕಿ ಮತ್ತು ಡಿ.22 ರಂದು ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ನಟನೆಯ ಸಿನಿಮಾಗಳ ಸ್ಕ್ರೀನ್ ಗಳ ಹಂಚಿಕೆ ವಿಚಾರದಲ್ಲಿ ತಾರತಮ್ಯ ತೋರುತ್ತಿರುವ ಹಿನ್ನೆಲೆ ಮಲ್ಟಿಪ್ಲೆಕ್ಸ್ಗಳ ಮೇಲೆ ಹೊಂಬಾಳೆ ಫಿಲಿಂಸ್ ಆಕ್ರೋಶ ಹೊರಹಾಕಿದ್ದು ಸಿನಿಮಾ ಡೀಲ್ ಗಳನ್ನು ಹಿಂಪಡೆಯಲು ಹೊಂಬಾಳೆ ನಿರ್ಧರಿಸಿದೆ.
ಇದನ್ನೂ ಓದಿ: Mobile Phone SwitchOff: ಇಂದು ರಾತ್ರಿ 8ಗಂಟೆಗೆ ಮೊಬೈಲ್ ಫೋನ್ ಸ್ವಿಚ್ ಆಫ್!
ಡಂಕಿ ಚಿತ್ರಕ್ಕೆ ಬಹುತೇಕ ಸ್ಕ್ರೀನ್ ನೀಡಿರೋ ಮಲ್ಟಿಪ್ಲೆಕ್ಸ್ ಗಳು ಸಲಾರ್ ಗೆ ಕಡಿಮೆ ಸ್ಕ್ರೀನ್ಸ್ ಗಳನ್ನು ನೀಡಿದೆ. ಇದಕ್ಕೂ ಮುನ್ನ ಡಂಡಿ – ಸಲಾರ್ ಸಿನಿಮಾಗಳಿಗೆ 50-50 ಸ್ಕ್ರೀನ್ ಗಳನ್ನು ನೀಡುವುದಾಗಿ ಮಾತುಕೊಟ್ಟಿದ್ದ ಮಲ್ಟಿಪ್ಲೆಕ್ಸ್ ಮಾಲೀಕರಾದ ಅಜಯ್ ಬಿಜಲಿ ಶಾರುಕ್ ಖಾನ್ ಭೇಟಿಯ ಬಳಿಕ ಮಾತು ಬದಲಿಸಿದ್ದಾರೆ.
ಸಲಾರ್ ಗೆ ಮಲ್ಟಿಪ್ಲೆಕ್ಸ್ ಗಳಲ್ಲಿ (50-50) ಡಂಕಿಗೆ ನೀಡಿರುವಷ್ಟೇ ಸ್ಕ್ರೀನ್ಸ್ ನ ನೀಡಬೇಕು ಇಲ್ಲದಿದ್ದರೆ ಪಿವಿಆರ್ ಹಾಗೂ ಐನಾಕ್ಸ್ ನಲ್ಲಿ ಸಲಾರ್ ಸಿನಿಮಾ ರಿಲೀಸ್ ಮಾಡಲ್ಲ ಎಂದು ಪವರ್ ಟಿವಿಗೆ ಕನ್ನಡದ ಪ್ರತಿಷ್ಟಿತ ಚಿತ್ರ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲಿಂಸ್ ಮಾಲೀಕ ವಿಜಯ್ ಕಿರಗಂದೂರು ಅವರು ಸಷ್ಟನೆ ನೀಡಿದ್ದಾರೆ.
