ಬೆಂಗಳೂರು: ಕಳೆದ ವಾರವಷ್ಟೆ ವಿದೇಶದಿಂದ ಭಾರತಕ್ಕೆ ವಾಪಸ್ ಆಗಿದ್ದ ಮಾಜಿ ಸಿಎಂ ಹೆಚ್.ಡಿ ಕುಮಾರಸ್ವಾಮಿ ಸೋಮವಾರ ತಡರಾತ್ರಿ ಮತ್ತೆ ಮಲೇಷಿಯಾ ವಿಮಾನ ಹತ್ತಿರುವುದು ಭಾರಿ ಕುತೂಹಲ ಮೂಡಿಸಿದೆ.
ಇದನ್ನು ಓದಿ: ಬ್ಯಾಂಕ್ ನೌಕರರಿಗೆ ವಾರದಲ್ಲಿ ಐದೇ ದಿನ ಕೆಲಸ!?
ಸೋಮವಾರ ರಾತ್ರಿ 12 ಗಂಟೆಗೆ ತಮ್ಮ ಆಪ್ತರೊಂದಿಗೆ ಮಲೇಷಿಯಾ ಪ್ರಯಾಣ ಬೆಳೆಸಿರುವ ಮಾಜಿ ಸಿಎಂ ಹೆಚ್.ಡಿ ಕುಮಾರಸ್ವಾಮಿ, ಕಳೆದವಾರಷ್ಟೆ ತಮ್ಮ ಕುಟುಂಬ ಸಮೇತರಾಗಿ ಯೂರೋಪ್ ಪ್ರವಾಸಕ್ಕೆ ತೆರಳಿ ವಿದೇಶದಿಂದ ವಾಪಾಸ್ಸಾಗಿದ್ದರು.
ಯೂರೋಪ್ ಪ್ರವಾಸದಿಂದ ಮರಳಿದ ಒಂದು ವಾರದ ಒಳಗೆ ಮತ್ತೆ ತಮ್ಮ ಆಪ್ತರಾದ ಮಾಜಿ ಶಾಸಕ ಸಾ.ರಾ.ಮಹೇಶ್, ರಮೇಶ್ ಗೌಡ ಜೊತೆ ಮಲೇಷಿಯಾ ಪ್ರಯಾಣಕ್ಕೆ ತೆರಳಿದ್ದಾರೆ. ಈ ವಿದೇಶ ಪ್ರವಾಸದ ಕುರಿತು ಹಲವು ರಾಜಕೀಯ ಲೆಕ್ಕಾಚಾರಗಳ ಚರ್ಚೆಗಳು ಮೂಡುತ್ತಿದೆ.
