ಮೈಸೂರು: ಕಳ್ಳನೋರ್ವ ಕಣ್ಣಿಗೆ ಕಾರದಪುಡಿ ಎರಚಿ ಲಕ್ಷಾಂತರ ಹಣ ದರೋಡೆ ನಡೆಸಿ ಪರಾರಿಯಾದ ಘಟನೆ ಮೈಸೂರಿನ ಹೆಬ್ಬಾಳ ಕೈಗಾರಿಕಾ ಪ್ರದೇಶದಲ್ಲಿ ನಡೆದಿದೆ.
ಇದನ್ನೂ ಓದಿ: ಕಾಶ್ಮೀರದಲ್ಲಿ ಭಯೋತ್ಪಾದಕ ಅಲ್ ಕೈದಾ ಅಂಗಸಂಸ್ಥೆ!
ಕ್ಯಾಶ್ ಕಲೆಕ್ಟರ್ ತುಳಸಿದಾಸ್, ದರಸಗುಪ್ಪೆ ಎಸ್‌ಎಸ್‌ಇ ಕಂಪನಿಯಿಂದ ಮೈಸೂರಿನ ಹೆಬ್ಬಾಳ ಕೈಗಾರಿಕಾ ಪ್ರದೇಶದಲ್ಲಿರುವ ಎಸ್ಬಿಐ ಬ್ಯಾಂಕ್‌ಗೆ ಹಣ ಜಮೆ ಮಾಡಲು 44,45,000 ಹಣ ವನ್ನು ಎಡರು ಬ್ಯಾಗ್ನಲ್ಲಿಟ್ಟು ತಂದಿದ್ದರು, ಬ್ಯಾಂಕ್ ಮುಂದೆ ಆಟೋ ನಿಲ್ಲಿಸಿ ಕೆಳಗಿಳಿದ ತಕ್ಷಣ ತುಳಸಿದಾಸ್ ಕಣ್ಣಿಗೆ ಕಾರದ ಪುಡಿ ಎರಚಿದ ಕಳ್ಳ, ಎರಡು ಬ್ಯಾಗ್ ಗಳ ಪೈಕಿ ಒಂದು ಬ್ಯಾಗ್ನ್ನು ಲಪಟಾಯಿಸಿ ಪರಾರಿಯಾಗಿದ್ದಾನೆ. ಬ್ಯಾಗ್ನಲ್ಲಿ 6,05,700 ಇತ್ತು ಎನ್ನಲಾಗಿದೆ.
ಕಳ್ಳತನದ ಕೃತ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕ್ಯಾಶ್ ಕಲೆಕ್ಟರ್ ತುಳಸಿದಾಸ್. ಮೇಟಗಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
