ಬೆಂಗಳೂರು : ಕಬ್ಜ ರಿಲೀಸ್ಗೆ ಕೌಂಟ್ಡೌನ್ ಶುರುವಾಗಿದೆ. ದೇಶಾದ್ಯಂತ ಕಬ್ಜ ಅಲೆ ಸಖತ್ ಜೋರಿದ್ದು, ಪ್ರತಿಷ್ಠಿತ IMDbಯಲ್ಲಿ ಟ್ರೆಂಡಿಂಗ್ ನಲ್ಲಿ ಕನ್ನಡಿಗರ ಈ ಮಹೋನ್ನತ ಚಿತ್ರ ನಂಬರ್ ಒನ್ನಲ್ಲಿದೆ.
ಕಬ್ಜ.. ಕಬ್ಜ.. ಕಬ್ಜ… ಈಗಾಗ್ಲೇ ಗ್ಲೋಬಲ್ ಮಾರ್ಕೆಟ್ನಲ್ಲಿ ನಮ್ಮ ಕನ್ನಡಿಗರು ಪರಭಾಷಿಗರ ದಿಲ್ ಕಬ್ಜ ಮಾಡಾಗಿದೆ. ಕೆಜಿಎಫ್, ಕಾಂತಾರ, 777 ಚಾರ್ಲಿ ಅಂತಹ ಸಿನಿಮಾಗಳಿಂದ ಕೋಟೆ ಕೊತ್ತಲುಗಳನ್ನ ವಿಸ್ತರಿಸಿ, ಹೀಗೂ ಸಿನಿಮಾ ಮಾಡಬಹುದು ಅನ್ನೋದನ್ನ ನಿರೂಪಿಸಿದ್ದಾರೆ. ಇದೀಗ ಕಬ್ಜದಿಂದ ವರ್ಲ್ಡ್ ಬಾಕ್ಸ್ ಆಫೀಸ್ ಕಬ್ಜ ಮಾಡೋಕೆ ಫಿಲ್ಮ್ ಮೇಕರ್ ಆರ್ ಚಂದ್ರು ಸಜ್ಜಾಗಿದ್ದಾರೆ.
ಟ್ರೆಂಡ್ ಸೆಟ್ಟರ್ ಉಪೇಂದ್ರ, ಬಹುಭಾಷಾ ನಟಿ ಶ್ರಿಯಾ ಸರಣ್, ಆಲ್ ಇಂಡಿಯಾ ಕಟೌಟ್ ಕಿಚ್ಚ ಸುದೀಪ್, ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ಕುಮಾರ್ ಹೀಗೆ ಬಹುದೊಡ್ಡ ತಾರಾಗಣದ ಈ ಸಿನಿಮಾ ನಿಜಕ್ಕೂ ನೋಡುಗರನ್ನ ಹೊಸ ಪ್ರಪಂಚಕ್ಕೆ ಕೊಂಡೊಯ್ಯಲಿದೆ. ಅದು ಅರ್ಕೇಶ್ವರನ ಪ್ರಪಂಚ. ಗ್ಯಾಂಗ್ಸ್ಟರ್ ಅರ್ಕೇಶ್ವರನಾಗಿ ಉಪ್ಪಿ ರಕ್ತದ ಹೊಳೆ ಹರಿಸಲಿದ್ದು, ಅದರ ಹಿಂದಿನ ಅಸಲಿ ರೋಚಕ ಕಥೆ ಹಾಗೂ ಭಾವನಾತ್ಮಕ ವ್ಯಥೆಗಳು ರಿವೀಲ್ ಆಗಲಿವೆ.
ಆಕ್ಷನ್ ಡ್ರಾಮಾ ಕಬ್ಜ
ಕಬ್ಜ 1945ರಿಂದ 1987ರ ಕಾಲಘಟ್ಟದ ಪೀರಿಯಾಡಿಕ್ ಆಕ್ಷನ್ ಡ್ರಾಮಾ. ಅದಕ್ಕಾಗಿ ಬೃಹತ್ ಸೆಟ್ಗಳನ್ನ ಹಾಕಿ ಸಿನಿಮಾ ತಯಾರಿಸಿರೋ ಪರಿ ಅವರ್ಣನೀಯ. ಸುಮಾರು 120 ಕೋಟಿ ಬೃಹತ್ ವೆಚ್ಚದಲ್ಲಿ ತಯಾರಾದ ಬಿಗ್ಗೆಸ್ಟ್ ರೆಟ್ರೋ ಌಕ್ಷನ್ ಎಂಟರ್ಟೈನರ್ ಇದಾಗಲಿದ್ದು, ನೋಡುಗರಿಗೆ ಫ್ರೆಶ್ ಫೀಲ್ ಜೊತೆ ಥ್ರಿಲ್ ಕೊಡಲಿದೆ. ಪ್ರಮೋಷನ್ಸ್ ಕೂಡ ಬಹಳ ಅದ್ಧೂರಿಯಾಗಿ ನಡೆಯುತ್ತಿದ್ದು, ಚಿತ್ರತಂಡ ರೀಸೆಂಟ್ ಆಗಿ ಮುಂಬೈ ಇವೆಂಟ್ ಮುಗಿಸಿ ಬಂದಿದೆ.
ಇದನ್ನೂ ಓದಿ : ಕಬ್ಜದಲ್ಲಿ ರೆಟ್ರೋ ಕಾರ್ಗಳ ಕಲರವ : ಅಬ್ಬಬ್ಬಾ ಎಷ್ಟು ಕೋಟಿ ವೆಚ್ಚ ಮಾಡಿದ್ದಾರೆ ಗೊತ್ತಾ..?
ಇದೀಗ ಖ್ಯಾತ ನಿರೂಪಕ ಅಕುಲ್ ಬಾಲಾಜಿ ನಡೆಸಿರೋ ಕಬ್ಜ ಸಂದರ್ಶನ ಎಲ್ಲೆಡೆ ಸಖತ್ ವೈರಲ್ ಆಗ್ತಿದೆ. ಉಪೇಂದ್ರ ಹಾಗೂ ಶ್ರಿಯಾ ಸರಣ್ ಸಿನಿಮಾ ಹಾಗೂ ಅದ್ರ ಮೇಕಿಂಗ್ ಜರ್ನಿಯನ್ನ ಎಳೆ ಎಳೆಯಾಗಿ ಈ ವಿಶೇಷ ಸಂದರ್ಶನದಲ್ಲಿ ಬಿಚ್ಚಿಟ್ಟಿದ್ದು, ಅದೇ ವೇದಿಕೆಯಲ್ಲಿ ಸೊಂಟ ಬಳುಕಿಸಿರೋದು ನೋಡುಗರಿಗೆ ಸಖತ್ ಮಜಾ ಕೊಡ್ತಿದೆ. ಅಕುಲ್ ಜೊತೆ ಕಬ್ಜ ಕ್ವೀನ್ ಹಾಗೂ ಡಾನ್ ಉಪ್ಪಿ ಸ್ಟೆಪ್ಸ್ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಆಗಿದ್ದು ಸುಳ್ಳಲ್ಲ.
IMDBಯಲ್ಲಿ ಟ್ರೆಂಡಿಂಗ್ ನಂಬರ್ ಒನ್
ಇನ್ನು ಈ ವರ್ಷದ ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ಕಬ್ಜ ಅಗ್ರಸ್ಥಾನದಲ್ಲಿದ್ದು, ಪ್ರತಿಷ್ಠಿತ IMDbಯಲ್ಲಿ ಟ್ರೆಂಡಿಂಗ್ ನಂಬರ್ ಒನ್ನಲ್ಲಿದೆ. ರಿಲೀಸ್ಗೆ ಇನ್ನು ಕೇವಲ ಐದೇ ಐದು ದಿನ ಬಾಕಿ ಉಳಿದಿದ್ದು, ವಿಶ್ಯುವಲ್ ಟ್ರೀಟ್ನ ಕಣ್ತುಂಬಿಕೊಳ್ಳೋಕೆ ಇಡೀ ಇಂಡಿಯಾ ಕಾತರಗೊಂಡಿದೆ. ಉಪ್ಪಿ ಫ್ಯಾನ್ಸ್ ಜೊತೆ ಕಿಚ್ಚನ ಫ್ಯಾನ್ಸ್ ಹಾಗೂ ಶಿವಣ್ಣ ಫ್ಯಾನ್ಸ್ ಕೂಡ ಸಖತ್ ಸೆಲೆಬ್ರೇಷನ್ಸ್ಗೆ ಪ್ಲ್ಯಾನ್ಸ್ ಮಾಡ್ತಿದ್ದಾರೆ.
ಒಟ್ಟಾರೆ, ಗ್ಲೋಬಲ್ ಮಾರ್ಕೆಟ್ನಲ್ಲಿ ಕಬ್ಜ ಕರಾಮತ್ತು ಕೆಜಿಎಫ್ ಕ್ರೇಜ್ನಂತೆ ಜೋರಿದೆ. ಬಾಕ್ಸ್ ಆಫೀಸ್ ಲೆಕ್ಕಾಚಾರಗಳು ಕೂಡ ದೊಡ್ಡ ಮಟ್ಟದಲ್ಲಿ ನಡೆಯುತ್ತಿದ್ದು, ಕಬ್ಜ 2ಗೆ ಮುನ್ನುಡಿ ಬರೆಯಲಿದೆ ಈ ಸಿನಿಮಾ. ಇದೇ ಮಾರ್ಚ್ 17ಕ್ಕೆ ವಿಶ್ವದಾದ್ಯಂತ ಪ್ರೇಕ್ಷಕರ ಮುಂದೆ ಬರ್ತಿರೋ ಕಬ್ಜ, ಅಪ್ಪು ಬರ್ತ್ ಡೇಗೆ ಟ್ರಿಬ್ಯೂಟ್ ನೀಡ್ತಿದೆ. ಜೊತೆಗೆ ಯುಗಾದಿ ಹಬ್ಬದ ಸಂಭ್ರಮವನ್ನು ಡಬಲ್ ಮಾಡ್ತಿದೆ.
- ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
