ಸಂಕ್ರಾಂತಿ ಅಖಾಡಕ್ಕೆ ಸಲಗ & ‘ವೀರಸಿಂಹಾರೆಡ್ಡಿ’ ರೆಡಿ

ನಮ್ಮ ಸ್ಯಾಂಡಲ್​ವುಡ್ ಸಲಗ ದುನಿಯಾ ವಿಜಯ್ ಬಣ್ಣ ಹಚ್ಚಿರೋ ತೆಲುಗು ಸಿನಿಮಾದ ಟೈಟಲ್ ರಿವೀಲ್ ಆಗಿದೆ. ಟೈಟಲ್ ಜೊತೆ ರಿಲೀಸ್ ಡೇಟ್ ಕೂಡ ಕನ್ಫರ್ಮ್​ ಆಗಿದೆ. ಲೆಜೆಂಡ್ ಬಾಲಯ್ಯ ಜೊತೆ ಸಲಗನ ಸೆಣಸಾಟ ಹೇಗಿರಲಿದೆ ಅನ್ನೋದ್ರ ಜೊತೆಗೆ ಈ ರೆಡ್ಡಿ ಟೈಟಲ್ ಹಿಂದಿರೋ ಸಕ್ಸಸ್ ಸೀಕ್ರೆಟ್ ಕೂಡ ಬಿಚ್ಚಿಡ್ತೀವಿ. ನೀವೇ ಓದಿ.

• ಸಮರಸಿಂಹರೆಡ್ಡಿ, ಚೆನ್ನಕೇಶವರೆಡ್ಡಿ ಜಾಡಿನಲ್ಲಿ VSR ನಡೆ

ಲೆಜೆಂಡ್, ಡಿಕ್ಟೇಟರ್, ರೂಲರ್, ಅಖಂಡ ಹೀಗೆ ಸಾಲು ಸಾಲು ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನ ನೀಡಿದ ನಂದಮೂರಿ ಬಾಲಕೃಷ್ಣ ನಟನೆಯ ಮೋಸ್ಟ್ ಎಕ್ಸ್​ಪೆಕ್ಟೆಡ್ ಮೂವಿ ವೀರಸಿಂಹಾರೆಡ್ಡಿ. ಹೌದು.. ಎನ್​ಬಿಕೆ 107 ಹೆಸ್ರಲ್ಲಿ ಸಿನಿಮಾ ಶುರು ಮಾಡಿದ ಮೈತ್ರಿ ಮೂವಿ ಮೇಕರ್ಸ್​ ಹಾಗೂ ಗೋಪಿಚಂದ್ ಮಾಲಿನೇನಿ, ಬಾಲಯ್ಯನ ಈ ಹಿಂದಿನ ಸಿನಿಮಾಗಳಿಗಿಂತ ಜೋರಾಗೇ ಮೇಕಿಂಗ್ ಮಾಡಿದೆ.

ಅದ್ರ ಝಲಕ್ ಕೂಡ ರಿವೀಲ್ ಮಾಡಿರೋ ಚಿತ್ರತಂಡ, ಸಿನಿಪ್ರಿಯರಿಗೆ ಸ್ಯಾಂಪಲ್​​ನಿಂದ ಸಖತ್ ಥ್ರಿಲ್ ನೀಡಿತ್ತು. ಅದ್ರಲ್ಲೂ ನಮ್ಮ ಕನ್ನಡದ ಸಲಗ ದುನಿಯಾ ವಿಜಯ್, ಈ ಚಿತ್ರದ ಖಳನಾಯಕ ಅನ್ನೋದು ಮತ್ತೊಂದು ಇಂಟರೆಸ್ಟಿಂಗ್ ವಿಷ್ಯ. ಸಲಗ ಬಿಗ್ಗೆಸ್ಟ್ ಹಿಟ್ ಬಳಿಕ ಬಾಲಯ್ಯ ಜೊತೆ ಸೆಣಸಾಡಲು ಸಜ್ಜಾಗಿರೋ ವಿಜಯ್​ ಸಿನಿಮಾಗೆ ವೀರಸಿಂಹಾರೆಡ್ಡಿ ಟೈಟಲ್ ಕನ್ಫರ್ಮ್​ ಆಗಿದೆ.

ಅಂದಹಾಗೆ ಬಾಲಯ್ಯ ಈ ತರಹ ರೆಡ್ಡಿ ಟೈಟಲ್​ನಲ್ಲಿ ಸಿನಿಮಾ ಮಾಡ್ತಿರೋದು ಇದೇ ಮೊದಲಲ್ಲ. 1999ರಲ್ಲಿ ಮಾಡಿದ ಸಮರಸಿಂಹಾರೆಡ್ಡಿ ಇಂದಿಗೂ ಎವರ್ ಮಾಸ್ ವೆಂಚರ್. ಫ್ಯಾಕ್ಷನಿಸಂನ ಬಹಳ ಅದ್ಭುತವಾಗಿ ಕಟ್ಟಿಕೊಟ್ಟಂತಹ ಸಿನಿಮಾ ಅದು. ಪರಚೂರಿ ಬ್ರದರ್ಸ್​ ನಿರ್ಮಾಣದ ಈ ಸಿನಿಮಾ ಬಾಲಯ್ಯ ಕರಿಯರ್​ನ ಬಿಗ್ಗೆಸ್ಟ್ ಹಿಟ್ ಅನಿಸಿಕೊಂಡಿತ್ತು. ನಂತ್ರ 2002ರ ಚೆನ್ನಕೇಶವರೆಡ್ಡಿ ಕೂಡ ಬ್ಲಾಕ್ ಬಸ್ಟರ್ ಹಿಟ್ ಲಿಸ್ಟ್ ಸೇರಿತ್ತು.

ಬರೋಬ್ಬರಿ ಎರಡು ದಶಕದ ನಂತ್ರ ಮತ್ತದೇ ಹಿಟ್ ಸಿನಿಮಾಗಳ ಟೈಟಲ್ ಹೋಲುವ ಚಿತ್ರ ಇದಾಗಿದ್ದು, ಅದೇ ಕ್ರೌರ್ಯ ಹಾಗೂ ಸಾಮಾಜಿಕ ಬದ್ಧತೆಯ ಕಂಟೆಂಟ್​ನಿಂದ ಮೇಳೈಸೋ ಮನ್ಸೂಚನೆ ನೀಡಿದೆ. ಇನ್ನು ನಮ್ಮ ಶಿವಣ್ಣ- ಶ್ರೀಮುರಳಿಯ ಮಫ್ತಿ ಎನ್ನಲಾಗ್ತಿದ್ದ ಸಿನಿಮಾ ಇದಲ್ಲವಂತೆ. ಹಾಗಾದ್ರೆ ಗೆಟಪ್ಸ್ ಹಿಂದಿನ ಸೀಕ್ರೆಟ್ ಏನು ಅನ್ನೋದು ಗೊತ್ತಾಗ್ಬೇಕು ಅಂದ್ರೆ ಸಂಕ್ರಾಂತಿ ವರೆಗೂ ಕಾಯಲೇಬೇಕು. 2023ರ ಹೊಸ ವರ್ಷದ ಮೊದಲ ಹಬ್ಬಕ್ಕೆ ವೀರಸಿಂಹಾರೆಡ್ಡಿ ತೆರೆಗಪ್ಪಳಿಸಲಿದೆ.

ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ