ರಮ್ಯಾ ನಂತ್ರ ಸ್ಯಾಂಡಲ್ವುಡ್ನ ಮಾಡ್ರನ್ ಪದ್ಮಾವತಿಯಾಗಿ ಮಿಂಚಿದ ಡಿಂಪಲ್ ಕ್ವೀನ್ ರಚಿತಾ ರಾಮ್, ಇಂದಿಗೂ ಹತ್ತಾರು ಸಿನಿಮಾಗಳಲ್ಲಿ ಬ್ಯುಸಿ. ಈ ಮಧ್ಯೆ ಸೈಲೆಂಟ್ ಆಗಿ ಪಕ್ಕದ ಟಾಲಿವುಡ್ಗೂ ಪದಾರ್ಪಣೆ ಮಾಡಿರೋ ಬುಲ್ ಬುಲ್ ಬೆಡಗಿಯ ಚೊಚ್ಚಲ ತೆಲುಗು ಸಿನಿಮಾ ಸಂಕ್ರಾಂತಿಯ ಸಂಭ್ರಮ ಹೆಚ್ಚಿಸಲಿದೆ. ಇಷ್ಟಕ್ಕೂ ಯಾವುದು ಆ ಚಿತ್ರ..?
ಸೂಪರ್ ಮಚ್ಚಿ.. ಈ ವಾರ ಥಿಯೇಟರ್ ಅಂಗಳಕ್ಕೆ ಬರ್ತಿರೋ ಯೂತ್ಫುಲ್ ಎಂಟರ್ಟೈನರ್. ಅಂದಹಾಗೆ ಇದು ಕನ್ನಡ ಸಿನಿಮಾ ಅಲ್ಲ. ಕನ್ನಡದ ನಟೀಮಣಿ ರಚಿತಾ ರಾಮ್ ಲೀಡ್ನಲ್ಲಿ ನಟಿಸಿರೋ ತೆಲುಗು ಸಿನಿಮಾ. ಡಿಂಪಲ್ ಕ್ವೀನ್ ರಚ್ಚು ಚೊಚ್ಚಲ ಪರಭಾಷಾ ಸಿನಿಮಾ ಇದು.
ಬುಲ್ ಬುಲ್ ಬೆಡಗಿ ಸ್ಯಾಂಡಲ್ವುಡ್ನಲ್ಲಿ ಬಹುತೇಕ ಎಲ್ಲಾ ಬಿಗ್ ಸ್ಟಾರ್ಸ್ ಜೊತೆ ನಟಿಸೋ ಮೂಲಕ ಬಹುಬೇಗ ಮೋಸ್ಟ್ ಡಿಮ್ಯಾಂಡಿಂಗ್ ನಟೀಮಣಿ ಅನಿಸಿಕೊಂಡರು. ಅಷ್ಟೇ ಬೇಗ ರಚ್ಚು ಗ್ಲಾಮರ್ನ ಟಾಲಿವುಡ್ ಮಂದಿ ಕೂಡ ಕ್ಯಾಚ್ ಮಾಡಿದ್ರು. ಅದೂ ಮೆಗಾಸ್ಟಾರ್ ಚಿರಂಜೀವಿ ಅವ್ರ ಅಳಿಯ ಕಲ್ಯಾಣ್ ದೇವ್ ಜೊತೆ ರಚಿತಾ ಫಸ್ಟ್ ಮೂವಿ ಅನ್ನೋದೇ ವಿಶೇಷ.
ಸೂಪರ್ ಮಚ್ಚಿ ಟೈಟಲ್ಗೆ ತಕ್ಕನಾಗಿ ಪಕ್ಕಾ ಯೂತ್ಫುಲ್ ಎಂಟರ್ಟೈನರ್ ಆಗಿದ್ದು, ಕೊರೋನಾದಿಂದ ರಿಲೀಸ್ ತಡವಾಯ್ತು. ಲೇಟ್ ಆದ್ರೂ ಲೇಟೆಸ್ಟ್ ಆಗಿ ಥಿಯೇಟರ್ ಅಂಗಳಕ್ಕೆ ಎಂಟ್ರಿ ಕೊಡೋಕೆ ಬರ್ತಿರೋ ಈ ಚಿತ್ರ, ಇದೇ ಶುಕ್ರವಾರ ಸಂಕ್ರಾಂತಿ ಹಾಗೂ ಬೋಗಿ ಹಬ್ಬದ ಸಂಭ್ರಮವನ್ನ ದುಪ್ಪಟ್ಟು ಮಾಡಲಿದೆ.
ಟ್ರೈಲರ್ ರಿವೀಲ್ ಮಾಡಿರೋ ಚಿತ್ರತಂಡ, ಇದೊಂದು ಪಕ್ಕಾ ರೊಮ್ಯಾಂಟಿಕ್ ಲವ್ ಸ್ಟೋರಿ ಅನ್ನೋದ್ರ ಹಿಂಟ್ ಬಿಟ್ಟುಕೊಟ್ಟಿದೆ. ಕಲ್ಯಾಣ್ ದೇವ್- ರಚಿತಾ ಆನ್ ಸ್ಕ್ರೀನ್ ಕೆಮಿಸ್ಟ್ರಿ ಇಂಪ್ರೆಸ್ಸೀವ್ ಆಗಿದ್ದು, ಡೈಲಾಗ್ಸ್ ಹಾಗೂ ಮೇಕಿಂಗ್ ಮಜಭೂತಾಗಿ ಮೂಡಿಬಂದಿದೆ. ಪುಲಿ ವಾಸು ಌಕ್ಷನ್ ಕಟ್ ಹೇಳಿರೋ ಈ ಚಿತ್ರವನ್ನ ರಿಜ್ವಾನ್ ನಿರ್ಮಿಸಿದ್ದಾರೆ. ತಮನ್ ಮ್ಯೂಸಿಕ್ ಫ್ರೆಶ್ ಫೀಲ್ ಕೊಡ್ತಿದ್ದು, ಸಾಂಗ್ಸ್ ಈಗಾಗ್ಲೇ ಎಲ್ಲರೂ ಗುನುಗುವಂತಾಗಿವೆ.
ಲವ್ ಜೊತೆ ಎಮೋಷನ್ಸ್, ಫ್ಯಾಮಿಲಿ ಸೆಂಟಿಮೆಂಟ್ಸ್, ಌಕ್ಷನ್ ಸೀಕ್ವೆನ್ಸ್ಗಳಿಂದ ಪಕ್ಕಾ ಕಮರ್ಷಿಯಲ್ ಎಂಟರ್ಟೈನರ್ ಆಗಿ ಹೊರಹೊಮ್ಮಲಿದೆ. ಚಿರು ಫ್ಯಾಮಿಲಿಯ ಹೀರೋ ಆಗಿರೋದ್ರಿಂದ ಇದು ರಚಿತಾ ರಾಮ್ ಟಾಲಿವುಡ್ ಎಂಟ್ರಿಗೆ ಪ್ಲಸ್ ಆಗಲಿದೆ. ಮೆಗಾ ಫ್ಯಾಮಿಲಿ ಫ್ಯಾನ್ಸ್ಗೆ ರಚ್ಚು ಸಿನಿಮಾ ಕನೆಕ್ಟ್ ಆಗಲಿದೆ. ಇನ್ನೂ ಶುಕ್ರವಾರ ರಿಲೀಸ್ ಆದ ಬಳಿಕ ಚಿತ್ರದ ಅಸಲಿ ರಿಪೋರ್ಟ್ ಹೊರಬೀಳಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
