ಮಿಜೋರಾಂ ಎಮ್ಎನ್​ಎಫ್ ತೆಕ್ಕೆಗೆ; ಮುಖ್ಯಮಂತ್ರಿಗೇ ಸೋಲು..!

ಮಿಜೋರಾಂ : ವಿಧಾನಸಭಾ ಚುನಾವಣೆಯಲ್ಲಿ ಎಮ್​ಎನ್​ಎಫ್ (ಮಿಜೋ ನ್ಯಾಷನಲ್ ಫ್ರಂಟ್) ಭರ್ಜರಿ ಜಯ ದಾಖಲಿಸಿದೆ. ಹಾಲಿ ಮುಖ್ಯಮಂತ್ರಿ, ಕಾಂಗ್ರೆಸ್ ಕ್ಯಾಂಡಿಡೇಟ್ ಲಾಲ್ ಥನ್ ಹವ್ಲಾ ಸೋಲನುಭವಿಸಿದ್ದಾರೆ. ತಮ್ಮ ಖಾಯಂ ಕ್ಷೇತ್ರವಾದ ದಕ್ಷಿಣ ಚಾಂಪೈ ಕ್ಷೇತ್ರದಿಂದ ಮತ್ತು ಸೇರ್ಫಿಪ್ ಕ್ಷೇತ್ರದಿಂದ ಕಣಕ್ಕೆ ಇಳಿದಿದ್ದರು. ದಕ್ಷಿಣ ಚಾಂಪೈ ಕ್ಷೇತ್ರದಲ್ಲಿ ಎಂಎನ್​ಎಫ್ ಕ್ಯಾಂಡಿಡೇಟ್ ಟಿ.ಜೆ ಲಾಲ್ನಂಟ್ಲುಂಗಾ ವಿರುದ್ಧ ಲಾಲ್ ಥನ್ ಹವ್ಲಾ1,049 ಮತಗಳ ಅಂತರದ ಸೋಲುಂಡಿದ್ದಾರೆ. ಸೇರ್ಫಿಪ್ ನಲ್ಲೂ ಪರಾಭವಗೊಂಡಿದ್ದಾರೆ. ಲಾಲ್ ಥನ್ ಹವ್ಲಾ 5 ಬಾರಿ ಸಿಎಂ ಆಗಿದ್ದರು.

ಒಟ್ಟು 40 ವಿಧಾನಸಭಾ ಕ್ಷೇತ್ರಗಳಲ್ಲಿ 26 ಕ್ಷೇತ್ರಗಳನ್ನು ತನ್ನ ತೆಕ್ಕೆಗೆ ಹಾಕಿಕೊಂಡಿರೋ ಎಮ್​ಎನ್​ಎಫ್ ಆಡಳಿತದ ಚುಕ್ಕಾಣಿ ಹಿಡಿಯಲಿದೆ. ಕಾಂಗ್ರೆಸ್ 5 ಕ್ಷೇತ್ರಗಳಲ್ಲಿ ಹಾಗೂ ಇತರೆ 9 ಕ್ಷೇತ್ರಗಳಲ್ಲಿ ಮಾತ್ರ ಗೆಲವು ಕಂಡಿವೆ. ಮ್ಯಾಜಿಜ್ ನಂಬರ್ 21 ಇದ್ದು, ಎಮ್​ಎನ್ಎಫ್ 26 ಕ್ಷೇತ್ರಗಳ ಗೆಲುವಿನೊಂದಿಗೆ ಸ್ಪಷ್ಟ ಮೆಜಾರಿಟಿ ಪಡೆದಿದ್ದು, ಜನಾದೇಶದಿಂದ ಸರ್ಕಾರ ರಚಿಸಲಿದೆ.