ಬೆಂಗಳೂರು; ಸ್ಟಾರ್ ಡೈರೆಕ್ಟರ್ ಅಟ್ಲಿ ಹಾಗೂ ಕಿಂಗ್ ಖಾನ್ ಶಾರೂಖ್ ಖಾನ್ ಕಾಂಬೋದಲ್ಲಿ ಜವಾನ್ ಕಮಾಲ್ ಮಾಡೋಕೆ ಬರ್ತಿದೆ. ಈ ನಡುವೆ ಇನ್ನೊಂದು ಸುದ್ದಿ ವರ್ಲ್ಡ್ ವೈಡ್ ಸಂಚಲನ ಮೂಡಿಸಿದೆ.
ಭಾರತದ ಪ್ರತಿಷ್ಟಿತ ಫಿಲ್ಮ್ ಬ್ಯಾನರ್ಗಳಲ್ಲಿ ಹೊಂಬಾಳೆ ಫಿಲ್ಮ್ಸ್ ಕೂಡ ಒಂದು. ಕೆಜಿಎಫ್, ಸಲಾರ್ನಂತಹ ಬಹುಕೋಟಿ ವೆಚ್ಚದ ಸಿನಿಮಾಗಳ ಸೂತ್ರಧಾರಿ ಈ ಅದ್ಧೂರಿ ಸಂಸ್ಥೆ. ಇದೀಗ ಹೊಂಬಾಳೆ ಕಣ್ಣಿಟ್ಟಿರೋದು ಬಾಲಿವುಡ್ ಕಿಂಗ್ ಖಾನ್ ಶಾರೂಖ್ ಖಾನ್ ಮೇಲೆ. ಸದ್ಯ ಈ ಸುದ್ದಿ ಬೆಂಕಿ ಬಿರುಗಾಳಿ ಎಬ್ಬಿಸಿದ್ದು ಎಲ್ಲೆಡೆ ಟಾಕ್ ಆಫ್ ದಿ ಟೌನ್ ಆಗಿದೆ.
ವಿಜಯ್ ಕಿರಗಂದೂರ್ ಸಾರಥ್ಯದ ಹೊಂಬಾಳೆ ಫಿಲ್ಮ್ಸ್ ಬಲೆ ಬೀಸಿದ್ರೆ ಅಲ್ಲಿ ದೊಡ್ಡ ದೊಡ್ಡ ತಿಮಿಂಗಲಗಳು ಬೀಳೋದು ಸಹಜ. ಎನ್ಟಿಆರ್, ಡಾರ್ಲಿಂಗ್ ಪ್ರಭಾಸ್ ಅವರಂಥ ಘಟಾನುಘಟಿಗಳಿಗೆ ಮೇವು ಹಾಕಿ ಖಜಾನೆ ತುಂಬಿಸಿಕೊಳ್ತಿರೋ ಹೊಂಬಾಳೆ ಫಿಲ್ಮ್ಸ್ ಇದೀಗ ಕಿಂಗ್ ಖಾನ್ಗೆ ಬಲೆ ಬೀಸಿದೆ.
ಸಲಾರ್, ಕಾಂತಾರ, ಬಘೀರ, ಕೆಜಿಎಫ್-3, ಟೈಸನ್ ಹೀಗೆ ಸಾಲು ಸಾಲು ಸಿನಿಮಾಗಳ ಮೂಲಕ ಇಂಡಿಯನ್ ಸಿನಿ ದುನಿಯಾನ ರೂಲ್ ಮಾಡೋಕೆ ಹೊರಟಿರೋ ಹೊಂಬಾಳೆ ಹೊಸ ಪ್ಲಾನ್ ಮಾಡಿಕೊಂಡಿದೆ. ಇತ್ತ ಶಾರೂಖ್ ಖಾನ್ ಕೂಡ ಜವಾನ್, ಟೈಗರ್-3, ಡುಂಕಿ ಪ್ರಾಜೆಕ್ಟ್ಗಳಲ್ಲಿ ಬ್ಯುಸಿ ಆಗಿದ್ದಾರೆ. ಈ ನಡುವೆ ಅವರನ್ನ ಬಿಗ್ ಬಜೆಟ್ ಪ್ಯಾನ್ ಇಂಡಿಯಾ ಚಿತ್ರಕ್ಕೆ ಸೆಳೆಯೋದಕ್ಕೆ ಸಜ್ಜಾಗಿದೆ ಹೊಂಬಾಳೆ ಟೀಮ್.
ಪರಭಾಷೆಯ ಕಲಾವಿದರು ಕರುನಾಡಿಗೆ ಎಂಟ್ರಿ ಕೊಟ್ಟರೆ ಕಣ್ಣನ್ನ ಪಿಳಿ ಪಿಳಿ ಬಿಟ್ಟು ನೋಡ್ತಿದ್ದ ಕಾಲ ಬದ್ಲಾಗಿದೆ. ಕನ್ನಡ ನೆಲದ ಸಿನಿಮಾ ಸಂಸ್ಥೆಗಳು ಸೂಪರ್ ಸ್ಟಾರ್ಗಳಿಗೆ ಸಿನಿಮಾ ನಿರ್ಮಾಣ ಕಾಲ ಬಂದಿದೆ. ಏನೇ ಆದ್ರೂ ಈಗೆಲ್ಲಾ ಎಲ್ಲಾ ವುಡ್ಗಳ ಅಬ್ಬರ ಕಮ್ಮಿ ಆಗಿದೆ. ಏನಿದ್ರೂ ಇಂಡಿಯನ್ ಸಿನಿಮಾ ಅನ್ನುವಂತಾಗಿದೆ. ಎನಿವೇ ಹೊಂಬಾಳೆ ಬ್ಯಾನರ್ಗೆ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
