ಬೀದರ್; ಅಡ್ಡಾದಿಡ್ಡಿ ಬೈಕ್ ಚಲಾಯಿಸಿ, ಪುಂಡಾಟ ಮೆರದು ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿದ್ದ ಸಿಖ್ ಯುವಕರಿಗೆ ಬಿದರ್ ಪೊಲೀಸರು ಲಾಠಿ ರುಚಿ ತೋರಿಸಿದ್ದಾರೆ.
ಕೈಯಲ್ಲಿ ಖಡ್ಗ ಹಿಡಿದು, ಓವರ್ ಸ್ಪೀಡ್ ಬೈಕ್ ಚಲಾಯಿಸಿದ ಸಿಖ್ ಯುವಕರ ಪುಂಡಾಟ ಕಂಡ ಸ್ವತಃ ಮಧ್ಯ ಪ್ರವೇಶಿಸಿದ ಡೈವೈಎಸ್ಪಿ ಸತೀಶ್, ಸಿಪಿಐ ಹಿರೇಮಠ ಅವರಿಗೆ ಖಡ್ಗ ತೋರಿಸಿದ ಯುವಕರಿಗೆ ಲಾಠಿ ರುಚಿ ತೋರಿಸಿ ಇನ್ನೊಮ್ಮೆ ಈ ರೀತಿ ಆಗದಂತೆ ತಾಕೀತು ಮಾಡಿದ್ದಾರೆ.
ಬೀದರ್ ನಗರದ ಅಂಬೇಡ್ಕರ್ ವೃತ್ತದಲ್ಲಿ ಒಂದು ಕಡೆ ಬಿಜೆಪಿ ಪ್ರತಿಭಟನೆ ನಡೆಯುತ್ತಿದ್ದರೇ, ಇನ್ನೊಂದು ಕಡೆ ಈ ಯುವಕರು ಪುಂಡಾಟ ಮೆರೆದಿದ್ದಾರೆ. ಈ ವೇಳೆ ಸ್ಥಳದಲ್ಲಿದ್ದ ಪೊಲೀಸರು ಅಡ್ಡಾದಿಡ್ಡಿ ಬೈಕ್ ಚಲಾಯಿಸಿ, ಖಡ್ಗ ಕೈಯಲ್ಲಿ ಹಿಡಿದು ತಿರುಗಿಸುತ್ತಿದ್ದವರಿಗೆ ಸರಿಯಾಗಿ ಬಾರಿಸಿ ಚಳಿ ಬೀಡಿಸಿದ್ದಾರೆ.
ನಿನ್ನೆ ಗುರುನಾನಕ್ ಜಯಂತಿ ಹಿನ್ನೆಲೆ ಹಲವೆಡೆಯಿಂದ ಬೀದರ್ ನಗರಕ್ಕೆ ಸಿಖ್ ಸಮುದಾಯದ ಯುವಕರು ಆಗಮಿಸಿ‌ದ್ದಾರೆ. ಇನ್ನು ಯುವಕರು, ಪೊಲೀಸರ ಮಧ್ಯ ಸಂಘರ್ಷದ ನಡುವೆ ಇಬ್ಬರು ಪೊಲೀಸ್ ಪೇದೆಗಳಿಗೆ ಸಣ್ಣಪುಟ್ಟ ಗಾಯವಾಗಿವೆ ಎನ್ನಲಾಗುತ್ತಿದೆ.
