ನವದೆಹಲಿ: ರಾಯಲ್ ಚಾಲೇಂಜರ್ಸ್ ಬೆಂಗಳೂರು(ಆರ್ಸಿಬಿ) ಮಾಜಿ ಆಟಗಾರ, ಕ್ರಿಡಾಂಗಣದಲ್ಲಿ 360 ಡಿಗ್ರಿ ಬ್ಯಾಟ್ ಬೀಸುವ ಎಬಿಡಿ ವಿಲಿಯರ್ಸ್ ಅವರು ಭಾರತಕ್ಕೆ ಬಂದಿದ್ದು, ದೇಶದ ಹಲವು ನಗರಗಳ ಕ್ರಿಡಾಂಗಣಕ್ಕೆ ಭೇಟಿ ನೀಡುವುದಲ್ಲದೇ, ಹಲವು ಕಾರ್ಯಕ್ರಮಗಳಲ್ಲಿ ಭಾಗಿಯಾಗುತ್ತಿದ್ದಾರೆ.
ಅದರಂತೆ ಇಂದು ಎಎನ್ಐ ಸುದ್ದಿ ಸಂಸ್ಥೆಯೊಂದಿಗೆ ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಟಿ-20 ವಿಶ್ವಕಪ್ ಫೈನಲ್ ಹೋಗುವ ತಂಡವನ್ನ ಹಾಗೂ ಈ ಪಂದ್ಯದಲ್ಲಿ ಗೆಲ್ಲುವ ತಂಡವನ್ನ ಎಬಿಡಿ ವಿಲಿಯರ್ಸ್ ಗುರುತಿಸಿದ್ದಾರೆ.
ಟಿ-20 ಸಮಿಫೈನಲ್ನಲ್ಲಿ ಭಾರತ ಗೆಲುವು ಸಾಧಿಸಿ, ಭಾರತ, ನ್ಯೂಜಿಲೆಂಡ್ ನಡುವೆ ಫೈನಲ್ ಪಂದ್ಯ ನಡೆಯುತ್ತದೆ. ಈ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ ಜಯಗಳಿಸುತ್ತದೆ. ಭಾರತ ವಿಶ್ವಕಪ್ ಗೆಲ್ಲುತ್ತದೆ ಎಂದು ಭಾವಿಸುತ್ತೇನೆ ಎಂದು ದಕ್ಷಿಣ ಆಫ್ರಿಕಾ ಮಾಜಿ ಕ್ರಿಕೆಟಿಗ ಎಬಿಡಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ವಿಶ್ವಕಪ್ ಟಿ-20 ಪಂದ್ಯಗಳಲ್ಲಿ ಬ್ಯಾಟ್ಸಮನ್ ಸೂರ್ಯಕುಮಾರ್, ವಿರಾಟ್ ಕೊಹ್ಲಿ ಉತ್ತಮ ಫಾರ್ಮನಲ್ಲಿದ್ದಾರೆ. ಇಡೀ ಭಾರತ ತಂಡ ಅತ್ಯಂತ ಪ್ರತಿಭಾವಂತರಿಂದ ಕೂಡಿದೆ ಎಂದು ಹಾಡಿಹೊಗಳಿದರು.
ಇನ್ನು ಇದೇ ನವೆಂಬರ್ 9 ರಂದು ಪಾಕಿಸ್ತಾನ ತಂಡ ನ್ಯೂಜಿಲೆಂಡ್ ತಂಡವನ್ನ ಆಸ್ಟ್ರೇಲಿಯಾ ಸಿಡ್ನಿಯಲ್ಲಿ ಎದುರಿಸಲಿದೆ. ಮರುದಿನ ಅಂದರೆ ನವೆಂಬರ್ 10(ಗುರುವಾರ) ಕ್ಕೆ ಭಾರತವು ಇಂಗ್ಲೆಂಡ್ ತಂಡವನ್ನ ಆಸ್ಟ್ರೇಲಿಯಾದ ಅಡಿಲೇಡ್ ಕ್ರಿಡಾಂಗಣದಲ್ಲಿ ಎದುರಿಸಲಿದೆ. ಎರಡು ಪಂದ್ಯದಲ್ಲಿ ಜಯಗಳಿಸಿದ ತಂಡ ಫೈನಲ್ಗೆ ಲಗ್ಗೆ ಹಿಡಲಿದೆ.
 ಮಾಜಿ ಆಟಗಾರ, ಕ್ರಿಡಾಂಗಣದಲ್ಲಿ 360 ಡಿಗ್ರಿ ಬ್ಯಾಟ್ ಬೀಸುವ ಎಬಿಡಿ ವಿಲಿಯರ್ಸ್ ಅವರು ಭಾರತಕ್ಕೆ ಬಂದಿದ್ದು,){kind=link}