ಕಾಶ್ಮೀರದ ಭಯಾನಕ ಇತಿಹಾಸವನ್ನು ತೆರೆಯ ಮೇಲೆ ತೋರಿಸಲಾದ ಸಿನಿಮಾ ದಿ ಕಾಶ್ಮೀರಿ ಫೈಲ್ಸ್. ಕಾಶ್ಮೀರಿ ಪಂಡಿತರ ಹತ್ಯೆಯ ಇತಿಹಾಸದ ಪುಟಗಳು ಎಲ್ಲರ ಮೈನವಿರೇಳಿಸುವಂತೆ ಮಾಡಿದ್ವು. ಇದೀಗ, ಮತ್ತೊಂದು ರೋಚಕ ಕಥೆ ಹೊಸ ಅಧ್ಯಾಯಕ್ಕೆ ಮುನ್ನುಡಿ ಬರೆಯಲಿದೆ. ಯೆಸ್.. ಬೆಚ್ಚಿ ಬೀಳಿಸೋ ಹೊಸ ಸಿನಿಮಾ ತೆರೆಗೆ ಬರಲಿದೆ. ಯಾವ ಸಿನಿಮಾ..? ಏನದು ಇಂಟ್ರೆಸ್ಟಿಂಗ್ ಸ್ಟೋರಿ ಅನ್ನೋ ಕುತೂಹಲ ನಿಮಗಿದ್ರೆ, ಈ ಸ್ಟೋರಿ ಮಿಸ್ ಮಾಡದೇ ನೀವೇ ಓದಿ.
- ಮರುಕಳಿಸಲಿದೆ ಮತ್ತೊಂದು ರೋಚಕ ಇತಿಹಾಸದ ಚಿತ್ರಕಥೆ
ಗಲ್ಲಾಪೆಟ್ಟಿಗೆಯಲ್ಲಿ ಧೂಳೆಬ್ಬಿಸಿದ ಸಿನಿಮಾ ದಿ ಕಾಶ್ಮೀರಿ ಫೈಲ್ಸ್. ಕಾಶ್ಮೀರಿ ಪಂಡಿತರ ಅಮಾನವೀಯ ಹತ್ಯೆಯ ಕುರಿತಾದ ಸಿನಿಮಾ ಇದಾಗಿದ್ದು ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಮಾಡ್ತು. ಬಹಳಷ್ಟು ಚರ್ಚೆ, ವಿವಾದಗಳು ಭುಗಿಲೆದ್ದರೂ ವರ್ಲ್ಡ್ ವೈಡ್ ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾವಾಯ್ತು.
ಸದ್ಯ ಇಂತದೇ ಸಿನಿಮಾ ತೆರೆಗೆ ಬರೋಕೆ ಸಜ್ಜಾಗಿದ್ದು, ಮತ್ತೊಮ್ಮೆ ಪ್ರೇಕ್ಷಕರ ಎದೆಯಲ್ಲಿ ಹೊಸ ಸಂಚಲನ ಮೂಡಿಸಿದೆ. ಬೆಚ್ಚಿ ಬೀಳಿಸುವ ಕಥೆಯನ್ನು ಹೊತ್ತು ತಂದಿದೆ ದಿ ಕೇರಳ ಸ್ಟೋರಿ. ಈ ಚಿತ್ರದ ಟೀಸರ್ ರಿಲೀಸ್ ಆಗಿದ್ದು ಎಲ್ಲಾ ಕಡೆ ಪರ, ವಿರೋಧದ ಚರ್ಚೆಗಳು ಶುರುವಾಗಿವೆ. ಸಿಂಗಲ್ ಟೀಸರ್ ಭಯಾನಕ ಅಧ್ಯಾಯಕ್ಕೆ ಹೊಸ ಮುನ್ನುಡಿ ಬರೆಯೋ ಮುನ್ಸೂಚನೆ ಕೊಟ್ಟಿದೆ.
- ದೇವರ ನಾಡಲ್ಲಿ 32,000 ಮಹಿಳೆಯರ ಮತಾಂತರ..?!
- ಕೇರಳದ ಸೆನ್ಸೇಷನಲ್ ಸ್ಟೋರಿಗೆ ಶುರುವಾಯ್ತು ವಿರೋಧ
ಕೇರಳದ ಹಿಂದೂ ಯುವತಿಯರನ್ನು ಹೇಗೆ ಮತಾಂತರ ಮಾಡಿ ಐಸಿಎಸ್ಗೆ ಕಳುಹಿಸಿಕೊಡಲಾಗುತ್ತೆ ಅನ್ನೋ ಕಥೆಯ ಮೇಲೆ ಈ ಸಿನಿಮಾ ಮಾಡಲಾಗಿದೆ. ಸುದೀಪ್ಟೋ ಸೇನ್ ಆ್ಯಕ್ಷನ್ ಕಟ್ ಹೇಳಿರುವ ರೋಚಕ ಚಿತ್ರಕ್ಕೆ ಅಮೃತ್ಲಾಲ್ ಶಾ ಬಂಡವಾಳ ಹೂಡಿದ್ದಾರೆ. ಸದ್ಯ ಟೀಸರ್ನಲ್ಲಿ ಬುರ್ಖಾ ಧರಿಸಿ ದುಃಖ ತೋಡಿಕೊಳ್ಳುತ್ತಿರುವ ಮಹಿಳೆಯ ವೀಡಿಯೋ ಎಲ್ಲಾ ಕಡೆ ಅಲ್ಲೋಲ ಕಲ್ಲೋಲ ಸೃಷ್ಠಿಸಿದೆ. ರಿಲೀಸ್ಗೂ ಮುನ್ನವೇ ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ.
ಡೈರೆಕ್ಟರ್ ಸುದಿಪ್ಟೋ ಈ ಚಿತ್ರಕ್ಕಾಗಿ ಸಿಕ್ಕಾಪಟ್ಟೆ ಹಾರ್ಡ್ ವರ್ಕ್ ಮಾಡಿದ್ದಾರೆ. ಅರಬ್, ಕೇರಳ ಸೇರಿದಂತೆ ನಾನಾ ಕಡೆ ಸಖತ್ ರಿಸರ್ಚ್ ಮಾಡಿ ಕಥೇ ಹೆಣೆದಿದ್ದಾರೆ. ಪ್ರೀತಿಯ ಹೆಸರಲ್ಲಿ ನಡೆಯೋ ಮತಾಂತರದ ಮೇಲೆ ಸಿನಿಮಾ ಕಥೆ ಸಾಗಲಿದೆ. ಐಸಿಸ್ ಗುಲಾಮರಾಗಿ ಮಾರಾಟವಾದ ಹಿಂದೂ ಯುವತಿಯರ ಘೋರ ಕಥೆ ಇದಾಗಿದ್ದು 32 ಸಾವಿರಕ್ಕೂ ಅಧಿಕ ಯುವತಿಯರು ಈ ಸಂಕಷ್ಟದಲ್ಲೀ ಸಿಲುಕಿದ್ದರು ಎನ್ನಲಾಗ್ತಿದೆ. ಆದ್ರೆ, ಸದ್ಯ ಕೆಲವ್ರು ಇದನ್ನು ವಿರೋಧಿಸ್ತಿದ್ದಾರೆ.
ಟೀಸರ್ನಲ್ಲಿ ಶಾಲಿನಿ ಉನ್ನಿಕೃಷ್ಣನ್ , ಫಾತೀಮಾ ಬಾ ಆಗಿ ಬದಲಾದ ಕಥೆ ವಿವರಿಸಿದ್ದಾರೆ. ಅಪಾಯಕಾರಿ ಟೆರರಿಸ್ಟ್ ಬಗ್ಗೆ ಮಾಹಿತಿ ಕೊಡೋ ಫಾತೀಮಾ ಕೇರಳ ಸ್ಟೋರಿಯ ಬಗ್ಗೆ ಹೇಳ್ತಾರೆ. ಚಿತ್ರದ ನಾಯಕಿ ಅದಾ ಶರ್ಮಾ ಕೂಡ ಈ ಟೀಸರ್ನ ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದು ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ. ಹೂತು ಹೋಗಿದ್ದ ಕಥೆಗೆ ಹೊಸ ರೂಪ ಕೊಟ್ಟು ನಗ್ನ ಸತ್ಯಗಳನ್ನು ಈ ಸಿನಿಮಾ ಮೂಲಕ ತೋರಿಸಲಾಗ್ತಿದೆಯಂತೆ. ಎನಿವೇ, ಈ ಚಿತ್ರಕ್ಕೆ ಪ್ರೇಕ್ಷಕ ಮಹಾಪ್ರಭುಗಳು ಸೈ ಅಂತಾರಾ ಅನ್ನೋದನ್ನು ಕಾದು ನೋಡ್ಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
