ಕಾಶಿಯ ಗಂಗಾ ಮಡಿಲಿನಲ್ಲಿ ಮುದ್ದು ಜೋಡಿಯ ಪ್ರೇಮಕಾವ್ಯ ಹೇಳಲು ಸಜ್ಜಾಗಿದೆ ಬನಾರಸ್ ಸಿನಿಮಾ. ಜಯತೀರ್ಥ ನಿರ್ದೇಶನದ ಬ್ರಾಂಡ್ನಲ್ಲಿ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿರೋ ಪ್ಯಾನ್ ಇಂಡಿಯಾ ಸಿನಿಮಾ ಇದು. ವಾರಣಾಸಿ ತೀರದ ನವನವೀನ ಪ್ರೇಮದ ಕಥೆಯ ಸಿನಿಮಾ ಎಷ್ಟು ಥಿಯೇಟರ್ಗಳಲ್ಲಿ ರಿಲೀಸ್ ಆಗ್ತಿದೆ. ಸೆಲೆಬ್ರೇಷನ್ ಸಿದ್ಧತೆಗಳು ಹೇಗಿವೆ ಅನ್ನೋದ್ರ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ.
- ಭಾರತದ ಸಾವಿರಕ್ಕೂ ಅಧಿಕ ಸ್ಕ್ರೀನ್ಗಳಲ್ಲಿ ಝೈದ್ ಅಬ್ಬರ..!
ಒಲವೇ ಮಂದಾರ, ಬುಲೆಟ್ ಬಸ್ಯಾ, ಬೆಲ್ ಬಾಟಮ್ ಹಿಟ್ ಸಿನಿಮಾಗಳ ಸರದಾರ ಜಯತೀರ್ಥ. ಇವ್ರ ನಿರ್ದೇಶನದಲ್ಲಿ ಮೂಡಿ ಬಂದ ಸಿನಿಮಾಗಳ ಫ್ಲೇವರ್ ಎಲ್ಲರಿಗೂ ಬಲುರುಚಿ. ಇದೀಗ ಬನಾರಸ್ ಅನ್ನೋ ಟೈಮ್ ಟ್ರಾವೆಲ್ ಕಥೆ ಹೇಳೋಕೆ ಸಿಕ್ಕಾಪಟ್ಟೆ ಉತ್ಸುಕವಾಗಿದೆ ಚಿತ್ರತಂಡ. ಇದ್ರ ಜತೆಗೆ ಚಿತ್ರದ ಟ್ರೈಲರ್ ಹಾಗೂ ಹಾಡುಗಳು ಸಿಕ್ಕಾಪಟ್ಟೆ ಪ್ರಾಮಿಸಿಂಗ್ ಆಗಿವೆ. ನವೆಂಬರ್ 04ಕ್ಕೆ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಕಮಾಲ್ ಮಾಡಲಿದೆ ಅಮೋಘ ದೃಶ್ಯಕಾವ್ಯ ಬನಾರಸ್.
ಜಮೀರ್ ಖಾನ್ ಪುತ್ರ ಝೈದ್ ಖಾನ್ ಅವ್ರ ಚೊಚ್ಚಲ ಸಿನಿಮಾ ಇದಾಗಿದ್ದು ಸೋನಲ್ ಮಂಥೇರೋ ನಾಯಕಿಯಾಗಿ ಸಾಥ್ ನೀಡಿದ್ದಾರೆ. ಪವಿತ್ರ ಭೂಮಿ ಬನಾರಸ್ನಲ್ಲಿ ಕಂಪ್ಲೀಟ್ ಸಿನಿಮಾ ಮೂಡಿ ಬಂದಿದ್ದು ತೆರೆಯ ಮೇಲೆ ಹೊಸ ಅನುಭವ ನೀಡಲಿದೆ. ಭಾರತದಾಧ್ಯಂತ ಸಾವಿರಕ್ಕೂ ಅಧಿಕ ಸ್ಕ್ರೀನ್ಗಳಲ್ಲಿ ಸಿನಿಮಾ ರಿಲೀಸ್ ಅಗಲಿದ್ದು ಮೋಡಿ ಮಾಡೋ ತವಕದಲ್ಲಿದೆ.
ಮಾಯಗಂಗೆಯ ಮಾಯಾವಿ ಸಂಗೀತದ ಅಲೆಯಲ್ಲಿ ತೇಲುತ್ತಿರೋ ಚಿತ್ರರಸಿಕರು ಸಿನಿಮಾವನ್ನು ಸಿಲ್ವರ್ ಸ್ಕ್ರೀನ್ ಮೇಲೆ ಎಂಜಾಯ್ ಮಾಡೋಕೆ ಕಾಯ್ತಿದ್ದಾರೆ. ಹಿಂದಿಯಲ್ಲಿ ಅಜಯ್ ದೇವಗನ್ ಸಿನಿಮಾ ನೋಡಿ ವಿತರಣೆಯ ಹಕ್ಕನ್ನು ಪಡೆದಿದ್ದಾರೆ. ಜೊತೆಗೆ ರಾಕಿಭಾಯ್ ಕೂಡ ಸಿನಿಮಾ ಮಿಸ್ ಮಾಡದೇ ನೋಡ್ತೀನಿ ಎಂಬ ಭರವಸೆ ನೀಡಿದ್ದಾರಂತೆ. ಪ್ರಮೋಷನ್ಸ್ಗಾಗಿ ಇಡೀ ಇಂಡಿಯಾ ಸುತ್ತು ಹಾಕಿರೋ ಝೈದ್ ಸಿನಿಮಾ ಮೇಲಿನ ಪ್ರೀತಿಯನ್ನು ಹೊರ ಹಾಕಿದ್ರು.
ಝೈದ್ ಮೇಲೆ ಅಪಾರ ವಿಶ್ವಾಸ ಇಟ್ಟು ತಿಲಕ್ ರಾಜ್ ಬಲ್ಲಾಳ್ ಬಂಡವಾಳ ಹೂಡಿದ್ದು ಸಿನಿಮಾ ರಿಚ್ ಆಗಿ ಮೂಡಿ ಬಂದಿದೆ. ಅಜನೀಶ್ ಮ್ಯೂಸಿಕ್, ಅದ್ವೈಥ್ ಕ್ಯಾಮೆರಾ ಕಣ್ಣು ಚಿತ್ರಕ್ಕೆ ಪ್ಲಸ್ ಆಗಲಿದೆ. ಸುಜಯ್ ಶಾಸ್ತ್ರಿ, ದೇವರಾಜ್, ಅಚ್ಯುತ್ ಕುಮಾರ್ ತಾರಾಬಳಗ ಚಿತ್ರಕ್ಕೆ ಮೆರಗು ತುಂಬಿದೆ. ಒಟ್ಟಾರೆ ಬನಾರಸ್ ವಿಬಿನ್ನ ಕಥೆಗೆ ಪ್ರೇಕ್ಷಕರ ರೆಸ್ಪಾನ್ಸ್ ಹೇಗಿರುತ್ತೆ ಕಾದು ನೋಡ್ಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
