ತೆರೆಮೇಲೆ ಲಾಂಗ್ ಹಿಡಿದು ರಕ್ತ ಹರಿಸೋಕೆ ತುದಿಗಾಲಲ್ಲಿ ನಿಂತಿದ್ದಾರೆ ಡಾನ್ ಜಯರಾಜ್ ಅಂಡ್ ಗ್ಯಾಂಗ್. ಯೆಸ್.. ಹೆಡ್ಬುಷ್ ಈ ವಾರದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ ಆಗಿದ್ದು, 22 ಕೋಟಿ ಬ್ಯುಸಿನೆಸ್ ಡೀಲ್ ಕುದುರಿಸೋದ್ರಲ್ಲಿ ಸಕ್ಸಸ್ ಆಗಿದೆ. ಅಷ್ಟೇ ಅಲ್ಲ ದೀಪಾವಳಿಗೆ ಹೆಡ್ಬುಷ್ ಪಟಾಕಿಗಳು ಕೂಡ ಮುಂಗಟ್ಟುಗಳಿಗೆ ಲಗ್ಗೆ ಇಟ್ಟಿವೆ. ಈ ಕುರಿತ ಲೇಟೆಸ್ಟ್ ಅಪ್ಡೇಟ್ಸ್ ನಿಮಗಾಗಿ.
- ಪ್ಯಾನ್ ಇಂಡಿಯಾ ಕ್ರೇಜ್.. ಟಿಕೆಟ್ ಬುಕಿಂಗ್ ಶುರು..!
- ದುಬೈನಲ್ಲಿ ಹಬೀಬಿ ಬೆಲ್ಲಿ ಡ್ಯಾನ್ಸ್.. ಮರಳುಗಾಡು ರೌಂಡ್ಸ್
- ಡಾಲಿ ಬಾಂಬ್, ಜಯರಾಜ್ ರಾಕೆಟ್, ಕೊತ್ವಾಲ್ ಭೂಚಕ್ರ
ಹತ್ತು ಹಲವು ವಿಶೇಷತೆಗಳಿಂದ ಟಾಕ್ ಆಫ್ ದಿ ಟೌನ್ ಆಗಿರೋ ಹೆಡ್ಬುಷ್, ಇದೇ ಶುಕ್ರವಾರ ವರ್ಲ್ಡ್ವೈಡ್ ತೆರೆಗಪ್ಪಳಿಸುತ್ತಿದೆ. ಡಾಲಿ ಧನಂಜಯ ಡಾನ್ ಜಯರಾಜ್ ಆಗಿ ಅಬ್ಬರಿಸಿ, ಆರ್ಭಟಿಸಲಿದ್ದು, ಲಾಂಗ್ ಹಿಡಿದು ರಕ್ತ ಹರಿಸಲಿದ್ದಾರೆ. ಭೂಗತಲೋಕದ ರೆಟ್ರೋ ಕಥಾನಕ ಇದಾಗಿದ್ದು, ನೋಡುಗರಿಗೆ ಆರ್ಟಿಸ್ಟ್ ಪರ್ಫಾಮೆನ್ಸ್ ಕ್ಯೂರಿಯಾಸಿಟಿ ಜೊತೆ ಕ್ರೈಂ ಕಹಾನಿಯ ಇನ್ಸೈಡ್ ಮ್ಯಾಟರ್ ತಿಳಿದುಕೊಳ್ಳೋ ಕೌತುಕ.
ಶೂನ್ಯ ನಿರ್ದೇಶನದ ಹಾಗೂ ಡಾಲಿ ಪಿಕ್ಚರ್ಸ್ ಬ್ಯಾನರ್ನಡಿ ಡಾಲಿಯೇ ನಿರ್ಮಿಸಿರೋ ಈ ಸಿನಿಮಾ, ರಿಲೀಸ್ಗೂ ಮೊದ್ಲೇ ಸಿಕ್ಕಾಪಟ್ಟೆ ಟಾಕ್ ಕ್ರಿಯೇಟ್ ಮಾಡಿದೆ. ಹೌದು.. ಭರ್ಜರಿ ಪ್ರಮೋಷನ್ಸ್ನಿಂದ ದೇಶ, ವಿದೇಶಗಳಲ್ಲಿ ಡಾನ್ ಜಯರಾಜ್ ಟೀಂ ಅಬ್ಬರ ಸಖತ್ ಜೋರಿದೆ. ಅದ್ರಲ್ಲೂ ಝೀ ನೆಟ್ವರ್ಕ್ಗೆ ಡಿಜಿಟಲ್ ಹಾಗೂ ಸ್ಯಾಟಲೈಟ್ ರೈಟ್ಸ್ ದಾಖಲೆ ಮೊತ್ತಕ್ಕೆ ಮಾರಾಟವಾಗಿವೆ.
ಬರೋಬ್ಬರಿ 22 ಕೋಟಿಗೆ ಡಿಜಿಟಲ್ ಮತ್ತು ಟಿವಿ ಹಕ್ಕುಗಳು ಮಾರಾಟವಾಗಿದ್ದು, ಇದು ಚಿತ್ರತಂಡದ ಹಾಗೂ ಡಾಲಿಯ ಸಿನಿಮೋತ್ಸಾಹವನ್ನು ದುಪ್ಪಟ್ಟು ಮಾಡಿದೆ. ರಿಲೀಸ್ಗೂ ಮೊದ್ಲೇ ಬೊಂಬಾಟ್ ಬ್ಯುಸಿನೆಸ್ ಮಾಡಿರೋ ಡಾನ್ ಜಯರಾಜ್, ಒಳ್ಳೆಯ ಬೆಲೆಗೆ ಡೀಲ್ ಕುದುರಿಸಿದ್ದಾರೆ ಅಂತ ಸುದ್ದಿಯಲ್ಲಿದ್ದಾರೆ.
ಹೆಡ್ಬುಷ್ ಟ್ರೈಲರ್ ನೋಡಿ ಇಡೀ ಇಂಡಿಯಾ ಫಿದಾ ಆಗಿದೆ. ಹೌದು.. ಡಾಲಿ ಬರೀ ಕನ್ನಡ ಅಥ್ವಾ ಸೌತ್ ಸ್ಟಾರ್ ಅಲ್ಲ. ಪುಷ್ಪದಿಂದ ಪ್ಯಾನ್ ಇಂಡಿಯಾ ಸ್ಟಾರ್ ಆದವ್ರು. ಹಾಗಾಗಿ ಅವ್ರ ಈ ಸಿನಿಮಾ ದೊಡ್ಡ ಕ್ರೇಜ್ ಹುಟ್ಟಿಸಿದೆ. ಬಾಲಿವುಡ್, ಟಾಲಿವುಡ್ & ಕಾಲಿವುಡ್ ವಿಮರ್ಶಕರಿಂದ ಶಹಬಾಸ್ ಪಡೆಯುತ್ತಿದೆ. ಮುಂಬೈ ಮತ್ತು ದೆಹಲಿಯಲ್ಲಿ ಜಯರಾಜ್ ಜಪ ಶುರುವಾಗಿದ್ದು, ಟ್ರೈಲರ್ ನೋಡಿ ಪರಭಾಷಾ ವಿಮರ್ಶಕರು ಉತ್ತಮ ಪ್ರಶಂಸೆಗಳನ್ನ ವ್ಯಕ್ತಪಡಿಸ್ತಿದ್ದಾರೆ.
ಎರಡು ದಿನಕ್ಕೂ ಮೊದ್ಲೇ ಭರ್ಜರಿ ಟಿಕೆಟ್ ಬುಕಿಂಗ್ ಶುರುವಾಗಿದ್ದು, ನಟರಾಕ್ಷಸ ಡಾಲಿಗೆ ಈ ಸಿನಿಮಾದಿಂದ ಮತ್ತಷ್ಟು ನೇಮು ಫೇಮು ಬರೋದು ಪಕ್ಕಾ ಆಗಿದೆ. ಕಾರಣ ಅವ್ರ ನಟನೆಗೆ ಹಾಗೂ ಸಿನಿಮಾ ಕಂಟೆಂಟ್ ಗಟ್ಟಿತನದಿಂದ ಕೂಡಿರಲಿದೆ. ಹಾಗಾಗಿ ಟಿಕೆಟ್ ಬುಕಿಂಗ್ ಭರದಿಂದ ಆಗ್ತಿದ್ದು, ಫಾಸ್ಟ್ ಆಗಿ ಸೀಟ್ಸ್ ಫಿಲ್ ಆಗ್ತಿವೆ. ವಿದೇಶಗಳಲ್ಲೂ ಆನ್ಲೈನ್ ಟಿಕೆಟ್ ಮಾರಾಟ ಶುರುವಾಗಿರೋದು ವಿಶೇಷ.
ದುಬೈನಲ್ಲಿ ಹಬೀಬಿ ಬೆಲ್ಲಿ ಡ್ಯಾನ್ಸ್ ಮಸ್ತ್ ಮ್ಯಾಜಿಕ್ ಮಾಡ್ತಿದೆ. ಕೆಜಿಎಫ್ ರಾಕಿಭಾಯ್ ರೀತಿ ಬೆಲ್ ಬಾಟಂ ಸ್ಟೈಲ್ನಲ್ಲಿ
ಜಯರಾಜ್ ಅಂಡ್ ಗ್ಯಾಂಗ್, ದುಬೈನ ಮರಳುಗಾಡಲ್ಲಿ ರೌಂಡ್ಸ್ ಹೊಡೆದಿದ್ದಾರೆ. ಅದನ್ನ ನಟ ನೀನಾಸಂ ಸತೀಶ್ ತಮ್ಮ ಮೊಬೈಲ್ನಲ್ಲಿ ಸೆರೆಹಿಡಿದಿರೋದು ಇಂಟರೆಸ್ಟಿಂಗ್ ಅನಿಸಿದೆ. ಇಲ್ಲಿ ಡಾಲಿಗೆ ಯೋಗಿ, ವಸಿಷ್ಟ, ರಘು ಮುಖರ್ಜಿ, ರೋಷನ್ ಬಚ್ಚನ್ ಸೇರಿದಂತೆ ಸಾಕಷ್ಟು ಕಲಾವಿದರು ಸಾಥ್ ನೀಡಿದ್ದಾರೆ.
ದೀಪಾವಳಿಗೆ ಪಟಾಕಿ ಭರಾಟೆ ಜೋರಿರಲಿದ್ದು, ಹೆಡ್ಬುಷ್ ಟೀಂ ಹೆಸ್ರಲ್ಲಿ ತರಹೇವಾರಿ ಪಟಾಕಿಗಳು ಮಳಿಗೆಗಳಿಗೆ ಲಗ್ಗೆ ಇಟ್ಟಿವೆ. ಡಾಲಿ ಬಾಂಬ್. ಜಯರಾಜ್ ರಾಕೆಟ್. ಹಬೀಬಿ ಫ್ಲವರ್ ಪಾಟ್.. ಗಂಗಾ ಮರ್ಚಿ ಪಟಾಕಿ. ಕೊತ್ವಾಲ್ ಭೂಚಕ್ರ, ಹೀಗೆ ಪಾತ್ರಕ್ಕೊಂದು ಪಟಾಕಿಯ ಹೆಸರಿಡಲಾಗಿದೆ. ಒಟ್ಟಾರೆ ಮಾರ್ಕೆಟ್ನಲ್ಲಿ ಡಾನ್ ಜಯರಾಜ್ ಟೀಂ ಅಬ್ಬರ ನಿರೀಕ್ಷೆಗೂ ಮೀರಿದ ಮಟ್ಟಕ್ಕಿದೆ. ತೆರೆ ಮೇಲೂ ಅದೇ ಆರ್ಭಟ ಮುಂದುವರೆಯಲಿದೆ ಅನ್ನೋ ನಿರೀಕ್ಷೆಯಲ್ಲಿದ್ದಾರೆ ಸಿನಿರಸಿಕರು.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
