ಅಪ್ಪು ಡ್ರೀಮ್ ಪ್ರಾಜೆಕ್ಟ್ ಗಂಧದ ಗುಡಿ ಚಿತ್ರದ ಹವಾ ಜೋರಾಗಿದೆ. ರಿಲೀಸ್ ಡೇಟ್ಗೆ ಸಕಲ ಸಿದ್ಧತೆ ನಡೆತಿದ್ದು, ಯುವರಾಜನ ಹಬ್ಬಕ್ಕೆ ದಿನಗಣನೆ ಶುರುವಾಗಿದೆ. ಕಂಡು ಕೇಳರಿಯದ ಹಬ್ಬಕ್ಕೆ ಸಾಕ್ಷಿಯಾಗಲಿರುವ ಗಂಧದ ಗುಡಿ ಸೆಲೆಬ್ರೇಷನ್ಗೆ ಭರ್ಜರಿ ತಯಾರಿ ನಡಿತಿದೆ. ಯೆಸ್.. ಹೇಗಿರಲಿದೆ ಗುಡಿಯೊಳಗಿನ ಪರಮಾತ್ಮನ ಉತ್ಸವ ಗೊತ್ತಾಗ್ಬೇಕಾ..? ನೀವೇ ಓದಿ.
- ದೀಪಗಳ ಬೆಳಕಲ್ಲಿ ಜಗಮಗಿಸಲಿವೆ ಯುವರಾಜನ ಬಿಗ್ ಕಟೌಟ್ಸ್..!
ಸೌಥ್ ಟು ನಾರ್ತ್ ಅಪ್ಪು ಅಬ್ಬರ ಬಲು ಜೋರಾಗಿದೆ. ಗಂಧದಗುಡಿ ಸಿನಿಮಾವನ್ನು ಸಿಲ್ವರ್ ಸ್ಕ್ರೀನ್ ಮೇಲೆ ಎಂಜಾಯ್ ಮಾಡೋಕೆ ಕೋಟ್ಯಂತರ ಅಭಿಮಾನಿಗಳು ಕಾತರರಾಗಿದ್ದಾರೆ. ಹಳ್ಳಿಯ ಹೈದನಿಂದ ಹಿಡಿದು ದಿಲ್ಲಿಯ ಮೋದಿವರೆಗೂ ಗಂಧದ ಗುಡಿ ಕ್ಯೂರಿಯಾಸಿಟಿ ಮೂಡಿಸಿದೆ. ಈ ನಡುವೆ ರಿಲೀಸ್ ದಿನದಂದು ಕಂಡು ಕೇಳರಿಯದ ರೀತಿಯಲ್ಲಿ ಭರ್ಜರಿ ಸಿದ್ಧತೆ ನಡಿತೀದೆ.
ಜೇಮ್ಸ್ ಚಿತ್ರವನ್ನು ತಲೆ ಮೇಲೆ ಹೊತ್ತು ಮೆರೆದಿದ್ದ ಫ್ಯಾನ್ಸ್ ಗಂಧದ ಗುಡಿ ಚಿತ್ರದ ಸೆಲೆಬ್ರೇಷನ್ಗೆ ಸಜ್ಜಾಗಿದ್ದಾರೆ. ವಿಶ್ವದಾಖಲೆಯ ಮಟ್ಟದಲ್ಲಿ ಇತಿಹಾಸ ಬರೆಯೋ ಉತ್ಸುಕತೆಯಲ್ಲಿ ಅಭಿಮಾನಿಗಳು ತಯಾರಾಗಿದ್ದಾರೆ. ಅಪ್ಪು ಸಮಾಧಿ ಬಳಿ ಬರೋಬ್ಬರಿ 75 ಕಟೌಟ್ಗಳು ರಾರಾಜಿಸಲಿವೆ. ಜತೆಗೆ ಕಟೌಟ್ಸ್ಗಳಿಗೆ ಭಾರಿ ಪ್ರಮಾಣದ ಹೂವಿನ ಹಾರಗಳ ಅಲಂಕಾರ ಜೀವ ತುಂಬಲಿದೆ.
ಯೆಸ್.. ಅಪ್ಪು ಸಮಾಧಿ ಸುತ್ತಾ ಒಂದು ಕಿಮೀವರೆಗೂ ದಸರಾ ಲೈಟ್ಸ್ ಮಿನುಗಲಿವೆ. ದೀಪಾಲಂಕಾರದ ಬೆಳಕಲ್ಲಿ ಕಂಠೀರವ ಸ್ಟುಡಿಯೋ ಸುತ್ತಾ ಬಣ್ಣ ಬಣ್ಣದ ಬೆಳಕಿನ ಹೊಳಪು ಇರಲಿದೆ. ಜತೆಗೆ ರಿಲೀಸ್ ದಿನವೇ ಕೆಜಿ ರಸ್ತೆ, ಮಾಗಡಿ ರಸ್ತೆಯ ಥಿಯೇಟರ್ಗಳಲ್ಲಿ ಸಂಭ್ರಮಾಚರಣೆ ಮುಗಿಲು ಮುಟ್ಟಲಿದೆ.
ಅಪ್ಪು ಪುಣ್ಯಸ್ಮರಣೆಯ ದಿನದಂದು ನಿರಂತರ ಅನ್ನ ದಾಸೋಹ ಏರ್ಪಡಿಸಲಾಗಿದೆ. ಬೆಳಗ್ಗೆ 08 ಗಂಟೆಯಿಂದ ಸಂಜೆ 06 ಗಂಟೆಯವರೆಗೂ ದರ್ಶನಕ್ಕೆ ಬರುವ ಅಭಿಮಾನಿಗಳಿಗೆ ಅನ್ನದಾನದ ವ್ಯವಸ್ಥೆ ಕಲ್ಪಿಸಲಾಗಿದೆ. ಇದಲ್ಲದೇ ಅಕ್ಟೋಬರ್ 21 ರಂದು ನಡೆಯಲಿರುವ ಪ್ರೀ ರಿಲೀಸ್ ಇವೆಂಟ್ಗೆ ರಜನಿಕಾಂತ್, ಅಮಿತಾಭ್ ಭಚ್ಚನ್ ಸೇರಿ ಮುಂತಾದ ಸ್ಟಾರ್ ನಟ ನಟಿಯರಿಗೆ ಆಹ್ವಾನ ನೀಡಲಾಗಿದ್ದು ಭಾಗವಹಿಸುವ ಮುನ್ಸೂಚನೆ ಕೂಡ ಸಿಕ್ಕಿದೆ. ಒಟ್ಟಾರೆ ಈ ಬಾರಿ ಅಪ್ಪು ಸಿನಿಮೋತ್ಸವ ಅದ್ಧೂರಿಯಾಗಿ ನಡೆಯೋದು ಪಕ್ಕಾ ಆದಂತಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
