ಪ್ಯಾನ್ ಇಂಡಿಯಾ ಸಿನಿಮಾಗಳ ಮೂಲಕ ಅಬ್ಬರಿಸಿ ಬೊಬ್ಬಿರಿಯುತ್ತಿರೋ ಬಿಗ್ ಬ್ಯಾನರ್ ಹೊಂಬಾಳೆ ಫಿಲಂಸ್. ಇದೀಗ ರಿಷಬ್ ಶೆಟ್ಟಿ ಸಿನಿಮಾಂತ್ರಿಕನ ಕೈಚಳಕದಲ್ಲಿ ಕಾಂತಾರ ಕೂಡ ಭರ್ಜರಿ ಪ್ರದರ್ಶನ ಕಾಣ್ತಿದೆ.
ಕೇವಲ ಕನ್ನಡ ಭಾಷೆಯಲ್ಲಿ ತೆರೆಕಂಡಿದ್ದ ಕಾಂತಾರ ಬಾಕ್ಸ್ ಆಫೀಸ್ ಕಲೆಕ್ಷನ್ ವಿಚಾರದಲ್ಲಿ ಹಳೆ ದಾಖಲೆಗಳನ್ನು ಧೂಳಿಪಟ ಮಾಡ್ತಿದೆ. ಪರಭಾಷೆ ಪ್ರೇಕ್ಷಕರು ಮುಗಿಬಿದ್ದು ಸಿನಿಮಾ ನೋಡ್ತಿರುವ ಹಿನ್ನೆಲೆ ಹಿಂದಿಗೆ ಕಾಂತಾರ ಸಿನಿಮಾ ಡಬ್ ಮಾಡಲಾಗ್ತಿದೆ. ಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಗುಡ್ ನ್ಯೂಸ್ ನೀಡಿದೆ ಚಿತ್ರತಂಡ.
ಅಕ್ಟೋಬರ್ 9ರಂದು ಬೆಳಗ್ಗೆ 9.10ಕ್ಕೆ ‘ಕಾಂತಾರ’ ಚಿತ್ರದ ಹಿಂದಿ ಟ್ರೇಲರ್ ಬಿಡುಗಡೆ ಆಗಲಿದೆ. ಈ ಸುದ್ದಿ ಕೇಳಿ ಪರಭಾಷೆಯ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಬುಕ್ ಮೈ ಶೋ ರೇಟಿಂಗ್ನಲ್ಲೂ ಮುಂಚೂಣಿಯಲ್ಲಿರೋ ಕಾಂತಾರಾ 60 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ಮೊದಲ ವಾರದಲ್ಲಿ ಈ ಪರಿಯ ಅಬ್ಬರ ಕಂಡು ಚಿತ್ರರಸಿಕರು ಥಿಯೇಟರ್ನತ್ತ ದಾಪುಗಾಲಾಕಿದ್ದಾರೆ. ಕರಾವಳಿಯ ನೇಟಿವಿಟಿಯ ಆಚರಣೆ ಕಂಡು ಪ್ರೇಕ್ಷಕರು ಮಂತ್ರಮುಗ್ಧವಾಗಿದ್ದಾರೆ.
