ಅಪ್ಪು ಅಭಿಮಾನಿ ಕಿರೀಟಿಗೆ ರಾಜಮೌಳಿ ಅಂತಹ ಖ್ಯಾತ ನಿರ್ದೇಶಕರೇ ಬೆಸ್ಟ್ ವಿಶಸ್ ಹೇಳಿದ್ರು. ನಂತ್ರ ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ಕುಮಾರ್ ಕೂಡ ಬೆನ್ನು ತಟ್ಟಿದ್ರು. ಆ ಕಿರೀಟಿ ಈಗ ಸೌತ್ ದುನಿಯಾದ ಜೂನಿಯರ್ ಆಗಿ ಮಿಂಚಲಿದ್ದಾರೆ. ಇಷ್ಟಕ್ಕೂ ಗಣಿಧಣಿ ಪುತ್ರನ ಟೈಟಲ್ ಟೀಸರ್ ಹೇಗಿದೆ ಅಂತೀರಾ..? ನೀವೇ ಓದಿ.
- ರಿಯಲಿಸ್ಟಿಕ್ ಸ್ಟಂಟ್ಸ್ ಮೂಲಕ ಮೈನವಿರೇಳಿಸಿದ್ದ ಗಣಿಧಣಿ..?
ಚೊಚ್ಚಲ ಸಿನಿಮಾದಲ್ಲೇ ಕನ್ನಡಿಗರ ದಿಲ್ ಗೆಲ್ಲೋದು ಅಷ್ಟು ಸುಲಭ ಅಲ್ಲಾ ಬಿಡಿ. ಆ್ಯಕ್ಟಿಂಗ್, ಡ್ಯಾನ್ಸಿಂಗ್, ಫೈಟಿಂಗ್ ಎಲ್ಲಾ ವಿಭಾಗದಲ್ಲೂ ಸಕಲ ತಯಾರಿ ನಡೆಸಿ ಎಂಟ್ರಿ ಕೊಡಬೇಕಾಗುತ್ತೆ ಅಲ್ವಾ..? ಯೆಸ್.. ಈ ನಿಟ್ಟಿನಲ್ಲಿ ಭರ್ಜರಿ ತಯಾರಿ ನಡೆಸಿ, ಜಿಮ್ನಲ್ಲಿ ಕಸರತ್ತು ಮಾಡಿ, ಸಿಕ್ಕಾಪಟ್ಟೆ ಬೆವರಿಳಿಸಿ, ಸಿನಿಮಾರಂಗದಲ್ಲಿ ಮಿಂಚ್ಬೇಕು ಅಂತ ಕನಸು ಕಾಣ್ತಿದ್ದಾರೆ ಕಿರೀಟಿ. ಅರೇ.. ಈ ಕಿರೀಟಿ ಯಾರು ಅಂತ ಕೇಳ್ಬೇಡಿ. ಬಳ್ಳಾರಿ ಗಣಿಧಣಿ ಗಾಲಿ ಜನಾರ್ದನ ರೆಡ್ಡಿ ಅವ್ರ ಮುದ್ದಿನ ಮಗ.
ಈಗಾಗ್ಲೇ ಸಿಂಗಲ್ ಟೀಸರ್ ಮೂಲಕ ಸಂಚಲನ ಮೂಡಿಸಿರೋ ಸಖತ್ ಪ್ರಾಮಿಸಿಂಗ್ ಹೀರೋ ಈತ. ಸ್ಯಾಂಪಲ್ನಲ್ಲೇ ಆ್ಯಕ್ಷನ್ ಸೀಕ್ವೆನ್ಸ್ ಮೂಲಕ ರಕ್ತ ಹರಿಸಿರೋ ಕಿರೀಟಿ, ಚಿತ್ರರಸಿಕರಲ್ಲಿ ಬೆಟ್ಟದಷ್ಟು ಭರವಸೆ ಮೂಡಿಸಿದ್ದಾರೆ. ಇದೀಗ ಬರ್ತ್ ಡೇಗೆ ಕೋಟ್ಯಂತರ ಕನ್ನಡಿಗರಿಗೆ ಗುಡ್ ನ್ಯೂಸ್ ಕೊಟ್ಟು ಕ್ಯೂರಿಯಾಸಿಟಿಯ ಚಿಟ್ಟೆ ಹರಿಬಿಟ್ಟಿದ್ದಾರೆ. ಯೆಸ್.. ಮೌಳಿ ಬೆನ್ನು ತಟ್ಟಿ ತಲೆ ಸವರಿದ್ದ ಕಿರೀಟಿ, ಜೂನಿಯರ್ ಟೈಟಲ್ನೊಂದಿಗೆ ಎಂಟ್ರಿ ಕೊಡ್ತಿದ್ದಾರೆ.
- ಪ್ಯಾನ್ ಇಂಡಿಯಾ ಕಾನ್ಸೆಪ್ಟ್.. ಅದ್ಧೂರಿ ತಾರಾ ಸಂಗಮ
- ಅದ್ಧೂರಿ ವೆಚ್ಚದಲ್ಲಿ ನಿರ್ಮಾಣವಾಗ್ತಿದೆ ಜೂನಿಯರ್ ಕಥೆ
ಪೊಲಿಟಿಕಲ್ ಬ್ಯಾಕ್ಡ್ರಾಪ್ ಇರೋ ಕಿರೀಟಿಗೆ ಫೈನಾನ್ಶಿಯಲ್ ಕೊರತೆ ಏನಿಲ್ಲ. ಬಜೆಟ್ ವಿಚಾರದಲ್ಲಿ ಕಾಂಪ್ರಮೈಸ್ ಇಲ್ಲ. ಹಾಗಂತ ಅವ್ರ ತಂದೆ ನಿರ್ಮಿಸ್ತಿಲ್ಲ. ಟಾಲಿವುಡ್ನ ಸಾಯಿ ಕೊರ್ರಪಾಟಿ, ಯಾವುದಕ್ಕೂ ಕೊರತೆ ಆಗದಂತೆ ಪ್ರತಿ ಪ್ರೇಮು ಕೂಡ ರಿಚ್ ಆಗಿ ತೆಗೆಯೋಕೆ ಪ್ಲಾನ್ ಮಾಡಿಕೊಂಡಿದೆ. ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಕಮಾಲ್ ಮಾಡೋಕೆ ಭರ್ಜರಿ ತಯಾರಿ ಕೂಡ ನಡೀತಿದೆ. ಈ ನಡುವೆ ಕಿರೀಟಿ ಬರ್ತ್ ಡೇಗೆ ಜೂನಿಯರ್ ಅನ್ನೋ ಟೈಟಲ್ ರಿವೀಲ್ ಮಾಡಿ ಕುತೂಹಲಕ್ಕೆ ತೆರೆ ಎಳೆದಿದೆ.
ಮಾಯಾಬಜಾರ್ ಚಿತ್ರದ ನಿರ್ದೇಶಕ ರಾಧಾಕೃಷ್ಣ ರೆಡ್ಡಿ ಜೂನಿಯರ್ ಕಥೆಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಟಾಲಿವುಡ್ನ ಚಿತ್ರದಲ್ಲಿ ಬೆರಗುಟ್ಟಿಸೋ ಅಂತಹ ತಾರಾ ಬಳಗವೇ ಇದೆ. ಜೆನಿಲಿಯಾ, ಕ್ರೇಜಿಸ್ಟಾರ್ ರವಿಚಂದ್ರನ್, ರಿತೇಶ್ ದೇಶ್ ಮುಖ್, ಶ್ರೀಲೀಲಾ ಸೇರಿದಂತೆ ಘಟಾನುಘಟಿಗಳು ಚಿತ್ರದ ಭಾಗವಾಗಿದ್ದಾರೆ.
ಟಕ್ನಿಕಲ್ ತಂಡವೂ ವೆರಿ ಕಾಸ್ಟ್ಲಿಯಾಗಿದ್ದು ಟಾಲಿವುಡ್ನ ಸ್ಟಾರ್ ಮ್ಯೂಸಿಕ್ ಕಂಪೋಸರ್ ರಾಕ್ಸ್ಟಾರ್ ದೇವಿಶ್ರೀ ಪ್ರಸಾದ್ ಮ್ಯೂಸಿಕ್ ಕಂಪೋಸ್ ಮಾಡ್ತಿದ್ದಾರೆ. ಬಾಹುಬಲಿ ದೃಶ್ಯವೈಭವವನ್ನು ಕಣ್ಣಿಗೆ ಕಟ್ಟಿದಂತೆ ತೋರಿಸಿದ್ದ ಸೆಂಥಿಲ್ ಕ್ಯಾಮೆರಾ ಕೈಚಳ ಇರಲಿದೆ. ಇಂಡಿಯಾದ ಫೇಮಸ್ ಸ್ಟಂಟ್ ಮಾಸ್ಟರ್ ಪೀಟರ್ ಹೇನ್ ಸಾಹಸವಿದೆ. ಒಟ್ಟಾರೆ ಹೆಜ್ಜೆ ಹೆಜ್ಜೆಗೂ ಬಹು ಕೋಟಿ ವೆಚ್ಚದಲ್ಲಿ ರಿಸ್ಕಿ ಸೀನ್ಗಳ ಜತೆಗೆ ಅದ್ಧೂರಿ ಕಥೆಯೊಂದಿಗೆ ಬರ್ತಿದೆ ಜೂನಿಯರ್ ಸಿನಿಮಾ.
ಅಪ್ಪು ಅಪ್ಪಟ ಅಭಿಮಾನಿಯಾಗಿರೋ ಕಿರೀಟಿ, ಬಾಲ್ಯದಲ್ಲೇ ಅವ್ರ ನಟನೆಯಿಂದ ಪ್ರೇರೇಪಿತರಾಗಿದ್ರು. ಅಲ್ಲದೆ, ರೀಸೆಂಟ್ ಆಗಿ ಶಿವಣ್ಣ ಕೂಡ ಸೆಟ್ಗೆ ಭೇಟಿ ನೀಡಿ, ಕಿರೀಟಿ ಬೆನ್ನು ತಟ್ಟಿದ್ರು. ಬಹುಭಾಷಾ ಕಲಾವಿದರಿರೋ ಈ ಸಿನಿಮಾ ಹಿಂದಿ ಹೊರತು ಪಡಿಸಿ, ಸೌತ್ನ ನಾಲ್ಕೂ ಭಾಷೆಯಲ್ಲಿ ತಯಾರಾಗ್ತಿರೋದು ಕೂತೂಹಲ ಮತ್ತಷ್ಟು ಹೆಚ್ಚಿಸಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ರಿಪೋರ್ಟರ್, ಪವರ್ ಟಿವಿ
