ಮಂಗಳೂರು: ಮಂಗಳೂರು ಸೇರಿದಂತೆ ದೇಶದ್ಯಾಂತ ಹಲವು ಸ್ಥಳಗಳಲ್ಲಿ ರಾಷ್ಟ್ರೀಯ ತನಿಖಾ ದಳ(ಎನ್ ಐಎ) ಅಧಿಕಾರಿಗಳು ದಾಳಿ ನಡೆಸಿದೆ. ಹಿಂಸಾಚಾರ ಮತ್ತು ಕಾನೂನುಬಾಹಿರ ಚಟುವಟಿಕೆಗಳನ್ನು ಪ್ರಚೋದಿಸುವ ಆರೋಪದ ಮೇಲೆ ಈ ದಾಳಿ ನಡೆದಿದೆ.
ಮಂಗಳೂರಿನ ನೆಲ್ಲಿಕಾಯಿ ರಸ್ತೆಯಲ್ಲಿರುವ ಎಸ್ಡಿಪಿಐ, ಪಿಎಫ್ಐ ಕಚೇರಿ ಮೇಲೆ ಹಿಂದೂ ಕಾರ್ಯಕರ್ತ ಪ್ರವೀಣ್ ನೆಟ್ಟಾರು ಹತ್ಯೆ ಸಂಬಂಧಿಸಿದಂತೆ ದಾಳಿ ನಡೆಸಲಾಗಿದೆ.
ನೆಲ್ಲಿಕಾಯಿ ರಸ್ತೆ ಬಂದ್ ಮಾಡಿ ದಾಳಿಗೆ ಸಿಆರ್ಪಿಎಫ್ ಪೊಲೀಸರು ಭದ್ರತೆ ನೀಡಲಾಗಿದೆ. ರೇಡ್ ನಡೆದ ಬೆನ್ನಲೆಯಲ್ಲಿ ಎನ್ಐಎ ವಿರುದ್ಧ ಘೋ ಬ್ಯಾಕ್ ಎಂದು ಘೋಷಣೆ ಕೂಗುತ್ತಿದ್ದಾರೆ.
ಮಂಗಳೂರಿನ ಎಂಟು ಕಡೆಗಳಲ್ಲಿ ಎನ್ ಐ ಎ ಕಾರ್ಯಾಚರಣೆ ನಡೆಸಲಾಗಿದ್ದು, ಇಂದು ಬೆಳಿಗ್ಗೆ ಸುಮಾರು 3.30ರ ವೇಳೆ ಎನ್ ಐ ಎ ರೇಡ್ ನಡೆಸಿದೆ. ಇದರಿಂದ ಅರೆಮೀಸಲು ಪಡೆಯಿಂದ ಭಾರೀ ಕಟ್ಟೆಚ್ಚರ ಘೋಷಣೆ ಮಾಡಿದೆ.
