ಸ್ಯಾಂಡಲ್ವುಡ್ ಸಲಗ ದುನಿಯಾ ವಿಜಯ್ ಭೀಮ ಚಿತ್ರದಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಇತ್ತ ಪಡ್ಡೆ ಹುಲಿ ಶ್ರೇಯಸ್ ಮಂಜು ರಾಣಾ ಕಥೆಯಲ್ಲಿ ಮುಳುಗಿ ಹೋಗಿದ್ದಾರೆ. ಆದ್ರೆ, ಅಸಲಿಗೆ ವಿಷ್ಯ ಬೇರೇನೆ ಇದೆ. ಈ ಇಬ್ರು ಸ್ಟಾರ್ ನಟರ ಕಾಂಬಿನೇಷನ್ನಲ್ಲಿ ಸಿನಿಮಾ ಸಿದ್ಧವಾಗ್ತಿದೆ. ಯೆಸ್. ಗಾಂಧಿನಗರದಲ್ಲಿ ಈ ರೀತಿಯ ಸರ್ಪ್ರೈಸಿಂಗ್ ಸುದ್ದಿಯೊಂದು ಹರಿದಾಡ್ತಿದೆ. ನಿಜಕ್ಕೂ ಈ ಸಿನಿಮಾ ಕಥೆ ಏನು..? ಯಾರ ನಿರ್ದೇಶನದಲ್ಲಿ ಸಿನಿಮಾ ಮೂಡಿ ಬರ್ತಿದೆ ಅನ್ನೋ ಇಂಟರೆಸ್ಟಿಂಗ್ ಮಾಹಿತಿ ಕೊಡ್ತೀವಿ. ನೀವೇ ಓದಿ.
- ಪ್ಯಾನ್ ಇಂಡಿಯಾ ಕಥೆಗೆ ಆ್ಯಕ್ಷನ್ ಕಟ್ ಹೇಳ್ತಾರಾ ವಿಜಯ್..?
ಕನ್ನಡದ ಬ್ಯುಸಿಯೆಸ್ಟ್ ನಟರಲ್ಲಿ ದುನಿಯಾ ವಿಜಯ್ ಕೂಡ ಒಬ್ರು. ಸ್ಯಾಂಡಲ್ವುಡ್ ನಿಂದು ಟಾಲಿವುಡ್ಗೆ ಜಿಗಿದಿರುವ ಬ್ಲಾಕ್ ಕೋಬ್ರಾ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದಾರೆ. ಇತ್ತ ಸಲಗ ಸಿನಿಮಾ ಸಕ್ಸಸ್ ಬಳಿಕ ನಟನಾ ಚಾತುರ್ಯದ ಜತೆಗೆ ನಿರ್ದೇಶನ ವಿಭಾಗದಲ್ಲೂ ಪ್ರವೀಣರಾಗಿದ್ದಾರೆ. ವಿಜಯ್ ಸಿನಿಮಾಂತ್ರಿಕತೆಗೆ ಸಿಕ್ಕಾಪಟ್ಟೆ ಬೇಡಿಕೆ ಶುರುವಾಗಿದೆ. ಸದ್ಯ ಭೀಮ ಚಿತ್ರದ ಮೇಕಿಂಗ್ನಲ್ಲಿ ಸಖತ್ ಬ್ಯುಸಿ ಇರೋ ದುನಿಯಾ ವಿಜಯ್ ಮತ್ತೊಂದು ಸಿನಿಮಾಗೆ ಕೈ ಹಾಕಲಿದ್ದಾರೆ.
ಆ್ಯಕ್ಷನ್ ವೆಂಚರ್ನಲ್ಲಿ ಮೂಡಿ ಬರ್ತಿರೋ ಬಹುನಿರೀಕ್ಷಿತ ಸಿನಿಮಾ ಭೀಮ. ಈ ಸಿನಿಮಾದ ಜತೆಗೆ ನಿರ್ಮಾಪಕ ಕೆ. ಮಂಜು ಅವರ ಪುತ್ರ ಶ್ರೇಯಸ್ ಮಂಜು ಅವರ ಚಿತ್ರಕ್ಕೆ ದುನಿಯಾ ವಿಜಯ್ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ಈ ಕುರಿತ ಬಿಸಿ ಬಿಸಿ ಸುದ್ದಿಗಳು ಗಾಂದಿನಗರದಲ್ಲಿ ಸದ್ದು ಮಾಡ್ತಿದ್ದು ಎಲ್ಲರಿಗೂ ಕುತೂಹಲ ಮೂಡಿಸಿವೆ. ಅಂತೂ ಹೈ ವೋಲ್ಟೇಜ್ ಅ್ಯಕ್ಷನ್ ಸಿನಿಮಾಗೆ ಸ್ಯಾಂಡಲ್ವುಡ್ ಸಲಗ ನಿರ್ದೇಶನದ ಜತೆಗೆ ಆ್ಯಕ್ಟ್ ಕೂಡ ಮಾಡ್ತಿದ್ದಾರೆ.
- ಮಗನ ಅದ್ದೂರಿ ಸಿನಿಮಾಗೆ ತಂದೆ ಕೆ. ಮಂಜು ಸಾಥ್
- ಪಡ್ಡೆಹುಲಿಯ ಜತೆಗೆ ಬ್ಲಾಕ್ ಕೋಬ್ರಾ ಜಿದ್ದಾಜಿದ್ದಿ..?
ಕಲ್ಲು ಮುಳ್ಳಿನ ಹಾದಿಯ ಜತೆಗೆ ಸೋಲು ಗೆಲುವುಗಳನ್ನು ಸಮಾನವಾಗಿ ಕಂಡಿರುವ ದುನಿಯಾ ವಿಜಯ್ ಸಿನಿಮಾಗಳ ಆಯ್ಕೆಯಲ್ಲಿ ಸಖತ್ ಚ್ಯೂಸಿಯಾಗಿದ್ದಾರೆ. ಹಾಗಾಗಿ ಈ ಸಿನಿಮಾ ಕೂಡ ಪ್ರೇಕ್ಷಕರ ಪಾಲಿಗೆ ವಿಶೇಷವಾಗಿರಲಿದೆ. ವಿಲನ್ ರೋಲ್ನಲ್ಲಿ ಕಾಣಿಸಿಕೊಳಲಿದ್ದಾರೆ ಅನ್ನೋ ಟಾಕ್ ಕೂಡ ಶುರುವಾಗಿದ್ದು, ಆ್ಯಕ್ಷನ್ ಸೀಕ್ವೆನ್ಸ್ಗಳ ಅಬ್ಬರ ಜೋರಾಗಿರಲಿದೆ. ದುನಿಯಾ ವಿಜಯ್ ಸಿಗ್ನೇಚರ್ ಸ್ಟೈಲ್ನಲ್ಲೇ ಸಿನಿಮಾ ಮೂಡಿ ಬರಲಿದೆ. ಪಕ್ಕಾ ಸುಕ್ಕಾ ಕಥೆಯ ಜತೆಗೆ ಕಲ್ಟ್ ಸಂಭಾಷಣೆ, ಪಕ್ಕಾ ಲೋಕಲ್ ಲಾಂಗ್ವೇಜ್ನಲ್ಲಿ ಸಿನಿಮಾ ಮಸ್ತ್ ಮನರಂಜನೆಯ ರಸದೌತಣ ಸಿಗಲಿದೆ.
ಪಡ್ಡೆ ಹುಲಿ ಸಿನಿಮಾ ಮೂಲಕ ನಿರ್ಮಾಪಕ ಕೆ. ಮಂಜು ಅವರ ಪುತ್ರ ಶ್ರೇಯಸ್ ಮಂಜು ಕನ್ನಡಿಗರಿಗೆ ಚಿರಪರಿಚಿತರಾಗಿದ್ದಾರೆ. ಈಗಾಗ್ಲೇ ರಾಣಾ ಸಿನಿಮಾ ರಿಲೀಸ್ಗೆ ಸಜ್ಜಾಗಿದ್ದು, ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಇದೀಗ ಮಗನ ಹೊಸ ಸಿನಿಮಾಗೆ ಕೆ. ಮಂಜು ಅವರೇ ಬಂಡವಾಳ ಹೂಡ್ತಾ ಇದ್ದು ಅದ್ದೂರಿಯಾಗಿ ಮೂಡಿ ಬರಲಿದೆ. ಒಂದೊಳ್ಳೆ ಬ್ರೇಕ್ಗಾಗಿ ಕಾಯ್ತಿರೋ ನಟ ಶ್ರೇಯಸ್ಗೆ ಈ ಸಿನಿಮಾ ಕೂಡ ಸಿನಿಕರಿಯರ್ನಲ್ಲಿ ಸವಾಲಾಗಲಿದೆ.
ಚಂದನವನದಲ್ಲಿ ಬೆಂಕಿಯಿಲ್ಲದೇ ಹೊಗೆಯಾಡೊದಿಲ್ಲ. ದುನಿಯಾ ವಿಜಯ್ ಹಾಗೂ ಶ್ರೇಯಸ್ ಕಾಂಬೋ ಸಿನಿಮಾದ ಕುರಿತು ಎದ್ದಿರೋ ಊಹಾಪೋಹಗಳ ಬಗ್ಗೆ ಸದ್ಯದಲ್ಲೇ ಉತ್ತರ ಸಿಗಲಿದೆ. ಮಲ್ಟಿಸ್ಟಾರರ್ ಸಿನಿಮಾದಲ್ಲಿ ಯಾರೆಲ್ಲಾ ಅಭಿನಯಿಸ್ತಾರೆ..? ಸಿನಿಮಾ ಸೆಟ್ಟೇರೋದು ಯಾವಾಗ..? ಟೆಕ್ನಕಲ್ ಟೀಮ್ನಲ್ಲಿ ಯಾರೆಲ್ಲಾ ಕಾಣಿಸಿಕೊಳ್ತಾರೆ ಅನ್ನೋ ಎಲ್ಲಾ ಪ್ರಶ್ನೆಗಳಿಗೆ ಸದ್ಯದಲ್ಲೆ ಉತ್ತರ ಸಿಗಲಿದೆ. ಎನಿವೇ ಭರವಸೆಯ ನಟ ಕಮ್ ನಿರ್ದೇಶಕ ದುನಿಯಾ ವಿಜಯ್ ಹೊಸ ಪ್ರಯತ್ನಕ್ಕೆ ಶುಭ ಹಾರೈಸೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
