ರಿಲೀಸ್ಗೂ ಮುನ್ನವೇ ಕೋಟಿ ಕೋಟಿ ಸುರಿದು ಭರ್ಜರಿ ಪ್ರಚಾರ ಗಿಟ್ಟಿಸಿದ್ದ ಲೈಗರ್ ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ನೆಲಕಪ್ಪಳಿಸಿದೆ. ನಾಲ್ಕೇ ದಿನಕ್ಕೆ ಮಖಾಡೆ ಮಲಗಿರುವ ಲೈಗರ್ ಫ್ಯಾನ್ಸ್ಗಳಿಗೆ ನಿರಾಸೆ ಉಂಟು ಮಾಡಿದೆ. ಕ್ರಾಸ್ಬ್ರೀಡ್ ಟೈಗರ್ ಘರ್ಜಿಸದೇ ಸಪ್ಪೆ ಮೋರೆ ಹಾಕಿ ಗುಹೆ ಸೇರಿದೆ. ಅಷ್ಟಕ್ಕೂ ಲೈಗರ್ ಸೋಲಿಗೆ ಕಾರಣಗಳೇನು ಅನ್ನೋ ಜತೆಗೆ, ಒಂದಿಷ್ಟು ಸ್ಯಾಂಡಲ್ವುಡ್ ಅಪ್ಡೇಟ್ಸ್ ನೀವೇ ಓದಿ.
IMDB ರೇಟಿಂಗ್ ಲಾಸ್.. ಮೈಕ್ ಟೈಸನ್ ಕಾಮಿಡಿ ಪೀಸ್..!
ವರ್ಲ್ಡ್ ವೈಡ್ ಸಂಚಲನ ಮೂಡಿಸಿದ್ದ ಲೈಗರ್ ಸಿನಿಮಾ ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ನೆಲಕಚ್ಚಿದೆ. ಪ್ರೆಕ್ಷಕರ ನಿರೀಕ್ಷೆಗಳು ಠುಸ್ ಪಾಟಾಕಿಯಾಗಿವೆ. ಬಾಕ್ಸಿಂಗ್ ದಿಗ್ಗಜ ಮೈಕ್ ಟೈಸನ್ ಜತೆಗಿನ ರಣ ರೋಚಕ ಕಾಳಗ ಕೂಡ ಸಪ್ಪೆಯಾಗಿದೆ. ಯೆಸ್. ವಿಜಯ್ ದೇವರಕೊಂಡ ಹಾಗೂ ಅನನ್ಯಾ ಪಾಂಡೆ ಅಭಿನಯದಲ್ಲಿ ಮೂಡಿ ಬಂದ ಅದ್ಧೂರಿ ವೆಚ್ಚದ ಸಿನಿಮಾ ಲೈಗರ್. ಆದ್ರೆ, ಬರೀ ನೆಗಟಿವ್ ಕಮೆಂಟ್ಗಳಿಂದ ಸಿನಿಮಾ ಭಾರಿ ಹಿನ್ನೆಡೆ ಕಂಡಿದೆ.
ಸಿನಿಮಾದಲ್ಲಿ ಕೆಲವು ಸನ್ನಿವೇಶಗಳು ಲಾಜಿಕ್ ಇಲ್ಲದೆ ಮೂಡಿ ಬಂದಿವೆ. ರಿಯಲ್ ಹೀರೋ ಮೈಕ್ ಟೈಸನ್ ರೀಲ್ ಹೀರೋ ವಿಜಯ್ ದೇವರಕೊಂಡ ಮುಂದೆ ಪೀಕಲಾಗಿದ್ದಾರೆ. ಕಾಮಿಡಿ ಪೀಸ್ ಆಗಿ ಹೋಗಿದ್ದಾರೆ. ನಿರಾಯಾಸವಾಗಿ ಟೈಸನ್ನ್ನು ಹೊಡೆದುರುಳಿಸೋ ನಾಯಕನ ನಡೆ ಪ್ರೇಕ್ಷಕರಿಗೆ ಅರಗಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಇತ್ತ ಆನ್ಲೈನ್ IMDB ರೇಟಿಂಗ್ನಲ್ಲೂ ಕುಸಿತ ಕಂಡಿದೆ.
ಮೊದಲ ದಿನದಲ್ಲಿ 33 ಕೋಟಿ ಕಲೆಕ್ಷನ್ ಮಾಡಿದ್ದ ಲೈಗರ್ ಎರಡನೇ ದಿನದ ಕಲೆಕ್ಷನ್ನಲ್ಲಿ 16 ಕೋಟಿ ಗಳಿಸಿದೆ. ಪ್ಯಾನ್ ಇಂಡಿಯಾ ಸಿನಿಮಾ ಲೈಗರ್ ಈ ಸೋಲನ್ನು ಚಿತ್ರತಂಡ ಆತ್ಮಾವಲೋಕನ ಮಾಡಬೇಕಾಗಿದೆ. ಎನಿವೇ, ಅದ್ಧೂರಿಯಾಗಿ ಮೂಡಿ ಬಂದಿದ್ದ ಲೈಗರ್ ಸಿನಿಮಾ ಸೋಲು ಫ್ಯಾನ್ಸ್ಗೆ ಸಖತ್ ನಿರಾಸೆಯಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
