ಬೆಂಕಿ ಜತೆಗೆ ಪಳಗಿದ, ಹಠವ ಹೊತ್ತು ತಿರುಗಿದ ಧೀರ ನ್ಯಾಷನಲ್ ಸ್ಟಾರ್ ರಾಕಿಭಾಯ್. ಕೆಜಿಎಫ್ ಚಿತ್ರದ ಮೂಲಕ ಬ್ರಾಂಡ್ ಆಗಿರೋ ರಾಕಿಭಾಯ್ ಹವಾ ಜೋರಾಗಿದೆ. ಇದೀಗ ಟಾಪ್ ಮೋಸ್ಟ್ ನಟರ ಸಾಲಿನಲ್ಲೂ ಮಾಸ್ಟರ್ ಪೀಸ್ ಸದ್ದು ಮಾಡ್ತಿದ್ದಾರೆ. ಯೆಸ್.. ರಾಜಾಹುಲಿಯ ಘರ್ಜನೆ ಹೇಗಿದೆ ತಿಳಿಬೇಕಾ..? ಈ ಸ್ಟೋರಿ ಓದಿ.
ಇಂಡಿಯಾ ಟಾಪ್ 10 ನಟರ ಸಾಲಿನಲ್ಲಿ ಯಶ್
ಆಳೋಕೆ ಆಂತಾ ಬಂದ್ರೆ ರಾಕಿಭಾಯ್ ಯಾವಾಗ್ಲೂ ಸುಲ್ತಾನ. ದಿಟ್ಟ ಹೆಜ್ಜೆ, ದೊಡ್ಡ ಕನಸು, ಬಿಡದ ಛಲದೊಂದಿಗೆ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟ ನಟ ಯಶ್. ಬಸ್ ಡ್ರೈವರ್ ಮಗನ ಯಶೋಗಾಥೆಯನ್ನು ಸೂರ್ಯ ಮುಳುಗದ ನಾಡು ಜಪಾನ್ ಕೂಡ ಕಣ್ಣರಳಿಸಿ ನೋಡಿದೆ. ತಮ್ಮದೇ ಜನಪ್ರಿಯ ಪೇಪರ್ ಕಾಲಮ್ನಲ್ಲಿ ಸುದ್ದಿ ಮಾಡಿ ಪ್ರಕಟಿಸಿದೆ. ಇದೀಗ ಬಾರತೀಯ ಚಿತ್ರರಂಗದ ಶ್ರೇಷ್ಠ ಕಲಾವಿದರ ಸಾಲಿನಲ್ಲಿ ಯಶ್ ಹೆಸ್ರು ರಾರಾಜಿಸ್ತಿದೆ.
ಬೊಂಬೈನ ಗಲ್ಲಿ ಗಲ್ಲಿಗಳಲ್ಲೂ ರಾಜಾಹುಲಿ ಆರ್ಭಟ ಜೋರಾಗಿದೆ. ಕೆಜಿಎಫ್ ಸಿನಿಮಾ ನಂತ್ರ ಮಾಸ್ಟರ್ ಪೀಸ್ ಲೆವೆಲ್ ಚೇಂಜ್ ಆಗಿದೆ. ಇದೀಗ ಪ್ರತಿ ಬಾರಿ ಆರ್ಮಾಕ್ಸ್ ರಿಲೀಸ್ ಮಾಡೋ ಟಾಪ್ ಮೋಸ್ಟ್ ನಟರ ಸಾಲಿನಲ್ಲೂ ಯಶ್ ಹೆಸ್ರು ಘರ್ಜಿಸುತ್ತಿದೆ. ಜುಲೈ ತಿಂಗಳಲ್ಲಿ ರಿಲೀಸ್ ಮಾಡಿರೋ ಲಿಸ್ಟ್ನಲ್ಲಿ ಟಾಪ್ 5 ಹೆಸರಲ್ಲಿ ಯಶ್ಗೆ ಸ್ಥಾನ ಸಿಕ್ಕಿದೆ. ಮೋಸ್ಟ್ ಪಾಪುಲರ್ ಆ್ಯಕ್ಟರ್ ಲಿಸ್ಟ್ನಲ್ಲಿ ಐದನೇ ಸ್ಥಾನದಲ್ಲಿ ರಾಕಿಭಾಯ್ ಮಿಂಚ್ತಿದ್ದಾರೆ.
- ಬೀಸ್ಟ್ ಮಖಾಡೆ ಮಲಗಿದ್ರೂ ವಿಜಯ್ ಟಾಪ್ ಒನ್..!
- ಬಾಲಿವುಡ್ ಸ್ಟಾರ್ಸ್ ಕಣ್ಮರೆ.. ಲಿಸ್ಟ್ನಲ್ಲಿ ಅಕ್ಷಯ್ ಒಬ್ಬರೇ
ಇತ್ತೀಚೆಗೆ ಬಾಲಿವುಡ್ ಸಿನಿಮಾಗಳು ನೆಲಕಪ್ಪಳಿಸ್ತಾ ಇರೋದು ಎಲ್ರಿಗೂ ಗೊತ್ತಿದೆ. ಮಲ್ಟಿ ಸ್ಟಾರ್ ಮೂವಿಗಳನ್ನು ಮಾಡೋಕೆ ಬಾಲಿವುಡ್ ಹರಸಾಹಸ ಪಡ್ತಿದೆ. ಕಷ್ಟಪಟ್ಟು ಮಾಡಿದ ಸಿನಿಮಾಗಳು ನೆಲಕಚ್ಚುತ್ತಿವೆ. ಈ ನಡುವೆ ಸೌತ್ ಇಂಡಸ್ಟ್ರಿಯ ಸ್ಟಾರ್ಸ್ಗಳು ಅಬ್ಬರಿಸಿ ಬೊಬ್ಬಿರಿಯುತ್ತಿದ್ದಾರೆ. ಪ್ಯಾನ್ ಇಂಡಿಯಾ ಸ್ಟಾರ್ಗಳಾಗಿ ಆರ್ಭಟಿಸುತ್ತಿದ್ದಾರೆ. ಇದೀಗ ಆರ್ಮಾಕ್ಸ್ ರಿಲೀಸ್ ಮಾಡಿರೋ ಲಿಸ್ಟ್ನಲ್ಲಿ ತಮಿಳಿನ ವಿಜಯ್ ಮೊದಲ ಸ್ಥಾನದಲ್ಲಿದ್ದಾರೆ.
ನಟ ವಿಜಯ್ ಸಿನಿಕರಿಯರ್ನಲ್ಲಿ ಬೀಸ್ಟ್ ಸಿನಿಮಾ ಸೋತ್ರೂ ಕೂಡ ಫ್ಯಾನ್ಸ್ ಎದೆಯಲ್ಲಿ ಮೆಚ್ಚಿನ ನಟನಾಗಿದ್ದಾರೆ. ಪ್ರಭಾಸ್ ಎರಡನೇ ಸ್ಥಾನ ಗಿಟ್ಟಿಸಿಕೊಂದಿದ್ದಾರೆ. ಜ್ಯೂ. ಎನ್ಟಿಆರ್, ಅಲ್ಲು ಅರ್ಜುನ್ ಕ್ರಮವಾಗಿ ಮೂರು , ನಾಲ್ಕನೇ ಸ್ಥಾನದಲ್ಲಿದ್ದರೆ, ಯಶ್ ಐದನೇ ಸ್ಥಾನದಲ್ಲಿ ಅಬ್ಬರಿಸ್ತಿದ್ದಾರೆ. ರಾಮ್ ಚರಣ್, ಅಕ್ಷಯ್ ಕುಮಾರ್, ಮಹೇಶ್ ಬಾಬು, ಸೂರ್ಯ, ಅಜಿತ್ ಕುಮಾರ್ ಟಾಪ್ 10 ನಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ವಿಪರ್ಯಾಸ ಅಂದ್ರೆ, ಬಾಲಿವುಡ್ನಿಂದ ಅಕ್ಷಯ್ ಮಾತ್ರ ಏಳನೇ ಸ್ಥಾನದಲ್ಲಿದ್ದು ಬಾಲಿವುಡ್ನ ಪ್ರತಿನಿಧಿಸಿದ್ದಾರೆ.
ಬಾಯ್ಕಾಟ್ ಬೆದರಿಕೆಯ ಹೆಸರಲ್ಲಿ ನಾರ್ಥ್ ಸಿನಿಮಾಗಳು ಹೇಳ ಹೆಸರಿಲ್ಲದಂತೆ ಹೋಗುತ್ತಿವೆ. ಲಾಲ್ಸಿಂಗ್ ಚಡ್ಡಾ, ರಕ್ಷಾ ಬಂಧನ್ ಸಿನಿಮಾಗಳು ಈ ಸುಳಿಯಲ್ಲಿ ಸಿಲುಕಿ ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ನೆಲಕಪ್ಪಳಿಸಿವೆ. ಈ ನಡುವೆ ಒಳ್ಳೆ ಕಥೆಗಳ ಮೂಲಕ ಸೌಥ್ ಸಿನಿಮಾಗಳು ಜನರ ಹೃದಯ ಗೆದ್ದು ಹೆಮ್ಮೆಯಿಂದ ಬೀಗುತ್ತಿವೆ. ಪ್ರತಿ ಬಾರಿಯೂ ಆರ್ಮಾಕ್ಸ್ ಬಿಡುಗಡೆ ಮಾಡೋ ಲಿಸ್ಟ್ನಲ್ಲಿ ಯಶ್ ಸ್ಥಾನ ಭದ್ರವಾಗಿರೋದು ಕನ್ನಡಿಗರು ಹೆಮ್ಮೆ ಪಡೋ ವಿಚಾರವಾಗಿದೆ. ಎನಿವೇ, ಇಡೀ ವಿಶ್ವವೇ ಯಶ್ ಮುಂದಿನ ಪ್ರಾಜೆಕ್ಟ್ ಎದ್ರು ನೋಡ್ತಿದೆ. ರಾಕಿಭಾಯ್ ಸದ್ಯದಲ್ಲೇ ಗುಡ್ ನ್ಯೂಸ್ ಕೊಡಲಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
