ಚೊಚ್ಚಲ ಸಿನಿಮಾದಲ್ಲೆ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಮಾಡಿರೋ ನಟ ಧೀರೇನ್. ಡಾ. ರಾಜ್ ಕುಟುಂಬದ ಕುಡಿ ಧೀರೇನ್ ರಾಮ್ಕುಮಾರ್ ಶಿವನಾಗಿ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಡ್ತಿದ್ದಾರೆ. ಈ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದ್ದು, ಸಿಲ್ವರ್ ಸ್ಕ್ರೀನ್ ಮೇಲೆ ಅಬ್ಬರಿಸೋ ಮುನ್ಸೂಚನೆ ಕೊಟ್ಟಿದೆ. ಹೇಗಿದೆ ಶಿವನ ಉಗ್ರವತಾರ ಅಂತೀರಾ..? ಈ ಸ್ಟೋರಿ ಓದಿ.
ಶಿವನ ಪ್ಯೂರ್ ಲವ್ ಸ್ಟೋರಿ.. ಖಡಕ್ ಮಾಸ್ ಎಂಟ್ರಿ..!
ಕನ್ನಡ ಚಿತ್ರರಂಗಕ್ಕೆ ದೊಡ್ಮನೆಯ ಕುಟುಂಬ ಕೊಟ್ಟಿರೋ ಕೊಡುಗೆ ಅಪಾರವಾದುದು. ಡಾ. ರಾಜ್ಕುಮಾರ್ ನಂತ್ರ ಬಂದ ಸೆಂಚುರಿ ಸ್ಟಾರ್ ಶಿವಣ್ಣ, ನಮ್ಮೆಲ್ಲರ ಪ್ರೀತಿಯ ಅಪ್ಪು, ರಾಘವೇಂದ್ರ ರಾಜ್ಕುಮಾರ್ ಸಿನಿದುನಿಯಾವನ್ನು ಆಳಿದ್ದಾರೆ. ಚಿತ್ರಪ್ರೇಮಿಗಳನ್ನು ಎಡೆಬಿಡದೇ ರಂಜಿಸಿದ್ದಾರೆ. ಇದೀಗ ದೊಡ್ಮನೆಯ ಬಳಗದಿಂದ ಹೊಸ ಪ್ರತಿಭೆ ಧೀರೇನ್ ರಾಮ್ಕುಮಾರ್ ಮಾಸ್ ಅವತಾರದಲ್ಲಿ ಗ್ರ್ಯಾಂಡ್ ಎಂಟ್ರಿ ಕೊಡ್ತಿದ್ದಾರೆ.
ಡಾ.ರಾಜ್ ಕುಮಾರ್ ಮೊಮ್ಮಗ ಹಾಗೂ ರಾಮ್ಕುಮಾರ್ ಅವರ ಪುತ್ರ ಧೀರೇನ್, ಶಿವ 143 ಸಿನಿಮಾ ಮೂಲಕ ಕನ್ನಡ ಸಿನಿ ಲೋಕಕ್ಕೆ ಲಾಂಚ್ ಆಗ್ತಿದ್ದಾರೆ. ಚೊಚ್ಚಲ ಸಿನಿಮಾದ ಸ್ಯಾಂಪಲ್ ತುಣುಕುಗಳ ಮೂಲಕ ಎಲ್ಲರ ದಿಲ್ ದೋಚಿದ್ದಾರೆ. ಟೀಸರ್ ನೋಡಿದ್ದ ಪ್ರೇಕ್ಷಕರು ಸಿನಿಮಾ ಬಗ್ಗೆ ಕುತೂಹಲ ವ್ಯಕ್ರಪಡಿಸಿದ್ರು. ಇದೀಗ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದ್ದು, ಅದ್ಭುತವಾಗಿ ಮೂಡಿ ಬಂದಿದೆ. ಅಂತೂ ದೊಡ್ಮನೆಯ ಕುಟುಂಬದಿಂದ ಮತ್ತೊಬ್ಬ ಸ್ಟಾರ್ ಹೊರಹೊಮ್ಮುವ ಸೂಚನೆ ಸಿಕ್ಕಿದೆ.
ಆರ್ ಎಕ್ಸ್ 100 ಸಿನಿಮಾದ ಫ್ಲೇವರ್ನಲ್ಲಿ ಬರ್ತಿರೋ ಶಿವ 143 ಸಿನಿಮಾದಲ್ಲಿ ಧೀರೇನ್ ಮಾಸ್ ಗೆಟಪ್ನಲ್ಲಿ ಕಾಣಿಸಿದ್ದಾರೆ. ಟಗರು ಖ್ಯಾತಿಯ ಮಾನ್ವಿತಾ ಶಿವನಿಗೆ ಜತೆಯಾಗಿದ್ದಾರೆ. ಸಿನಿಮಾದ ಟ್ರೈಲರ್ ನೋಡಿದವ್ರಿಗೆ ಓಂ ಸಿನಿಮಾ ಕಣ್ಮುಂದೆ ಬಂದು ಹೋಗಲಿದೆ. ಟೈಟಲ್ ಕೂಡ ಶಿವ ಹೆಸರಿನಲ್ಲಿದ್ದು, ಸಿನಿಮಾದ ಪ್ರತಿ ಫ್ರೇಮಿನಲ್ಲೂ ಓಂ ಚಿತ್ರದ ಕೋಪ, ಭಯಂಕರ ಸಿಟ್ಟು, ಹಠ ಎದ್ದು ಕಾಣುತ್ತೆ.
ಐ ಲವ್ ಯು. ಯು ಮಸ್ಟ್ ಲವ್ ಮಿ ಡೈಲಾಗ್ ಕೇಳ್ತಾ ಇದ್ರೆ ಎಲ್ಲರಿಗೂ ರೋಮಾಂಚನವಾಗುತ್ತೆ. ಅದೇ ರೀತಿ ಇಲ್ಲೂ ಪ್ರೇಮದ ಪರಾಕಾಷ್ಟೆಯಲ್ಲಿ ಶಿವ ಬಂದಿದ್ದಾನೆ. ತನ್ನ ಪ್ರೀತಿಯನ್ನು ಏನೆಲ್ಲಾ ಹೋರಾಟ ಮಾಡ್ತಾನೆ ಅನ್ನೋದು ಟ್ರೈಲರ್ನಲ್ಲಿ ಜಗಮಗಿಸ್ತಾ ಇದೆ. RX100 ಗೆ ಸೆಡ್ಡು ಹೊಡದಂತಿದೆ ಶಿವ 143 ಸಿನಿಮಾದ ಮೇಕಿಂಗ್ ಸ್ಟೈಲ್.
ಜಯಣ್ಣ, ಭೋಗೇಂದ್ರ, ಡಾ.ಸೂರಿ ಸಾರಥ್ಯದಲ್ಲಿ ನಿರ್ಮಾಣವಾಗ್ತಿರೋ ಶಿವ 143 ಚಿತ್ರದ ಬಗ್ಗೆ ಸಿಕ್ಕಾಪಟ್ಟೆ ಕುತೂಹಲವಿದೆ. ಚಿತ್ರದಲ್ಲಿ ಸಾಧುಕೋಕಿಲ, ಚಿಕ್ಕಣ್ಣ, ಚರಣ್ ರಾಜ್ ಸೇರಿದಂತೆ ಕಲಾವಿದರ ದಂಡೇ ಇದೆ. ಅನಿಲ್ ಕುಮಾರ್ ಆ್ಯಕ್ಷನ್ ಕಟ್ಗೆ ಪ್ರೇಕ್ಷಕರ ರಿಯಾಕ್ಷನ್ ಹೇಗಿರುತ್ತೆ ಅಂತಾ ಆಗಸ್ಟ್ 26 ರವರೆಗೂ ಕಾಯಲೇಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
