ಕ್ರೇಜಿಸ್ಟಾರ್ ವಿ.ರವಿಚಂದ್ರನ್ ಮನೆಯಲ್ಲಿ ಮದ್ವೆ ಸಂಭ್ರಮ ಮನೆ ಮಾಡಿದೆ. ರವಿ ಬೋಪಣ್ಣ ಚಿತ್ರದ ಗುಂಗಿನಲ್ಲಿದ್ದ ರವಿಮಾಮ, ಮಗನ ಮದ್ವೆ ಸಂಭ್ರಮವನ್ನು ಅದ್ಧೂರಿಯಾಗಿ ಮಾಡ್ತಿದ್ದಾರೆ. ಪುಟ್ನಂಜನ ಹಿರಿಯ ಪುತ್ರ ಮನೋರಂಜನ್ಗೆ ಕಂಕಣ ಭಾಗ್ಯ ಕೂಡಿ ಬಂದಿದೆ. ಈ ಸಡಗರ, ಸಂಭ್ರಮಕ್ಕೆ ಇಡೀ ಸ್ಯಾಂಡಲ್ವುಡ್ ಸಾಕ್ಷಿಯಾಗಲಿದೆ.
ರವಿಮಾಮನ ಮನೆಯಲ್ಲಿ ಮಾಂಗಲ್ಯಂ ತಂತು ನಾನೇನಾ
ಸ್ಯಾಂಡಲ್ವುಡ್ನ ಕನಸುಗಾರ ವಿ.ರವಿಚಂದ್ರನ್ ಫ್ಯಾಮಿಲಿ ಹ್ಯಾಪಿ ಮೂಡ್ನಲ್ಲಿದೆ. ಇತ್ತೀಚೆಗೆ ಮುದ್ದಿನ ಮಗಳ ಮದ್ವೆಯನ್ನು ಎಲ್ರು ಕಣ್ಣು ಬಿಟ್ಟು ನೋಡುವಂತೆ ಮಾಡಿದ್ದ ಕ್ರೇಜಿಸ್ಟಾರ್ ಮತ್ತೊಂದು ಸಂತಸದ ಕ್ಷಣದ ಹೊಸ್ತಿಲಲ್ಲಿದ್ದಾರೆ. ಕ್ರೇಜಿಸ್ಟಾರ್ ಹಿರಿಯ ಪುತ್ರ ಮನೋರಂಜನ್ ವಿವಾಹವನ್ನು ಅದ್ಧೂರಿಯಾಗಿ ಆಚರಿಸ್ತಾ ಇದ್ದಾರೆ. ಹರಿಷಿಣ ಶಾಸ್ತ್ರ, ಮೆಹಂದಿ ಶಾಸ್ತ್ರದಲ್ಲಿ ಜೋಡಿ ಆಗಸ್ಟ್ 21 ಶುಭ ಮುಹೂರ್ತದಲ್ಲಿ ವರಿಸಲಿದ್ದಾರೆ.
ಇತ್ತೀಚೆಗೆ ಮನು ಮದ್ವೆ ಆಗ್ತಿದ್ದಾರೆ ಅನ್ನೋ ಸುದ್ದಿ ಹೊರ ಬಿದ್ದಿತ್ತು. ಮದ್ವೆಯಾಗ್ತಿರೋ ಸುದ್ದಿ ಕುರಿತಂತೆ ಟೈಮ್ಸ್ ಆಫ್ ಇಂಡಿಯಾಗೆ ನೀಡಿದ ಸಂದರ್ಶನದಲ್ಲಿ ಮನು ಮದ್ವೆ ಕುರಿತು ಮಾತನಾಡಿದ್ರು. ಆಗಸ್ಟ್ 21ಕ್ಕೆ ಸಂಗೀತಾ ಕೈ ಹಿಡಿತಿರೋದಾಗಿ ಖಾತ್ರಿ ಪಡಿಸಿದ್ರು. ಮದ್ವೆ ತುಂಬಾ ಸಿಂಪಲ್ ಆಗಿ ನಡೆಯಲಿದೆ. ಫ್ಯಾಮಿಲಿಗೆ ತೀರಾ ಹತ್ತಿರವಾದವ್ರು ಮದ್ವೆಯಲ್ಲಿ ಪಾಲ್ಗೊಳಲಿದ್ದಾರೆ ಎಂದಿದ್ರು. ಇದೀಗ ಮನು ಮದ್ವೆಗೆ ಎಲ್ಲಾ ಸಿದ್ಧತೆಗಳು ನಡೀತಿದ್ದು ಕಂಕಣ ಭಾಗ್ಯಕ್ಕೆ ಕ್ಷಣಗಣನೆ ಶುರುವಾಗಿದೆ.
- ಅರೇಂಜ್ ಮ್ಯಾರೇಜಾ..? ಲವ್ ಮ್ಯಾರೇಜಾ..? ಮನು ಸ್ಪಷ್ಟನೆ
- ಮನು ಜೋಡಿಗೆ ಚಿರಂಜೀವಿ, ರಜಿನೀಕಾಂತ್ ಆಶೀರ್ವಾದ..?
ಮನು ಮದ್ವೆ ಸುದ್ದಿ ದಿಡೀರ್ ಆಗಿ ಕೆಳಿಬರ್ತಿದ್ದಂತೆ ಸ್ಯಾಂಡಲ್ವುಡ್ನಲ್ಲಿ ಹಲವು ಸುದ್ದಿಗಳು ಹರಿದು ಬಂದ್ವು. ಮನು ಲವ್ ಮ್ಯಾರೆಜ್ ಆಗ್ತಿದ್ದಾರೆ. ಹುಡುಗಿ ಜತೆ ಲಾಂಗ್ ರಿಲೇಶನ್ಶಿಪ್ ಇತ್ತು. ಈಗ ಅಪ್ಪನನ್ನು ಒಪ್ಪಿಸಿ ಸಿಂಪಲ್ ಮದ್ವೆ ಆಗ್ತಿದ್ದಾರೆ ಅಂತಾ. ಆದ್ರೆ, ಇವೆಲ್ಲಾ ಪೊಳ್ಳು ಸುದ್ದಿಗಳು. ದೂರದ ಸಂಬಂಧಿ ಸಂಗೀತಾ ಅವ್ರ ಬಗ್ಗೆ ತುಂಬಾ ದಿನಗಳ ಹಿಂದಯೇ ಪ್ರಪೋಸಲ್ ಬಂದಿತ್ತಂತೆ. ಎರಡು ಕುಟುಂಬಗಳು ಒಪ್ಪಿ ಮದ್ವೆಯ ಹಂತಕ್ಕೆ ಬಂದು ನಿಂತಿದೆ.
ಆಗಸ್ಟ್ 21 ರಂದು ಮದ್ವೆ ನಡೆಯಲಿದ್ದು, ಆಗಸ್ಟ್ 22ಕ್ಕೆ ರಿಸೆಪ್ಶನ್ ಇರಲಿದೆ. 2019ರಲ್ಲಿ ಕ್ರೇಜಿಸ್ಟಾರ್ ಪುತ್ರಿ ದೀಪಾಂಜಲಿಯ ಮದ್ವೆಯನ್ನು ಗ್ರ್ಯಾಂಡ್ ಆಗಿ ಮಾಡಿದ್ದ ರವಿಮಾಮ, ರಜನೀಕಾಂತ್, ಮೆಗಾಸ್ಟಾರ್ ಚಿರಂಜೀವಿ,ಯಶ್ ಸೇರಿ ಮುಂತಾದ ಸ್ಟಾರ್ ಕಲಾವಿದರನ್ನು ಆಹ್ವಾನಿಸಿದ್ರು. ಪುಟ್ನಂಜನ ಪ್ರೀತಿಯ ಕರೆಗೆ ಓಡಿ ಬಂದಿದ್ದ ರಜನೀಕಾಂತ್ ಹಾಗೂ ಚಿರಂಜೀವಿ ತಮ್ಮ ಅಮೂಲ್ಯ ಸಮಯವನ್ನು ದೀಪಾಂಜಲಿ ಮದ್ವೆಗೆ ಮೀಸಲಿಟ್ಟಿದ್ರು.
ಅಂತೂ 2017 ರಲ್ಲಿ ಸಾಹೇಬ ಸಿನಿಮಾ ಮೂಲಕ ಎಂಟ್ರಿ ಕೊಟ್ಟಿದ್ದ ಮನೋರಂಜನ್ ಬೃಹಸ್ಪತಿ, ಮುಗಿಲ್ ಪೇಟೆ ಸಿನಿಮಾಗಳ ಮೂಲಕ ಕನ್ನಡ ಸಿನಿಲೋಕದಲ್ಲಿ ಹೆಸ್ರು ಮಾಡಿದ್ದಾರೆ. ಇದೀಗ ಕನ್ನಡ ಸಿನಿಲೋಕದಿಂದ ಸಂಸಾರ ಲೋಕಕ್ಕೆ ಜಿಗಿಯುತ್ತಿರುವ ಮನೋರಂಜನ್ ದಾಂಪತ್ಯ ಜೀವನಕ್ಕೆ ಎಲ್ಲರೂ ಶುಭ ಕೋರೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
