ಚಾಮರಾಜನಗರ: ಲಾರಿ ಚಾಲಕನೋರ್ವನಿಗೆ ಫಾರೆಸ್ಟ್ ಗಾರ್ಡ್ ಬೆದರಿಕೆ ಹಾಕಿದ್ದ ಬೆನ್ನಲ್ಲೆಯಲ್ಲಿ ಗಾರ್ಡ್ನನ್ನ ಅಮಾನತು ಮಾಡಿ ಆದೇಶಿಸಲಾಗಿದೆ.
ಜಿಲ್ಲೆಯ ಪಾಲಾರ್ ಗಡಿಯಲ್ಲಿನ ಅರಣ್ಯ ಚೆಕ್ ಪೋಸ್ಟ್ನಲ್ಲಿ ತಪಾಸಣೆ ಮಾಡುವಾಗ, ಫಾರೆಸ್ಟ್ ಗಾರ್ಡ್ ಗನ್ ಕೊಡು, ಇವನನ್ನು ಸುಟ್ಟಾಕುತ್ತೇನೆ ಎಂದು ಲಾರಿ ಚಾಲಕನಿಗೆ ಆವಾಜ್ ಹಾಕಿದ್ದ. ಅರಣ್ಯ ಇಲಾಖೆ ನೌಕರ ಕುಡಿದ ಮತ್ತಿನಲ್ಲಿ ಹಣ ಕೊಡುವಂತೆ ಲಾರಿ ಚಾಲಕನಿಗೆ ಧಮ್ಕಿ ಹಾಕಿದ್ದ ಎನ್ನಲಾಗಿದೆ.
ಈಗ ಫಾರೆಸ್ಟ್ ಗಾರ್ಡ್ ನ ಅಮಾನತು ಮಾಡಿದ ಮಲೈಮಹದೇಶ್ವರ ವನ್ಯಜೀವಿ ಡಿಸಿಎಫ್ ಆದೇಶ ಹೊರಡಿಸಿದ್ದಾರೆ. ಕರ್ನಾಟಕ ತಮಿಳುನಾಡು ಗಡಿಯ ಪಾಲಾರ್ ಚೆಕ್ ಪೋಸ್ಟ್ಗೆ ಮೋಹನ್ ಕುಮಾರ್ನನ್ನು ನಿಯೋಜಿಸಲಾಗಿತ್ತು. ಈ ವೇಳೆ, ಮದ್ಯದ ಮತ್ತಿನಲ್ಲಿ ಲಾರಿ ಚಾಲಕನಿಗೆ ಹಣ ಕೊಡುವಂತೆ ಧಮ್ಕಿ ಹಾಕಿದ್ದಲ್ಲದೇ ಬಂದೂಕಿನಿಂದ ಸುಟ್ಟು ಹಾಕುತ್ತೇನೆಂದು ಬೆದರಿಕೆ ಒಡ್ಡಿದ್ದ ಎಂಬ ಆರೋಪ ಕೇಳಿಬಂದಿತ್ತು.
ಫಾರೆಸ್ಟ್ ಗಾರ್ಡ್ ಅಧಿಕಾರಿಯ ಬೆದರಿಕೆ ಮಾತುಗಳನ್ನು ಚಾಲಕ ವಿಡಿಯೋ ಮಾಡಿದ್ದ, ಈ ಕುರಿತು ನಮ್ಮ ಪವರ್ ಟಿವಿಯಲ್ಲಿ ವರದಿ ಮಾಡಲಾಗಿತ್ತು. ಕೂಡಲೇ ಎಚ್ಚೆತ್ತ ಡಿಸಿಎಫ್, ಮೋಹನ್ನನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದರು. ಮದ್ಯ ಸೇವಿಸಿದ್ದು, ದೃಢಪಟ್ಟಿದ್ದರಿಂದ ಅಮಾನತು ಮಾಡಿ ಡಿಸಿಎಫ್ ತನಿಖೆಗೆ ಆದೇಶ ನೀಡಿದ್ದಾರೆ.
