ಮುಂದಿನ ವಾರ ತೆರೆಗಪ್ಪಳಿಸೋಕೆ ಸಜ್ಜಾಗಿದ್ದ ಮಾನ್ಸೂನ್ ರಾಗದ ರಿಲೀಸ್ ಡೇಟ್ ಪೋಸ್ಟ್ಪೋನ್ ಆಗಿದೆ. ಅರೇ ಡಾಲಿ- ರಚಿತಾ ರಾಮ್ರಂತಹ ಬಿಗ್ ಸ್ಟಾರ್ಸ್ ಸಿನಿಮಾಗೇ ರಿಲೀಸ್ ತೊಡಕಾ ಅಂತ ಹುಬ್ಬೇರಿಸಬೇಡಿ. ಇಷ್ಟಕ್ಕೂ ಸ್ಯಾಂಪಲ್ಸ್ನಿಂದ ಧೂಳೆಬ್ಬಿಸಿದ್ದ ಮಾನ್ಸೂನ್ ರಾಗಕ್ಕೆ ಏನಾಗಿದೆ ಅಂತೀರಾ..? ನೀವೇ ಓದಿ.
- ಆಗಸ್ಟ್ 19ಕ್ಕೆ ಬರ್ತಿಲ್ಲ ‘ಮಾನ್ಸೂನ್ ರಾಗ’ ದೃಶ್ಯಕಾವ್ಯ..!
- ಏನಾಯ್ತು ಡಾಲಿ ಧನು – ರಚಿತಾ ರಾಮ್ ಸಿನಿಮಾಗೆ..?
- ನಿರ್ಮಾಪಕ ಎ.ಆರ್ ವಿಖ್ಯಾತ್ ಹೇಳಿದ್ದೇನು ಗೊತ್ತಾ..?
ಕರುನಾಡಿನಾದ್ಯಂತ ನೈರುತ್ಯ ಮಾನ್ಸೂನ್ ಬಿಡದೇ ಸುರೀತಾ ರೈತರ ನಿದ್ದೆಗೆಡಿಸಿದರೆ, ಇತ್ತ ಸ್ಯಾಂಡಲ್ವುಡ್ನ ಬಹುನಿರೀಕ್ಷಿತ ಸಿನಿಮಾ ಮಾನ್ಸೂನ್ ರಾಗದ ಎಫೆಕ್ಟ್ ಸಿನಿಪ್ರೇಮಿಗಳ ನಿದ್ದೆಗೆಡಿಸಿತ್ತು. ಡಾಲಿ ಧನಂಜಯ ಹಾಗೂ ಡಿಂಪಲ್ ಕ್ವೀನ್ ರಚ್ಚು ಕಾಂಬಿನೇಷನ್ ಸಿಲ್ವರ್ ಮೇಲೆ ಕಮಾಲ್ ಮಾಡಲಿದ್ದಾರೆ ಅನ್ನೋ ಸುದ್ದಿ ಗಲ್ಲಿಯಿಂದ ದಿಲ್ಲಿವರೆಗೂ ಹಬ್ಬಿತ್ತು. ಯೆಸ್.. ಕಟ್ಟೆ ಮುಂಬೈಯಲ್ಲಿ ಗುಡುಗ್ತಾ ಇದ್ದಾನೆ ಅಂತಾ ಬೆಚ್ಚಿಬೀಳಿಸಿದ್ದ ಮಾನ್ಸೂನ್ ಚಿತ್ರತಂಡ ಸಿನಿಮಾದ ಮೇಲಿನ ಕುತೂಹಲವನ್ನು ದುಪ್ಪಟ್ಟು ಮಾಡಿತ್ತು. ಆದ್ರೆ, ಇದೀಗ ಚಿತ್ರತಂಡದಿಂದ ಶಾಕಿಂಗ್ ನ್ಯೂಸ್ ಹೊರಬಿದ್ದಿದ್ದು ಫ್ಯಾನ್ಸ್ಗೆ ಸಿಕ್ಕಾಪಟ್ಟೆ ನಿರಾಶೆಯಾಗಿದೆ.
ರೆಟ್ರೋ ಸ್ಟೈಲ್ನಲ್ಲಿ ಮಾನ್ಸೂನ್ ರಾಗ ಸಿನಿಮಾ ಆಗಸ್ಟ್ 19ಕ್ಕೆ ತೆರೆಗೆ ಬರಲಿದೆ ಅನ್ನೋ ಸುದ್ದಿ ಪ್ರೇಕ್ಷಕರ ದಿಲ್ ಖುಷ್ ಮಾಡಿತ್ತು. ಇನ್ನೇನು ಡಾಲಿ ಅಣ್ಣನ ಕಟೌಟ್ಗೆ ಹಾಲಿನ ಅಭಿಷೇಕ ಮಾಡಿ, ಕಟೌಟ್ಗಳಿಗೆ ಹೂವಿನ ಅಲಂಕಾರ ಮಾಡಿ ಅದ್ಧೂರಿಯಾಗಿ ವೆಲ್ಕಮ್ ಮಾಡಬೇಕು ಅಂದುಕೊಂಡಿದ್ದ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ದನ್ನು ಮತ್ತೆ ವಾಪಾಸ್ ತೆಗೆದುಕೊಂಡಿದೆ. ಟೆಕ್ನಿಕಲ್ ಸಮಸ್ಯೆಗಳಿಂದ ಸಿನಿಮಾ ರಿಲೀಸ್ ಕೊಂಚ ಲೇಟ್ ಆಗಲಿದೆಯಂತೆ.
ರಚಿತಾ ರಾಮ್ ಗ್ಲಾಮರಸ್ ರೋಲ್ ಮೂಲಕ ಹಾಟ್ ಹಾಟ್ ಆಗಿ ಕಾಣಿಸಿದ್ದು, ಟ್ರೈಲರ್ಗೆ ಸಿನಿಪ್ರಿಯರು ಥ್ರಿಲ್ ಆಗಿದ್ದಾರೆ. ಮ್ಯೂಸಿಕಲ್ ಹಿಟ್ ಸಿನಿಮಾವಾಗಿರೋದ್ರಿಂದ ಎಲ್ಲಾ ಹಾಡುಗಳು ಸಿಕ್ಕಾಪಟ್ಟೆ ಹಿಟ್ ಆಗಿವೆ. ಇದ್ರ ಜತೆಯಲ್ಲಿ ಡಾಲಿ ಮಾಸ್ ಅಂಡ್ ರೊಮ್ಯಾಂಟಿಕ್ ಶೇಡ್ಗಳಲ್ಲಿ ಕಾಣಿಸಿಕೊಂಡಿದ್ದು ವಿಭಿನ್ನ ಕಥೆ ಹೇಳೋ ತವಕದಲ್ಲಿದ್ದಾರೆ. ಆದ್ರೆ, ಇದೀಗ ಸಿನಿಮಾದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಲ್ಲಿ ತಾಂತ್ರಿಕ ತೊಂದರೆಗಳಿಂದ ರಿಲೀಸ್ ಡೇಟ್ ಪೋಸ್ಟ್ ಪೋನ್ ಆಗ್ತಿದೆ. ಇದ್ರಿಂದ ಇಷ್ಟು ದಿನಗಳಿಂದ ಕರ್ನಾಟಕದಾದ್ಯಂತ ಕಟೌಟ್ ಹಾಕಿ ಬಿಗ್ ಪ್ಲಾನ್ ಮಾಡಿಕೊಂಡಿದ್ದ ಡಾಲಿ ಫ್ಯಾನ್ಸ್ಗೆ ಸಹಜವಾಗಿ ನಿರಾಶೆಯಾಗಿದೆ.
ಲೈಂಗಿಕ ಕಾರ್ಯಕರ್ತೆಯಾಗಿ ರಚ್ಚು ಮಿಂಚಿದ್ರೆ, ಆಟಿಟ್ಯೂಡ್ ಕ್ವೀನ್ ಆಗಿ ಯಶಾ ಶಿವಕುಮಾರ್ ಎಲ್ಲರ ಹೃದಯ ಗೆಲ್ಲಲಿದ್ದಾರೆ. ಪುಷ್ಪಕ ವಿಮಾನ ಸಿನಿಮಾ ನಿರ್ದೇಶನ ಮಾಡಿದ್ದ ಎಸ್. ರವೀಂದ್ರನಾಥ್ ನಿರ್ದೇಶನದಲ್ಲಿ ಮ್ಯಾಜಿಕ್ ಮಾಡೋಕೆ ಸಜ್ಜಾಗಿದ್ದ ಮಾನ್ಸೂನ್ ರಾಗ ಸ್ಯಾಡ್ ನ್ಯೂಸ್ನಿಂದ ಕಟ್ಟೆ ಅಬ್ಬರಿಸೋದು ಸ್ವಲ್ಪ ತಡವಾಗಲಿದೆ.
ಇತ್ತೀಚೆಗೆ ಮಾನ್ಸೂನ್ ರಾಗ ತಂಡ ಪ್ರೊಮೋಷನಲ್ ಸಾಂಗ್ ಕೂಡ ಶೂಟ್ ಮಾಡಿತ್ತು. ಇದ್ರಲ್ಲಿ ಸ್ಯಾರಿ ತೊಟ್ಟು ರಚ್ಚು ಡ್ಯಾನ್ಸ್ ಮಾಡಿದ್ರೆ, ರಚ್ಚು ಕೆನ್ನೆ ಹಿಡಿದು ಡಾಲಿ ಧನಂಜಯ ಮುದ್ದು ಮಾಡ್ತಾ ಸ್ಟೆಪ್ ಹಾಕಿದ್ರು. ಇದೀಗ ಎಲ್ಲವೂ ಉಲ್ಟಾ ಪಲ್ಟಾ ಆಗಿದ್ದು, ಸಿನಿಮಾ ರಿಲೀಸ್ ಪೋಸ್ಟ್ಪೋನ್ ಆಗಿದೆ.
ಅಂತೂ ಆಗಸ್ಟ್ 19 ಕ್ಕೆ ಮಾನ್ಸುನ್ ರಾಗ ಸಿನಿಮಾ ಬರ್ತಿಲ್ಲ. ಮಾರ್ಫಿಕ್ ಎಂಬ ತಂತ್ರಜ್ಞಾನ ಅಳವಡಿಸಿ ಕೊಳ್ಳುವ ಕಾರಣ ರಿಲೀಸ್ ಡೇಟ್ ಸದ್ಯ ಮುಂದೂಡಲಾಗಿದೆಯಂತೆ.ಈ ತಂತ್ರಜ್ಞಾನ ನೋಢುಗರಿಗೆ ಹೊಸ ಫೀಲ್ ಕೊಡಲಿದೆಯಂತೆ. ಇದ್ರಿಂದ ಪ್ರೇಕ್ಷಕರಿಗೆ 3ಡಿ ವಿಷನ್ ಫೀಲ್ ಆಗಲಿದೆ. ಇನ್ನೂ ಈ ಟೆಕ್ನಾಲಜಿಯನ್ನು ಆರ್ಆರ್ಆರ್ ಚಿತ್ರತಂಡ ಅಳವಡಿಸಿಕೊಂಡಿತ್ತು. ಇದ್ರ ಜತೆಯಲ್ಲಿ ರಿರೆಕಾರ್ಡಿಂಗ್ ಫೈನಲ್ ಆಗದೇ ಇರೋ ಕಾರಣ ಸಿನಿಮಾ ರಿಲೀಸ್ ಡೇಟ್ ಪೋಸ್ಟ್ ಪೋನ್ ಆಗಿದೆ. ಎಲ್ಲಾ ಕೆಲಸ ಕಂಪ್ಲೀಟ್ ಮಾಡಿಕೊಂಡು ಶೀಘ್ರದಲ್ಲೇ ಹೊಸ ಡೇಟ್ ಅನೌನ್ಸ್ ಮಾಡಲಿದೆ ಚಿತ್ರತಂಡ.
ವಿ. ಆರ್ ವಿಖ್ಯಾತ್ ನಿರ್ಮಾಣ, ಎಸ್.ರವೀಂದ್ರನಾಥ್ ನಿರ್ದೇಶನದಲ್ಲಿ ಸಿನಿಮಾ ಮೇಕಿಂಗ್ ಅದ್ಭುತವಾಗಿದೆಯಂತೆ. ಎಸ್. ಕೆ ರಾವ್ ಕ್ಯಾಮೆರಾ ಕೈ ಚಳಕ ಕಣ್ಣಿಗೆ ಒತ್ತಲಿದೆ. ಅನೂಪ್ ಸೀಳಿನ್ ಮ್ಯೂಸಿಕ್ ಕಂಪೋಸ್ ಹೀಗಾಗ್ಲೇ ಸಿಕ್ಸರ್ ಬಾರಿಸಿದೆ. ಎನಿವೇ ಆಗಸ್ಟ್ 19ಕ್ಕೆ ತೆರೆಗೆ ಬರಲಿರೋ ಸಿನಿಮಾ ರಿಲೀಸ್ ಡೇಟ್ ಮುಹೂರ್ತ ಯಾವಾಗ ಕೂಡಿ ಬರಲಿದೆ ಅನ್ನೋದನ್ನು ಕಾದು ನೋಡಬೇಕಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ
